الموضوع: السيريون بالجنوط والسيريون من غيرجنوط

السلام عليكمورحمه الله وبركاته
هقولكم انهارده عن رأئي في السيريون وهي الجنوط الاسبور ال 15 وكمان وهي بالطاسات والجنط الحديد ال 14
الاول الصور
دي صور العربيه بالطاسات



ودي صور العربيه وهي الجنوط





طبعا الفرق واضح
الاول الجنوط الحديد مقاس 14 وعليها كاوتش الفابريقه الدانلوب المعفن مقاس 14/175/65
الجنوط الاسبور صيني مقاس 15 عليها كاوتش فيدرال silnce مقاس 15/195/55

انا مركب الجنوط بقالي فتره تقريبا سنتين الاول كان فيها كاوتش 15/195/50 وده كان منشف العربيه اوي بزياده وبعد فتره ركبت المقاس الحالي اللي هو 55 بدل 50 وطبعا ده ريح العفشه اكتر بس رفع العربيه حاجه بسيطه

مميزات الجنط الاسبور ال 15
اولا الشكل الرياضي الجميل
ثانيا الفرق في الثبات الكبير بس برده بسبب عرض الكاوتش كمان
العيوب
نشوفيه العفشه هي مش ناشفه اوي بس بتنشف شويه محستش انها نشفت غير لما ركبت الجنوط ال من كام يوم كده وحسيت ان العفشه ده غير ان الجنط لو تقيل زياده عن اللزوم هيبوظلك كل شويه العفشه ممكن البيض او التياش و ممكن البلي بتاع العجل على حسب مشيك بتحافظ ولا بترزع فيها ده غير بقه الكاوتش رفع فممكن يطلع بلالين زي ما حصلي في الكاوتش ال 15/195/50 لما لبست مطب طلعلي فيه بلالين
وكمان الباور بيتقل شويه مش اوي يعني بس بيتقل شويه

نيجي للجنط الحديدي ال 14 بالكاوتش الاصلي ال 14/175/65
المميزات انه صغير وخفيف على العفشه مش لاقي مميزات صراحه
العيوب بقه
كاوتش ناشف وصته عالي بيحسسسك كل زلطه (ده الكاوتش الاصلي) رفيع بغباء 175 بس
الثبات اقل بكتيير من ال 15 عيون القط بترزع في العربيه والعربيه بترجرج جامد في الطرق المكسره وتحس انها بتتننط

انا عن نفسي شيلت ال 15 ومركب الاصلي ده مؤقتا بس عشان ان شاء الله هغير الجنوط لشكل تاني فقط
وممكن برده الحل البديل اللي هو تعريض الكواتش على نفس الجنط ال 14 برده بس انا بحس ال 14 صغير اوي في العربيه عشان كده مديها 15 ولو الطرق نضيفه كنت ركبت 16 عشان بدأت احس ال 15 صغير ههههههههه
كل ماشوف بره الجنط ال 19 لااكب في السيريون بتحسسسسسسسسسسسسسر والله خودوا دي سيريون جنط 19

وده حاجه صغيره كده مش أد المقام يدوب 17