فلتر البنزين في الاوبل استرا h 2007

**joha_sha** · 06-03-2013 09:50 PM

السلام عليكم ورحمه الله وبركاته

انا املك اوبل استرا H 2007 easy tronic اشتريتها من 4 شهور وحبيت اعملها سيرفيس ومعرفتش مكان فلتر البنزين فين ولما كلمت مقار قالولي العربيه دي مالهاش فلتر بنزين وانا بصراحة مش مصدق الموضوع ده

1-هل الكلام صح ولا مثلا الفلتر مع الطرمبه ف التانك وبيتغير كل اد ايه واجيبه منين اذا كان التوكيل مش عنده

2- كمان عندي مشكله اني ساعات لما بكبس بنزين بحس العربيه بتكتم الاول وبعدين تجري تمام ياترا ده بسبب ان في فلتربنزين ( اللي انا مش لاقيه) ومسدود ولا ايه مع العلم اني كده مغير فلتر هوا وبوجيهات ومنضف الرشاشات التراسونيك ولا في سبب تاني

3- عندي رجرجه متوسطه ف الطلعه

4- مؤشر الار بي ام ساعات بشوفه وانا واقف بيطلع وينزل حاجه بسيطه ياريت تقولولي حد فاهم ف كهربة العربيه دي لو سمحتو

5- الاول بينقل علي ار بي ام 3 وساعات 2.75 ( متاخر اوي ع الاول ) وباقيت السرعات بتنقل بدري اول ماشي رجلي من فوق البنزين يعني ممكن علي ار بي ام 2 ( بدري اوي)
يعني العربيه بتنقل لفوق بعد الاول بدري اوي وبتتاخر ف الاول وبتنزل نقلات تاني متاخر ===> ده سوفتوير ولا حاجه تانيه ومين ممكن يفهم ف موضوع السوفتوير ويغيرو

وتفتكرو الكتمه اللي بتيجي ف اول كبس البنزين دي والرعشه اللي بتيجي دي بسبب مشكله الكهربا ولا دوره البنزين ( فلتر اللي مش لاقيه او الطرمبه نفسها )

6- الكوفر بتاع المرايا مكون من جزئين اللي فوق بيتباع ب 120 اللي تحت مش بيتباع لوحده وبيجي مع المرايا فهل في حد جابه او عمله قبل كده عند حد بدل مالبس ف مرايا كامله عشان كوفر

انا عارف ان الحاجات كتير ياريت لو حد عنده فكره او وقع ف الحاجت دي قبل كده وحلها يساعدني وربنا يخليلنا نايل موتورز

**joha_sha** · 07-03-2013 01:08 PM

الحمد لله حليت مشكله رقم 6 واحد بتاع اكصذامات فصلهالي وزي الفل عقبال الباقي كده لما اسمع منكو

**Formulator** · 07-03-2013 01:31 PM

بعد إذن وحوش الأوبل :))

1- أى Fuel-system بوش (من بعد 2005) مفيش فلتر بنزين بيتغير!
بيبقى فيه Stainless/Teflon-mesh وده built-in فـ الطلمبة بيعيش بعمرها؟!!
وطبعا فيه Carbon-CANISTER لفلترة اللى خارج من التانك للدورة.. ونظام Filter cleaning e-Valve. يعنى ماتشتغلش دماغك :)

2- بردو دى رشاشات، جرب injector-cleaner
و تشيك عـ الكويلات.. لو بوجيهات هتقطع "in-gear" يعنى بعد ماتسحب تقطع، وبعدين تكمل سحب!

3- طقم دبرياج Easytronic (وممكن يبقى just فورك وبلية)؟!!
إستنى عاشور يفيدك أكثر فـ الحتة دى :))

4- بطارية ودينامو: الـrpm بيلعب عـ الـidle..
قيس شحن الدينامو بكل الأحمال (load-on: النور واطى وعالى والتكييف ووو)!
وشوف آخر مرة إتغيرت طقم سيور الدينامو-التكييف إمتى؟!!

5- هو الـEasytronic كده: وبردو حسب دوستك عـ الـaccelerator
طبعا هو بينقل بدرى قدر الإمكان عشان يوفر بنزين!
المفروض: لو فيه زرار S تشغله عشان يحرق معاك عـ النقلات (ولو فيه Eco* إفصله)
بس الحرق هيزود معاك إستهلاك البنزين

Rgds،

**joha_sha** · 09-03-2013 12:54 PM

انا متشكر جدا علي ردكم

1- طيب مفيش فلتر هل في حاجه من الحاجات التانيه دي بتتنضف زي اللي ف الفيديو ده كده وهل حتيجي بفايده
ولا مالاهاش لازمه
vauxhall egr valve removal and cleaning

vauxhall egr valve removal and cleaning - YouTube

2-الرشاشات انا منضفها التراسونيك عند مدحت ف المعادي وقالي انها شغاله كويس جدا بس ايه الكويلات دي ياستاذ Formulator ,,, ياستاذ حسن العربيه ساعات ادوس تكتم الاول وبعدين تمشي يعني زي مايكون في تاخيره كده بين دوستي ورد فعل العربيه ( بتفهم متاخر ) وده ساعات مش علي طول
3- العربيه ماشيه 95000 كيلو ومعرفش المالك الاول كان غيره مره ولا لا وطقم الدبرياج بحرق بيه علي 5 و6 ار بي ام وسحبها كويس ع الار بي ام العالي ومتوسط استهلاك البنزين 10.6 في كل 100 كيلو ( استهلاك كويس )فازاي يبقي طقم الدبرياج هي فعلا الرجه دي بتيجي بعد الوقفه شويه ولا تفتكروووو ان الموضوع ده ليه علاقه بسخونيه العربيه ولو كده حد جرب يعدل حاجه ف نظام التبريد
4- OK
5- هي المشكله ان الاول بينقل علي 3 او اقل حاجه بسيطه وممكن لما العربيه توصل للخامس ونزلت السرعه لحد 70 ولسه ع الخامس طيب ده لو سوفتوير انا محتاج حد فاهم يغيرهولي وكمان يغيرهولي باني فيرجن ؟؟؟؟

شكرا علي ردودكم بجد بس انا كده محتاج كهربائي ومكانيكي عنده جهاز وفاهم فيها ويعرف يغير السوفتوير تنصحوني بمين

وشكرا