شيفوروليه افيو متعه القياده والراحه وقمه الشياكه (رأيى الشخصى)

**rishinko** · 02-01-2009 10:52 PM

you forgot to tell them all that the car is not heavy enough,..
tell us how is it after 100km????

**shock** · 03-01-2009 12:29 AM

انا العربية ثباتها حلو معايا لحد 140 بس انا مش بحب اعدي ال 120 عشان فراملها حلوة معايا بعد كدا مش ضامن تمسك معايا ولا لا
انا اخر حاجة جبتها بيها كانت 160 وكانت ثابتة والله
بس خوفت ازود عنها و 160 جبتها بعد ما اشترتها بكام يوم
وانا مسافر ومحسيتش بيها الا ما شوفت العداد
وكل واحد واستخدامه للعربية بتاعته يعني انا الاول كنت
مبهدلها كام يوم بس الحمد لله محصلش حاجة
بس بعد كدا بقيت بحافظ علي العربية ولحد الان مش مشتكي
منها

**احمد عز** · 03-01-2009 04:54 PM

المشاركة الأصلية كتبت بواسطة shock

انا العربية ثباتها حلو معايا لحد 140 بس انا مش بحب اعدي ال 120 عشان فراملها حلوة معايا بعد كدا مش ضامن تمسك معايا ولا لا
انا اخر حاجة جبتها بيها كانت 160 وكانت ثابتة والله
بس خوفت ازود عنها و 160 جبتها بعد ما اشترتها بكام يوم
وانا مسافر ومحسيتش بيها الا ما شوفت العداد
وكل واحد واستخدامه للعربية بتاعته يعني انا الاول كنت
مبهدلها كام يوم بس الحمد لله محصلش حاجة
بس بعد كدا بقيت بحافظ علي العربية ولحد الان مش مشتكي
منها

ربنا باركلك فيها يا باشا بس انت تقيم العربيه يعنى تديها كام من ميه % يعنى التكييف كام الشكل الخارجى كام وكده علشان فى ناس كتير

بيقول اى كلام عن العربيه انها ملهاش لزمه وكلام كده يعنى فكنت عاوز اعرف تقييمك للعربيه كام وياريت كل الى معاه الافيو يقول الى هو شيفه بدون جامله لحد

**shock** · 03-01-2009 10:54 PM

المشاركة الأصلية كتبت بواسطة احمد عز

ربنا باركلك فيها يا باشا بس انت تقيم العربيه يعنى تديها كام من ميه % يعنى التكييف كام الشكل الخارجى كام وكده علشان فى ناس كتير

بيقول اى كلام عن العربيه انها ملهاش لزمه وكلام كده يعنى فكنت عاوز اعرف تقييمك للعربيه كام وياريت كل الى معاه الافيو يقول الى هو شيفه بدون جامله لحد

اولا التكييف بتاعها بحس انه ضعيف بشغله علي 2 وضعيف مع اني اول ما جبتها كان طبيعي 70%

ثانيا الشكل الخارجي جامد ما عدا الفوانيس الخلفية شكلها مش عاطفي 99% عربية تحس انها شبابي

ثالثا انا قولت الثبات بتاعها حلو معايا جدا 99%

العربية في المجمل بتاعها جامدة 95% عن اي عربية في فئتها

بس انا عندي مشكلة في الباور بتاعي مهيس شوية
بيتقل مش بيرجع لطبيعته الا ما اكسر الدركسيون واشد الهاند

فا مش عارف ايه الحل انا الهاند بقت سايبة هههههه

ويا جماعة اللي بيقول العربية مش حلوة محدش ضربه علي ايديه وقاله اشتريها معاك فلوس زيادة هات حاجة احسن انا كان بمقدوري اجيب احسن واقسط الباقي حاجة بسيطة يعني اللي خليني ادفع 78 الف في عربية كاش اانها مناسبة ليا
انا مثلا تابعت موضوعك من ساعة ما اتعمل وقعدت بعديها اشوف العربية مع الناس وماشية ولا فيها عيوب لحد ما جيبتها مع اني كنت بعقد اتريق علي واحد صاحبي كان جابها قبلي ومش كنت قابلها
فا اظن الواحد مش صغير عشان يمشي ورا الكلام وبس تاكد انتا منها مش غيرك اللي يقولك

**shanodaa** · 03-01-2009 11:49 PM

افيو سياره ممتازه وكل موديل من السياره بتبقي فيه عيوب في بعض السيارت وليس كلهل ومش معني ان فلان معاه سياره فيها عيوب تصنيع معناه ان السياره كلها معابه

**shock** · 04-01-2009 12:10 PM

المشاركة الأصلية كتبت بواسطة shanodaa

افيو سياره ممتازه وكل موديل من السياره بتبقي فيه عيوب في بعض السيارت وليس كلهل ومش معني ان فلان معاه سياره فيها عيوب تصنيع معناه ان السياره كلها معابه

هو دا الكلام الصح انا ليا صاحبي جايب الاوتوماتيك
وعنده تزيقة في العفشة مع ان العربية مش بيستخدمها كتير ومش عندي التزيقة دي

**hafeztamer** · 04-01-2009 06:10 PM

عندى تزيق فى العفشة

**احمد عز** · 05-01-2009 02:28 PM

المشاركة الأصلية كتبت بواسطة shock

اولا التكييف بتاعها بحس انه ضعيف بشغله علي 2 وضعيف مع اني اول ما جبتها كان طبيعي 70%

ثانيا الشكل الخارجي جامد ما عدا الفوانيس الخلفية شكلها مش عاطفي 99% عربية تحس انها شبابي

ثالثا انا قولت الثبات بتاعها حلو معايا جدا 99%

العربية في المجمل بتاعها جامدة 95% عن اي عربية في فئتها

بس انا عندي مشكلة في الباور بتاعي مهيس شوية
بيتقل مش بيرجع لطبيعته الا ما اكسر الدركسيون واشد الهاند

فا مش عارف ايه الحل انا الهاند بقت سايبة هههههه

ويا جماعة اللي بيقول العربية مش حلوة محدش ضربه علي ايديه وقاله اشتريها معاك فلوس زيادة هات حاجة احسن انا كان بمقدوري اجيب احسن واقسط الباقي حاجة بسيطة يعني اللي خليني ادفع 78 الف في عربية كاش اانها مناسبة ليا
انا مثلا تابعت موضوعك من ساعة ما اتعمل وقعدت بعديها اشوف العربية مع الناس وماشية ولا فيها عيوب لحد ما جيبتها مع اني كنت بعقد اتريق علي واحد صاحبي كان جابها قبلي ومش كنت قابلها
فا اظن الواحد مش صغير عشان يمشي ورا الكلام وبس تاكد انتا منها مش غيرك اللي يقولك

الف شكر على التقييم ده يا باشا

**roreki** · 05-01-2009 05:36 PM

اولا مبروك على العربية يا احمد ولو انها متأخرة جدا جدا

ثانيا انا بفكر فى العربية دى مثلا من شهرين كدا و محتار والله مع انى شايف انها احسن من عربيات كتير اغلى منها كمان

ثالثا بقى و دا الاهم انا كنت عاوز اجيبها قسط .. يا ترى تعرف اسعارها دلوقتى كام ؟ كنت عاوز اجيب كورى لو فيه منها يعنى دلوقتى مانيوال فول اوبشن .. يا ترى تعمل كام و اقدر اقسطها منين ؟

انا كان معايا هيونداى اكسل و لسه بايعها من اسبوعين و بصراحة كانت حلوة اوى بس حبيت اغير و اجيب حاجة كويسة برضو تستحملنى الكام سنة الجايين

و شكرا مقدما

**احمد عز** · 06-01-2009 01:46 PM

المشاركة الأصلية كتبت بواسطة roreki

اولا مبروك على العربية يا احمد ولو انها متأخرة جدا جدا
و شكرا مقدما

الله يبارك فيك يا باشا

المشاركة الأصلية كتبت بواسطة roreki

ثانيا انا بفكر فى العربية دى مثلا من شهرين كدا و محتار والله مع انى شايف انها احسن من عربيات كتير اغلى منها كمان

بس اهم حاجه تكون مقتنع بيها ويستحسن او تعرف حد معاه العربيه تجربها اول

المشاركة الأصلية كتبت بواسطة roreki

ثالثا بقى و دا الاهم انا كنت عاوز اجيبها قسط .. يا ترى تعرف اسعارها دلوقتى كام ؟ كنت عاوز اجيب كورى لو فيه منها يعنى دلوقتى مانيوال فول اوبشن .. يا ترى تعمل كام و اقدر اقسطها منين ؟

هو عموما الكورى كله فول اوبشن مانيوال بس اما بالنسبه للسعر وهو 80.000 وممكن تجبها من منصور نفسه هو بيقسط لنفسه وبيقسط كمان مع ستى بنك ويستحسن لو حتشترى استنى اسبوعين تلاته معظم التوكيلات خفضت الاسعار لعلى وعسى ممكن منصور كمان يعمل زيهم علشان بعد كده