الموضوع: شيفوروليه افيو متعه القياده والراحه وقمه الشياكه (رأيى الشخصى)

المشاركة الأصلية كتبت بواسطة hafeztamer

ارجوا المساعدة انا عندى افيو 2008 اسمع صوت تزيق عند المطبات ورحت التوكيل وضعوا شحم عند جلب المقصات ولكن الصوت موجود
شكرا لسيادتكم

أنا كنت اتكلمت في الموضوع ده قبل كده هنا

http://www.nilemotors.net/Nile/showt...t=15051&page=3

وده عيب صناعة واضح جداً ومافيش حد مبيشتكيش منه إنما في المنصور لما بتشتكي بيستغربوا قوي علشان يحسسوك إن أنت لوحدك إللي في مصر بيشتكي من جلب المقصات , ويطلعوها عيب استخدام مش عيب تصنيع

بص حتقف وتبلطج وتطالب بتغييرها مش تشحيمها حتاخد حقك ببلاش بس حتضيع يوم من عمرك زي واحد صحبي

حتقول تضييع يوم كامل أغلى بكتير من الـ 90 جنية تمن الجلب , اشتريها من عندهم وغيرها بره زي أنا مابعمل أنا مش فاضي للفهلوة المصرية دي

شكرا اخى الفاضل حفظك الله

المشاركة الأصلية كتبت بواسطة thunder_are

السلام عليكم
أولا مبروك العربية وربنا يسعدك بيها ويكفيك شرها...
وأنا فعلا جربت الأفيو وهيا عربية محترمة جدا في كل حاجة بس لايستحسن تسوق بيها فوق ال 140 كم/س

عندي سؤال بسيط:
هل الأفيو اللي ب 74000 ج فيها زجاج كهرباء أمامي وللا موجود في الفول أوبشن بس؟
وهل الكاسيت به مدخل للسماعات زي اللي موجود في أي كاسيت عادي ؟
وشكرا

aywa ba2a leeh matso2sh fo2 el 140km/h neya bet3om awy

we kaman heya wala lanos 2

المشاركة الأصلية كتبت بواسطة samehafez

انا استلمت عربيتي 28/6/2007 يعني بقالها معايا سنة و شهرين .. عاملة 15000 كم
1- العربة عالية عن الارض المطبات ملهاش اي تاثير ( ثبات العربية معقول جدا و لدرجة اني عملت تجربة انا و صديق ليا و هو اللي كان سايق عشان هو بيسوق احسن مني و خدنا الدائري من الهرم لنزلة مدينة نصر منزلتش السرعة عن 160 و شوية غرز حلوة ... و تعليقة عليها ان ثباتها معقول جدا و خصوصا ان هو معاه نيسان صني )
2-استهلاك البنزين بياخد فترة علي ما يتظبط حاليا ما بين 10-8 لتر لل 100 كم (شوية بتكييف ومن غير يعني متوسط 9 لتر )
3-البودي صاجة خفيف فعلا بس مش خفيف لدرجة انه ورق يعني او زي الهيونداي زمان (موديلات هيونداي الجديدة صاجها فوق الممتاز
4-اداء الموتور معقول جدا بس مش رياضي
5-انا عندي الفتيس مانيوال ..بصراحة فوق الممتاز
6-اتساع العربية من جو حلو جدا
7-خامات التابلو والتقفيل فوق الممتاز الحمدد لله مفيش اي مشاكل بعد سنة استخدام
8-عزل الصوت متوسط ... عزل الحرارة متوسط بعد مشوار طويل بحس ان الكاسيت سخن مش عارف مفيش عزل ورا الكاسيت ولا ايه
9- الباور بتاع العربية ممتاز جدا
10- التابلوة شيك وجامد جدا بس الكاسيت الشرايط و اللي مفيهوش Aux عاوز الحرق
11- لو فتحت الكبوت الحياة تحتيه حلوة واسع لو عاوز تمد ايدك (فيه عيب وهو ان انا اعتقد ان ال Ecm تحت علبة الفيوزات مباشرة ده ممكن يعرضها للخطر اثناء عسيل الموتور ....بصراحة معرفشي في بقية العربيات بتبقى فين )

بصراحة انا شايف انها تستاهل اللي اندفع فيها و هي بتديني اداء علي قد ما دفعت لا اكتر ولا اقل ........ الحمد لله ماوجهتش معاها اي مشكلة من اي نوع

أولا العربيه ممكن تكون عاليه لكن أن المطبات ليس لها تأثير فلا أشاركك الرأى وخصوصا مع قساوة العفشة(العفشة غير مرنه بالمره ناشفه جدا)

ثانيا أستهلاك البنزين أعلى من 12لتر داخل المدينه ولكن أقل من 8لتر إذا استخدمت جميعها على الطرق السريعه يعنى موفره فى السفر ومهلكة داخل المدينه .
ثالثا الفتيس يمكن ربنا سهله لك لكن الاغلبيه ومنهم انا اجده خشن وأحيانا يعلق وخصوصا فى المارشدير
رابعا عزل الحرارة جرب انك تضعها فى مكان ليس جيد التهويه واتفرج على سخونة الصالون (لا تحتمل )
رابعا الدركسيون قد يكون مرن نسبيا بأعتباره لعربيه جديده ولكن لن اعتبره باورحتى جيد مقارنة بغيرها من السيارات التى تحتوى على باور
- ده رد على بعض ما جاء بمقالتك أزيد عليها
-التوكيل زى الزفت (أنا تعاملت مع توكيل الكيلو 28 أسكندريه)
ذهبت للصيانه الأولى بعد 4شهور وأشتكيت من تزييقه خفيفه فى العجله الخلفيه وكان أحدهم نصحنى بعمل ضبط زوايا وياليتنى ما سمعت كلامه
خرجت من التوكيل والتزييقه الخفيفه بقت فرقه تزييق بعد ماعملو ضبط زوايا والدركسيون بقى فى وضع غير مضبوط بالأضافه إلى إنى كل ما أشتكى من حاجه يقولى ده طبيعى فى كل السيارات الجديده مثل أن الدبرياج عالى بعض الشئ يوصل التروس قرب ترك القدم الدواسه نهائيا-الفتيس خشن جدا وأحيانا يعلق وبالأخص فى المارشدير- الباور ضعيف
ولكن فى النهاية ليست سيئه ولكن اسوء مافيها التوكيل