انتا مكبرين الموضوع ليه ؟

احنا ولا زباله ولا احنا بلطجيه علشان نتجوز بنات نشغلهم ولا نروح نخطف بنات علشان ظروفهم صعبه

لو البنات دى عايزه تتجوز وظروفها تعتبر زى ظروف الشاب المصرى دلوقتى رايحه فى داهيه
ايه المانع انها تتجوز
وماحدش فينا هيروح يتجوز واحده مش متدينه او على الاقل ملتزمه
انا فكرت فى الموضوع ده لاسباب كتير
اولآ انهم ذو جمال واخلاق ودين واصلاء

انا كرهت المنتج المصرى علشان حاجات كتير
اولآ انا مش شايف اخلاق
طماعين
انحدار عاطل على باطل

يعنى انا اتقدمت لكذى واحده من هنا

واحده اهلها اعترضو عليا علشان شقتى صغيره 3 اوض وصاله محندقين ما اعتقدتش ان الشباب كلهم عندهم شقه علشان حد يتعوض ويقول صغيره وعايزين كبيره

واحده تانيه ابوها واخوها كانو معترضين على الشهاده
وكنت بشتغل فى شركة محاسبه وعندى شغل خاص بيا على الانترنت
واعترضو على الشهاده يلا مش مهم انتو حرين

وناس كانت بتعترض انى هجيب الشبكه فى كتب الكتاب وتفركش الموضوع علشان كده

وخد من ده كتير

انا مش بتكلم على انى هبخث حد حقه بس بتكلم على اساس اننا فى مصر بقينا سطحين وتافيهن اوى

والبنت السوريه عايزه ربنا يسترها وانا عايز ربنا يسترنى ايه المانع اننا ندور عليها ؟

و100% مش هتتجوز واحده سوريه الا اذا كان ربنا كاتبهالك
اصل الجواز قسمه ونصيب وماحدش هيأخد اكتر من نصيبه

وربنا شايلك نصيبك من سوريا لحد مصر علشانك وعلشانها

اما اذا كانو عاملين انهم ممكن يرجعو سوريا بعد ما الاوضاع تتحسن وتقلبك هنا ما اعتقدتش ان حد ممكن يعمل كده علشان انا مش متجوز واحده اجنبيه هتأخد منى العيل اول ما تخلف وترجع بلدها

دول عرب ومسلمين واصله

وياريت بس نحط كل حاجه فى حجمها الطبيعى وما نكبرش كل حاجه