الموضوع: تغيير علبة الشكمان واشتغالات الصنايعية.

السلام عليكم ورحمة الله وبركاته
الشكمان عاندى كان مش ثابت من ورا وبدأ يخبط فى الاكصدام وكنت بسمع صوت تنفيس من عاند الكاوتش الشمال ال ورا،قالولى فى واحد اسمه رائد ده احسن واحد بتاع شكمان فى العاشر من رمضان،روحت ليه قالى ياااااااااااااااه ده الشكمان ده ضايع خاااااااااالص ولازم النص ال ورا ال فيه العلبة يتغير،قلتله لازم يعنى؟،قالى طبعا ده الشكمان ضايع خالص، قلت ليه هايكلف كام قالى 180 جنيه، بصراحة انا ما اقتنعتش نهائى بكلامه فقلت ليه طيب ها ارتب امورى واجيلك،ومشيت من عانده وعديت على واحد صاحبى ميكانيكى قلتله عايز حد بتاع شكمان كويس،قالى ها ابعتك لحد ميه ميه وقوله انك ابن خالتى،قلتله فين ده،قالى فى المكان الفلانى واسمه رائد هههههههه،قلتله انا لسة جاى من عانده دلوقتى وقالى كذا وبصراحة انا حاسس انه بيشتغلنى،راح متصل بيه قاله العربية اللانوس ال كانت عاندك دلوقتى بتاعة ابن خالتى وعايزين نعمل فيها الصح وسيبك من موضوع التغيير ده،قاله خلاص ابعتهولى،رجعت ليه تانى راح مثبت الشكمان كويس وكان فيه للحام عمله،ولقيت صوت التنفيس زى ماهوه قلتله ايه صوت التنفيس ده قالى ياعم ده صوت طرمبة البنزين،وكله بقا تمام واخد عشرين جنيه.
فعلشان مفيش حد فينا ينضحك عليه ياريت الاخوة الخبراء يقولوا لنا ايه هيا الاعراض ال من خلالها نعرف اننا لازم نغير علبة الشكمان؟