الموضوع: مساعدة نازل التوفيقية بكرة

السلام عليكم يا اعضاء المنتدى

طبعا عارف انى بغيب كتير عن المنتدى بس السبب بعد المشاغل اللى انا فىها و كلية الهندسة انى انا معايا عربية دايما مش بلاقى ليها حل فى منتدانا و كمان هى عربية مليانة مشاكل فأنا مش بعرف اشتكى من ايه ولا ايه فيها و ربنا يصبرنى و يعوضنى انا و لو فيه حد زيي

المشكلة ان انا تلاقينى بشتكى من عيوب ميكانيكية كتييييييييييرة قوى فى العربية و بشتكى من كثرة المصاريف و انعدامها فى جيبى بس انا مريض بحاجة اسمها اكسسوارات و دايما بتلفت نظرى و بفضل اشتريها بفلوس كان ممكن اصلح بيها العربية

المهم انا بعد تفكير طويل عايز انزل بكرة التوفيقية اشترى مسند ما بين الكرسيين بس محتار فى كام حاجة

1- اجيب مسند لون ايه انا عندى الكراسى قماش ازرق و فرش الابواب ازرق فى اسود و الطبلوه رمادى فى اسود (للى يعرف شكل البونتو من الداخل )

2- هو لازم مقاس معين لانى خايف اجيب واحد يطلع كبير على المساحة بين الكرسيين او صغير و ميثبتش

3- هو باذن الله لو جبته مش هيضايق الهاند بريك (اللى يعرف مكان الهاند فى البونتو هيعرف قصدى)

4- انا بسمع ان فيه انواع و خامات كتير و فى نوع فيه حامل كبايات دة صح ولا لأ

5- الاسعار ثم الاسعار ثم الاسعار بتبتدى من فين لفين

6- هل التوفيقية هتفتح قبل صلاة الجمعة ولا لأ لانى انا نازل على 8.30 __9.00 عشان بعد الصلاه ورايا مشاويير كتير

و بس و ياريت لو حد نزل جاب مسند من هناك يشاركنا بخبرته و ايه رأيه فى الحوار كله و انا اهو بعدت عن المشاكل الميكانيكية اللى مش بلاقي ليها حلول هنا ياريت تفيدونى فى الموضوع دة :)
و شكرا

بس يا محمد باشا انا نزلت النهاردة و فعلا هما فاتحين قبل الصلاه بس المشكلة ان الزباين كانت قليلة فانت اول ما بتقف قدام اى فرشة بيبقى نفسك تتفرج على رواقة بس للاسف تلاقى صاحب الفرشة جه طب على دماغك و يعد يدوشك انت عايز ايه يا برنس طيب بتدور على ايه لحد ما تزهق و تسيب المكان كله و للاسف ملقتش غير شكلين بس فى المساند واحد اسود جلد و التانى بلاستك كانه خشب و فيه اجزاء فضى بتلمع زى اللى بيحطوه فى التاكسى (الشاهين)
بس انا كدو كدة نازل تانى قريب الاسبوع دة و هسألأك على الانذار اللى انت عايزه
بس لو هخدمك انا مركب جهاز انذار وولف بالامانة جهاز 10على 10 اعطاله قليله دة لو فيه اعطال و الجهاز بينزل بريموتين شكلهم شيك جدا على حسب ذوقك و اختيارك انا بامانه مبسوط منه جدا و ركبته عند واحد اعرفه على جسر السويس كله بالمصنعية و التركيب 230 جنيه دة كدة و انا كمان مافاصلتش كنت مستعجل
و اتمنى انك برده تسال الناس اللى مركبة انذار وولف