انا عندى مشكله فى الجانب الايسر

**mohammed dodda** · 20-03-2013 11:45 PM

بص ياحاج الطقة دى من الاخر:( جلب مقصات- جلدة ميزان بزنبة او النحاسة بتاعتها - البيضتين اللى ماسكين تيش النص بالاتياش الطرفية - احتمال بعيد يكون الاكصدام مش مظبوط كويس او قواعد الموتور جابت اخرها).......والطقة لما حصلت عندى كانت من السبب التالت وما اقتنعتش بكلام العفشجى الا لما حركت دراع البيضتين بأيدى وسمعت صوت الطقة

**samehamer84** · 22-03-2013 12:00 PM

ايه هو جلدة ميزان بزنبة او النحاسة بتاعتها - والصوت بيجى معايا على فترات مره يجى ومره ميجيش ومره يقعد معايا اسبوع ومره يروح تلا ت ايام ويرجع تانى

**samehamer84** · 22-03-2013 12:03 PM

معلش حتعبك معايا .. البيضتين اللى ماسكين تيش النص بالاتياش الطرفية اللى هو تيشت يمين وشمال اللى بيتحرك فوق وتحت هو ده اللى كان عندك وغيرته ولا ايه الصوت راح معاك يانجم طمنى

وكمان العفشجيه بيقولوا ان التيش ده هو اللى بيعمل لجلجه مش طقه .

**mohammed dodda** · 23-03-2013 01:16 AM

المشاركة الأصلية كتبت بواسطة samehamer84

ايه هو جلدة ميزان بزنبة او النحاسة بتاعتها - والصوت بيجى معايا على فترات مره يجى ومره ميجيش ومره يقعد معايا اسبوع ومره يروح تلا ت ايام ويرجع تانى

...بص ياغالى : فك العجلة الشمال خالص وجيب اخر الدركسيون شمال وانزل بص عالمسافة مابين الطنبورة ومكان تثبيت الاكصدام من جوا الرفرف.. هتلاقى حديدة جاية من تحت العربية قدام وماسكة فى جسم الطنبورة من ورا..الحديدة دى اسمها (ميزان)..بص على نقطة اتصال الحديدة بالطنبورة حتلاقى (جلدة ميزان) ممسوكة بنحاسة والجلدة دى ليها بروز(اسمه زنبة) داخل فى فتحة وسط النحاسة للتثبيت..اكشف عليها كده وشوف...........بالنسبة للاتياش فأنا ماغيرتهاش يا باشا ..انا قولتلك (بيض الاتياش)...الاتياش الطرفية بيسموها (مناول الدركسيون) لانها متوصلة بعلبة الدركسيون..الجزء ده فيه عدد 6 بيض : بيضتين لتيش النص ( ودول اللى انا غيرتهم) وبيضتين مناول على كل جنب للاتياش الطرفية وبيضتين على كل جنب برضه ورا الطنبورة ومتوصلين بيها وهما اللى بيحركوها يمين وشمال...يبقى المجموع 6 بيض ممكن تكشف عليهم بنفسك برضه عند العفشجى

**samehamer84** · 23-03-2013 01:31 PM

باشا ممكن تجبلى ايميلك على الفيس والياهوو عشان حصورلك الجزء اللى تحت واورهولك انا دماغى تاهت بصرحه لانى غيرت كذا حاجه تحت ونفسى اضيع صوت الطقه ديه خالص. ولو عندك صور من على النت

**samehamer84** · 25-03-2013 01:40 AM

[QUOTE=mohammed dodda;3874884079]...بص ياغالى : فك العجلة الشمال خالص وجيب اخر الدركسيون شمال وانزل بص عالمسافة مابين الطنبورة ومكان تثبيت الاكصدام من جوا الرفرف.. هتلاقى حديدة جاية من تحت العربية قدام وماسكة فى جسم الطنبورة من ورا..الحديدة دى اسمها (ميزان)..بص على نقطة اتصال الحديدة بالطنبورة حتلاقى (جلدة ميزان) ممسوكة بنحاسة والجلدة دى ليها بروز(اسمه زنبة) داخل فى فتحة وسط النحاسة للتثبيت..اكشف عليها كده وشوف...........بالنسبة للاتياش فأنا ماغيرتهاش يا باشا ..انا قولتلك (بيض الاتياش)...الاتياش الطرفية بيسموها (مناول الدركسيون) لانها متوصلة بعلبة الدركسيون..الجزء ده فيه عدد 6 بيض : بيضتين لتيش النص ( ودول اللى انا غيرتهم) وبيضتين مناول على كل جنب للاتياش الطرفية وبيضتين على كل جنب برضه ورا الطنبورة ومتوصلين بيها وهما اللى بيحركوها يمين وشمال...يبقى المجموع 6 بيض ممكن تكشف عليهم بنفسك برضه عند العفشجى

باشا انا صورتك جزء من العفشة من تحت عشان تورينى جلده الميزان صح ولا ايه

**abokoko** · 25-03-2013 04:42 PM

[QUOTE=samehamer84;3874887809]

المشاركة الأصلية كتبت بواسطة mohammed dodda

...بص ياغالى : فك العجلة الشمال خالص وجيب اخر الدركسيون شمال وانزل بص عالمسافة مابين الطنبورة ومكان تثبيت الاكصدام من جوا الرفرف.. هتلاقى حديدة جاية من تحت العربية قدام وماسكة فى جسم الطنبورة من ورا..الحديدة دى اسمها (ميزان)..بص على نقطة اتصال الحديدة بالطنبورة حتلاقى (جلدة ميزان) ممسوكة بنحاسة والجلدة دى ليها بروز(اسمه زنبة) داخل فى فتحة وسط النحاسة للتثبيت..اكشف عليها كده وشوف...........بالنسبة للاتياش فأنا ماغيرتهاش يا باشا ..انا قولتلك (بيض الاتياش)...الاتياش الطرفية بيسموها (مناول الدركسيون) لانها متوصلة بعلبة الدركسيون..الجزء ده فيه عدد 6 بيض : بيضتين لتيش النص ( ودول اللى انا غيرتهم) وبيضتين مناول على كل جنب للاتياش الطرفية وبيضتين على كل جنب برضه ورا الطنبورة ومتوصلين بيها وهما اللى بيحركوها يمين وشمال...يبقى المجموع 6 بيض ممكن تكشف عليهم بنفسك برضه عند العفشجى

باشا انا صورتك جزء من العفشة من تحت عشان تورينى جلده الميزان صح ولا ايه

لو الصور و الرد بقي جوه المنتدى
كانت الاستفاده هتبقي اعم و اهم

**mohammed dodda** · 25-03-2013 06:55 PM

[QUOTE=abokoko;3874888888]

المشاركة الأصلية كتبت بواسطة samehamer84

لو الصور و الرد بقي جوه المنتدى
كانت الاستفاده هتبقي اعم و اهم

.....باشا اللى انا اعرفه من تجربتى مع العربية كتبته فى المنتدى والاستاذ اللى بيسأل مستقبلتش منه صور لحد دلوقتى فياريت يعرضها لينا هنا واللى عنده معلومة هيفيده

**abokoko** · 25-03-2013 10:56 PM

[QUOTE=mohammed dodda;3874889044]

المشاركة الأصلية كتبت بواسطة abokoko

.....باشا اللى انا اعرفه من تجربتى مع العربية كتبته فى المنتدى والاستاذ اللى بيسأل مستقبلتش منه صور لحد دلوقتى فياريت يعرضها لينا هنا واللى عنده معلومة هيفيده

انا كنت منتظر الصوره وتعليق حضرتك عليها
http://www.nilemotors.net/Nile/3874882830-post4.html

**mohammed dodda** · 26-03-2013 01:46 AM

أولا الاستاذ صاحب الموضوع مرفعش اى صور...ثانيا الموضوع اللى حضرتك حاطط اللينك بتاعه ده انا ليا مشاركة فيه انى متابع الردود لانى معنديش اجابة وافية للسؤال اللى حضرتك سألته بتاع أعراض التلف

الموضوع: انا عندى مشكله فى الجانب الايسر

LinkBack

أدوات الموضوع

عرض

-

-

-

-

-

-

المواضيع المتشابهه

حل مشكله التكة او الصوت عند الجانب الايسر للعربية عند بعض المطبات

الام بالجانب الايسر من الخلف

الم فى الظهر الجزء الايسر

عندى مشكله تأخر الدواره صباحا و مشكله تانيه فى السخونيه

انا عندى مشكله

الكلمات الدلالية لهذا الموضوع

المفضلات

المفضلات

ضوابط المشاركة