ارجوكم للاعضاء الجدد .. يحالوا يقلبوا شوية فى الموضوعات فى مكتبة القسم المثبت اعلى الصفحات
وكمان يقبلوا فى الصفحات اللى فى القسم

فى موضوعات فيها معلومات كتيرة جدا
لان لاحظت نفس الاسئلة بتكرر

ولما تيجوا تعملوا موضوع جديد
تسالونا .. انتوا فين ومحدش بيرد علينا
لان بصراحة عندنا حق
لاننا بنمل وبنزهق من تكرار نفس الاسئلة .. والاقى الاعضاء بتكسل

وبعدين انتوا كدا بتضيعوا مجهود الناس اللى ردت فى الموضوعات القديمة
سواء اللى اجتهدت وعملت موضوعات او ردت فيها وجابت معلومة مهمة من مهندسين فى التوكيل او ميكانيكية

ارجوكم مثل ما بنخلص لكم وبنتعب دايما عشان نوفر ملعومة وخدمة جيدة ليكم
راعونا شوية واتعبوا فى مسالة البحث عن المعلومة المتوفرة داخل القسم !
وياريتها مش موجودة .. والله موجودة .. بس عايزة منكم تعب شوية .. عشان تلزق ومش تنسوها لما تلاقوها

الاعضاء القدامى اللى بيتابعوا القسم .. لما بلاقوا الوضع كدا بينصرفوا عن المشاهدة والمشاركة

وبرغم الظروف اللى فيها من اشغالنا وحياتنا والضغوط وبندخل نتابع ونشوف فى جديد ولالا
بنلاقى نفس الاسئلة المكررة

ارجوكم اهتموا بعملية البحث داخل القسم

وحتلاقوا لبن العصفور

وكمان اهتموا بالعناوووووووين لو سمحتم

وانا مقاطع اى موضوع فيه ارجوا المساعدة .. او عنوانه مبهم
لغاية ما صاحبوا يغيره او حد يطلب من الادارة تعدل العنوان

اتمنى يكون فى تعب وتغير من الاعضاء الجدد

تحياتى