السلام عليكم اخواتى الهونداويه
جاى احكيلكم على الشدايه دى
ماشى فى صلاح سالم فى امان الله و جه جنبى بتاع البى ام ده
العربيه لونها اسود ما شاء الله جمرك
فا سبته يطلع قدامى اعرف العربيه دى ايه
ببص لقيتها 760 Li اول مره اشوف الرقم ده فى مصر اه ممكن 740 او 750
قمت دايس بس سنه بنزين و الله ما عملتله حاجه و لا قصدى اشد ولا بتاع ولا اى حاجه
تقريبا كده صوت الشكمان ضايقه
لقيت اللى راكب جوه داس كيك داون طار من جنبى مثلا مسافه بتاع 30 او 40 عربيه
انا مش قصدى اشد و الله انا بس دوست بنزين علشان اطلع اشوف اللى راكب جوه علشان انا عارف امكانيات العربيه دى
اذا كان ال 740 Li سابنتى و مشيت على الدائرى فرق مثلا بتاع 90 عربيه
ده هيعمل فيا ايه !!!!
المهم الطريق قفل و قربت منه شويه فجأه الطريق فتح هوب اخد غرزه × التانيه × التالته
و ربنا ما شفته تانى ولا حتى لمحت ديل عربيته
و انا فرحان بال 190 حصان بتوعى أحييي يا ابو سوسو
بجد بى ام دبليو شركه محترمه جدااااا بس فلوسها كتير جدا جدا جدا جدا جداا
الحاجه اللى استفدتها من الموضوع ده
متتشطرش على حد علشان محدش ييجى يتشطر عليك
اينعم فى عيال مستفزه بس هنعمل ايه بقا :D:D
تحياتى
^_^
المفضلات