الموضوع: سيارات من الخليج

المشاركة الأصلية كتبت بواسطة gemino

انا شايف ان الاخ m_moustafa800 يكمل موضوعه و عروضه و لا يلتفت للكلام اللى مالوش لازمة
و الاعضاء المتشككين قالوا كل حاجة و لو خايفين بلاش يدخلوا فى الموضوع و كمان بلاش يضيعوا الفرصة على باقى الزملاء

لا مشككين و لا حاجة انا بسئل يا جماعة و السؤال محرمش و علي فكرة يا استاذ محمد انا اول واحد شاري ان شاء الله الاوكتافيا A5الي ب 133000 جنيه ان شاء الله بس علي شرط تكون هي الي عند الوكيل ب 167000

مستنيين عرض حضرتك والlist الى وعدتنا بيها

المشاركة الأصلية كتبت بواسطة m_moustafa800

طبعا متاكد ان ناس كتير هتقول ايه اللي رجعني اكتب تاني بعد اسبوع من عدم الرد وببساطة انا كنت بحاول بقدر المستطاع مع التوكيل في السعودية اني اخد اي عربيات 2008 وللاسف ما وفقتش وبالتالي ما رفعتش لسته الاسعار بتاعت 2008، انا حاليا هحط مواصفات 2009 واسعارها للي يحب انه يقرر:

1- اقل فئة: السعر (161000 جنيه)، المواصفات: جنوط 15، دركسيون جلد مع مالتي فنكشن ومثبت سرعة، الفتيس اتوماتيك جلد، الفرش نص قماش ونص جلد، فوج لايت، تجهيزات خدمة شاقة، باكيتات جنب، حامل اكواب امامي وخلفي، سنسور خلفي، راديو سي دي، زجاج كهرباء امامي وخلفي، ستارة خلفية، زجاج ملون، شاشو معلومات، صناديق تخزين سحرية، درجة الحرارة الخارجية، سنتر بريموت، 2 ايرباج، طفاية حريق اسفل كرسي السائق، 3 مخادع راس خلفية، مسند يد امامي حجم كبير، مرايات كهرباء، فرش ارضيات اصلي، مكيف كلايم ترونيك، مساحة خلفية، وصلة ايبود.

2- فئة 2: السعر (169000 جنيه)، المواصفات: نفس الفئة الاولى يزيد عليها الجنوط 16، الكاوتش الاحتياطي جنط 16، انوار زينون مع مساحات امامية، راديو سي دي و ام بي 3 بشاشة عريضة، تجهيزات كار كت.

3- فئة 3: السعر (177000 جنيه)، المواصفات: يزيد عن الفئة الثانية فتحة السقف.

4- فئة 4: السعر (183000 جنيه)، المواصفات: يزيد عن الفئة الثالثة جنوط 17، سنسور امامي، كار كت بالتليفون.

ميني فابيا: السعر (103000 جنيه)، المواصفات: 1400 سي سي ، مانيوال، جنوط 14، مسند امامي به تلاجة، راديو سي دي، تكييف كلايم ترونيك، طفاية، مؤشر حرارة خارجي، زجاج مظلل، 2 مخدع راس خلفي.

هو ده الكلام يا باشا
اسعار انا شايفها ممتازة
بس سؤال بجد ومش بهزر
هو اخبار البى ام الخليجى ايه؟
انا ماسمعتش قبل كده ان فى بى ام خليجى
هو سعره مش بيفرق عن هنا؟ ولا ايه الحكاية بالظبط؟

اولا شكرا على سرعة رد حضرتك

انا عايز الفئة الثالثة
هى بتنزل كام سىسى هناك؟
ياريت لو تعرف تجيبلى معلومات عن المواصفات الخليجيه والسعر كام اكون شاكر ليك جدا

الف شكر ليك