الموضوع: شراء سيارات من الخليج

على ماتيجى وتتجمرك
سعرها هيكون اعلى من بيعها فى مصر !
بالذات ال 2000 سى سى فأعلى

بص يا باشا

انا هقولك على الوضع بالتفصيل

اولا علشان تستورد سياره لازم تكون مقيم فى دوله معينه علشان تعرف تشترى وتتملك سياره

ثانيا تروح السفاره وتسجلها بأسمك

تروح تقدم طلب تصدير لها لبلدك وتاخد موافقه

علشان تجيبها لها حل من اتنين

الشحن وده بيكلف طبعا وبياخد وقت حوالى 4000 جنيه من الامارات او الخليج عموما

انك تيجى سايقها وده صعب وبياخد كام يوم سفر وبهدله وبتيجى تسلمها هنا فى الجمرك لحد ورقها ما يخلص

طبعا بتروح تدفع الجمارك اللى بتبقى 61 فى الميه حتى 1600 سى سى
(جمارك وضريبه ونولون شحن وارضيه فى الميناء على الفتره دى)

بتلاقى السعر قريب جدا من هنا لانك اشتريت من تاجر زى اللى هنا وكسبان زى اللى هنا

وكمان بتكون خسرت الضمان

ده غير انك بتدوخ فى الجمارك وتخليص الاوراق ولازم ترش فلوس علشان متتعطلش

وبعدين بتاخد العربيه ترخصها تبع المحافظه اللى فيها الجمرك لمده 3 شهور لحد ورقها ما يوصل علشان تقدر ترخصها فى المرور اللى انت تابع له

هتحسبها فى الاخر هتلاقلى ان الفرق بسيط وميستاهلش البهدله دى

هى حلوه للى عايش بره علشان ممكن يشترى العربيه قسط وقبل ما تكمل 3 سنين يبعتها مصر

وبكده يستفاد منها هناك ويخلص الضمان

ويبعتها هنا بعد سعرها هناك ما يكون نزل كتير وطبعا مواصفاتها زى ما هو طالبها

وكمان بياخد خصم 20 فى الميه نسبه استهلاك 10% عن اول سنه وبعد كده 5% عن كل سنه

طبعا لازم تكون المالك الاول للسياره علشان تقدر تنزلها وفى خلال 3 سنين يعنى مش هتقدر تشترى مستعمل

بالنسبة لل 1600 هتكون هي هي وممكن تبقى اغلى شوية

انما لو فوق ال 1600 سي سي يبقى انسى انك تنزلها لان جمركها لوحدها يعادل تمن عربيتين

يعني انا كنت هجيب السيفيك من السعودية 1800 بس لقيت الجمرك لوحدة 245 الف جنية وهي كان تمنها 139 الف ال 1600 سي سي

فطبعا جبت من هنا

المشاركة الأصلية كتبت بواسطة rockana9112007

طب انا فكرت انى ادخل العربيات من على حدود السودان عشان الدنيااا رايقة ومفيش جمارك الا فى حلايب وبعدين نحطلهااا نمر عربية عاملة حادثة نفس الموديل ولا من شاف ولا من درى
اية رأيكم ؟؟؟؟؟
سنة اولى اجراااام

كانوا بيعملوه فى العربيات البيجو فى ليبيا

يطلعوا بعربيه 7 راكب هلكانه وينقلوا رقم الشاسيه هناك

ويرجعوا بيها سليمه

بس لو اتمسكت فيها حبس

وده ممكن فى اى وقت وانت بتفحص يشكوا فيها

وبعدين انت هتشترى عربيه الحوادث بكام

هتلاقيها واقفه بنفس السعر وكمان ملعوب فيها

المشاركة الأصلية كتبت بواسطة rockana9112007

طب انا فكرت انى ادخل العربيات من على حدود السودان عشان الدنيااا رايقة ومفيش جمارك الا فى حلايب وبعدين نحطلهااا نمر عربية عاملة حادثة نفس الموديل ولا من شاف ولا من درى
اية رأيكم ؟؟؟؟؟
سنة اولى اجراااام

اوعى تكون بتتكلم بجد :10D5C8~1107:

المشاركة الأصلية كتبت بواسطة rockana9112007

طب انا فكرت انى ادخل العربيات من على حدود السودان عشان الدنيااا رايقة ومفيش جمارك الا فى حلايب وبعدين نحطلهااا نمر عربية عاملة حادثة نفس الموديل ولا من شاف ولا من درى
اية رأيكم ؟؟؟؟؟
سنة اولى اجراااام

ده الكل شاف و سمع و درى