استفسار بخصوص قاشقاى

**محمد بدر** · 12-03-2013 12:53 PM

المشاركة الأصلية كتبت بواسطة mzkader

طيب الله يكرمك أنا محتاج ولعتين :)

حضرتك كده بتتكلم فى سياره سبورتاج
مبروك يا فندم

**mohammedgido** · 12-03-2013 01:51 PM

المشاركة الأصلية كتبت بواسطة amr_tika88

طيب الحجز ده انا من القاهرة لو عايز احجز احجزها فين ؟؟؟؟؟؟
بالف

دا نفس سؤالي ؟؟

وهل لو انا بعد ما احجزها وعند الاستلام او قبلة ممكن الغي الحجز واسترد فلوسي ولا الفلوس تروح عليك

**Youssef.Awad** · 12-03-2013 06:47 PM

المشاركة الأصلية كتبت بواسطة محمد بدر

أزيك يا دكتور / يوسف
وحشنى والله
من زمان حضرتك مطننشنى
بس بجد حضرتك مش هتركبنى معاك حتى لو جبت ولعتى وطفيتى معايا
على كل حال لازم أشوف حضرتك
وياريت تبلغنى فور وصولك مصر بالسلامة إن شاء الله

الحمد لله بخير
وما اقدرش اطنشك .. انا رادد مخصوص عشانك

وانا فعلا مختفى بقالى فترة بسبب الانشغال وعدم توفر وقت كبير لدخولى بالمنتدى
اكيد ان شاء الله لينا لقاء لما انزل اجازتى السنوية من منتصف يوليو الى منتصف اغسطس
وبلاش تجيب السبورتاج معاك عشان ما هاصدق ارتاح منها شهر بحاله

كفاية حضرتك تيجى بس

**محمد بدر** · 12-03-2013 10:08 PM

المشاركة الأصلية كتبت بواسطة youssef.awad

الحمد لله بخير
وما اقدرش اطنشك .. انا رادد مخصوص عشانك

وانا فعلا مختفى بقالى فترة بسبب الانشغال وعدم توفر وقت كبير لدخولى بالمنتدى
اكيد ان شاء الله لينا لقاء لما انزل اجازتى السنوية من منتصف يوليو الى منتصف اغسطس
وبلاش تجيب السبورتاج معاك عشان ما هاصدق ارتاح منها شهر بحاله :e_braces[1]:
كفاية حضرتك تيجى بس

حبيبى يا دكتور والله
أطمئن السبورتاج بتطلع فى الوقت المناسب فقط
مقبلات حبايب قلبى بتوع نيسان بكون بالهوندا وكان نفسى تكون معانا فى أخر مقابلة فى 6 أكتوبر
طبعا انا حريص على حضور لقاءات ومقابلات أصدقائى النسناويين خاصتا لم تكون الدعوة موجهة لى من أحمد مصطفى شخصيا ومنغير دعوة هكون موجود برضو ياعم دول بيدونا هدايا
هههههههههههه
وبعدين الناس كروموك واشادوا بمجهودك فى المنتدى يعنى حضرتك كنت الغائب الحاضر
والله اليوم إللى الواحد بيشوف الناس الحلوة ديه فيه مبيتعوضش
وإن شاء الله يكون لينا لقاء فور نزولك مصر ويارب تكون الدنيا هديت

**أحمد عبدالله** · 16-03-2013 11:08 PM

المشاركة الأصلية كتبت بواسطة gutsyguy71

ا
- عدم طى المريات كهربائيا ... و لكن يمكن استيرادها (حوالى 1200 جنيه)

يا ريت لو توضحلنا الكيفية فانا ابحث عنها

**mohammedgido** · 16-03-2013 11:25 PM

المشاركة الأصلية كتبت بواسطة gutsyguy71

اولا ربنا يتم لك الشراء على خير و يكفيك شر العين و شر السيارة اللهم امين
ثانيا : بكلام موضوعى و بعد قيادة للسيارة لمدة سنة تقريبا اقدر بمنتهى الامانة اقول لحضرتك الاتى
نقاط القوة و المميزات :
- الموتور ... رائع - هادى - سلس - سريع الاستجابة (خاصة على sport)
- الفتيس ... اقوى و اميز شيء بالقاشقاى لا تشعر مطلقات باى توقف لحظى و لا انطلاق فجائى مع عزم شديد و استجابة سريعة مع تحكم بواسطة الكمبيوتر فى عدم تجاوز الار بى ام لنطاق الامان مهما ضغطت على الاكسراتير
-الزينون ... كميزة اساسية ... وضوح فى الرؤية و عدم ابهار للسائق المقابل و كذلك التحكم بالكمبيوتر فى زاوية ميل الكشافات من اروع الاشياء سواء فى مطالع /منازل الجراجات او على الطرق السريعة فى حالة القيادة فوق ال 120 او فى حالة 20 عند هدوء الطريق (النور بيعلى و يوطى فى المستوى مش فى شدة الاضاءة اعتمادا على السرعة)
- انخفاض و ارتفاع صوت ال سى دى اوتوماتيك مع التسارع او الابطاء مش بتحتاج كل شوية تعلى-توطى الصوت
- الدريكسون مدعوم بالباور الكهربائى و ليس هيدروليكى يعطى احساس رائع بالتمكن و التحكم الرائع مع التزان حتى على السرعات (لغاية 170 تمام جدا)
-العفشة ... نعومة - اتزان - ثبات
-باكيتات فايبر للابواب من الاسفل .. تحمى الباب من الاصطدام بالارصفة العالية او بالسيارات (الناس اللى غاوية تتحشر بين عربيتين واقفين)
- مساحة الرؤية اكثر من رائعة مع الحفاظ على خصوصيتك داخل السيارة لان الزجاج ملون
- الاضاءة الداخلية رائعة و موزعة بعناية
-ثلاجة التابلوه ميزة جيدة فى الصيف و بفاعلية ممتازة

و نأتى لنقاط الضعف :
- المريات الجانبية حجمها ضخم نوعا ما ... و الافضل لو كان حجمها اصغر مع تقعر جانبى
- عدم طى المريات كهربائيا ... و لكن يمكن استيرادها (حوالى 1200 جنيه)
- عدم وجود حساسات ركن (ركبتها فى التوكيل ب 400 جنيه)
-مساحة الجلوس الخلفية محدودة نوعا ما -- يعنى لو حد طويل مش حيعرف يقعد مرتاح ورا
- مساحة الشنطة كانت حتكون احسن لو اوسع 5 سم - بس كافية لاسرة من 4 افراد و مع العناية فى رص الامتعة
- عدم وجود طفاية او ولاعة سجائر

الخلاصة : المميزات كثيرة و رائعة و لا يمكن الحصول عليها بنفس الكفاءة لو مش موجودة بالسيارة و العيوب بسيطة (و تدخل فى بند الرفاهية الزائدة) و يمكن الحصول عليها بسهولة و بتكلفة معقولة و الغاوى ينقط بطاقيته

ارجو انى اكون وضحت الصورة على قد معلوماتى
فى امان الله

انا اشكر حضرتك علي ردك الجميل والوافي الي زادني اعجاب فوق اعجابي بالعربية وربنا يبارلكلك فيها ويكفك شرها وشر الحسد

طيب بالنسبة للفتيس cvt كنت قرأت عنة وسمعت انة فعلا من ميزاتة انك متحسش بنقلات مع الحفاظ علي مؤشر الاربي أم لكن كان ناس بتذكر عيب انة في الشد مش قد كده او التسارع في البداية لكن بعد قليل العربية بتفتح معاك هل دا فعلا عن واقع تجربة حضرتك فعلا حقيقي ولا مبالغات ولو حقيقي ايه انسب طريقة لسواقت السيارة علشان تتجنب العيب دا
ولكم جزيل الشكر

**rafeee2** · 17-03-2013 11:39 AM

المشاركة الأصلية كتبت بواسطة gutsyguy71

- عدم طى المريات كهربائيا ... و لكن يمكن استيرادها (حوالى 1200 جنيه)

حضرتك شوفتها فين بالسعر ده؟؟

-

-

الموضوع: استفسار بخصوص قاشقاى

LinkBack

أدوات الموضوع

عرض

-

-

-

-

-

المواضيع المتشابهه

Bmw x3 2007 ولا قاشقاى زيرو

نيسان قاشقاى اوتو

شارك اهى لاين ولا قاشقاى اتوماتيك

الكلمات الدلالية لهذا الموضوع

المفضلات

المفضلات

ضوابط المشاركة