الموضوع: القنطره الخلفيه اتشرخت ياجدعان :( والاسكترا باظت :(((((

مساء الخيريا جماعه
هى العربيه 128
امبارح روحت لبتاع ظبط زوايا علشان العفشه عندى تعبانى شويه قالى الكبالن هتتغير "الكوبلن الشمال جاب اخره بصراحه" والاسكتره فيها سنتين مكسورين غيرها وبلاش حشو وفى شرخ جامد فى القنطره الخلفيه شمال وخلى بالك فى باروما كتير فى الدوسات وجوز مساعدين خلفى
مشيت من عنده وانا مقفول ومخنوق وروحت لحد تانى قال نفس الكلام تقريبأ
والمشكله انى فى حاجه مهما نسيت اقوله عليها وهى انى لما بفتح الكبود وامسك الراس اللى ماسكه المساعد اللى على اليمين تقريبأ اسمها الركبه اوالبطاحه وأعد اهز فيها جامد بحس انها بتتهز معايا وبينتج عنها صوت طقطقه وبيبان اوى فى المطبات
ياريت لو حد يطمنى ده من ايه

وايه رأيكم فى موضوع القنطره ده وياترى لو اتلحم هيفتح تانى ويقرفنى ولا لا ولاأبيعها واخلص ومصرفش عليها عايز رأيكم ضرورى من فضلكم معلش لانها مغلبانى

المشاركة الأصلية كتبت بواسطة abohattb

حضرتك بتهزر اكيد العربية دى تتباع فورا لانك هاتصرف كتير و شوية و هاتصرف اكتر و حبة كمان عيوب هاتكتر و هاتخش على سمكرة و هاتصرف اكتر و اكتر
على فكرة انا عندى مركز زوايا و ترصيص فى المنصورة و هارد من خلال التخصص دا
هوا واضح ان الاولانى دا بيفهم و اولا الكوبلن دا ممكن يفرط و يعطلك و خطر انك تسيبه فلازم تغيره و مستناش الشحم زمانه اختفى
و الاسكترا هاعوم معاك العربية برده لازم تتغير
و القنطرة الخلفية تقصد اللى عامله زى السوستة بتاعت النقل دى مهما تلحم فيها هاتكسر
و لو كان يقصد المقص الشمال الخلفى لانه كتير بيكسر فى 128 فدا برده لحامه يعنى يمشى شوية انما هايكسر تانى فى الاخر و الحاجات دى عمرها ما هدتيك ثبات و البطاحة هاتسمعك طقطقة فى الملفات و المطبات و لازم كمان تقوى الصاج مكانها مع الدواسات يعنى هاتخش زى م اقولتلك فى الاول على سمكرة
بيعهااااااااااااااااااااا اااااااااااااااااا بخسارة و انتا اللى كسبان
و طبعا دا راى انا بس راى الاعضاء او رايك ممكن يختلف
و شكرا على فكرة انتا اول واحد و اول مشاركة ليا فى المنتدى

ااهلا بحضرتك فى المنتدى ومنور الدنيا كلها
هو الكسر مش فى ورق السوسته لا هو فى القنطره اللى هى بتبقى ماسكه العجلتين اللى ورا
انا عملت دراسه تكلفه لقيت الليله كلها هتتكلف حوالى 1500 الى 1800 بس خايف بعد ما اصرف ترجع تفتح بقها تانى :(
واهلا بحضرتك كمان مره