ان شاء الله مسافر عمرة وهركن العربية

**m_medo** · 10-03-2013 01:59 PM

المشاركة الأصلية كتبت بواسطة s o p h o s

عمرة مقبولة ان شاء الله
زي ما قال الاخوة لو تقدر تفصل البطارية
لو حالتها كويسة هتستحمل بس علشان الشتاء افصلها افضل لو تقدر ..

اشكرك... وان شاء الله هحاول افصلها

**swimmer25** · 11-03-2013 11:24 AM

تقعد فوق الشهر متشتغلش عادي
وترجع تدور عادي جدا مفيش مشكلة
عمرة مباركة

**Khaled Lanos** · 11-03-2013 05:39 PM

الأفضل فعلا انك تفك القواطيش عشان البطارية متنمش..لكن لو بطارية جديدة ومفيش حاجة بتسحب منها زي لمبة شغالة او قفلة ولا حاجة مفيش مشكلة ان شاء الله..دول 10 أيام مش كتير..أنا زمان كنت قاعد في السعودية كنت أسافر شهرين لمصر أجازة وأرجع أدور العربية ألاقيها بتدور معايا من اول مرة ونسيت أفصل قواطيش البطارية في اليوم دا.

عمرة مقبولة إن شاء الله ومتنساش تدعيلنا معاك في الكعبة بالتوفيق والنجاح وان ربنا يصلح حال مصر.

**AlGazar2** · 11-03-2013 06:03 PM

ممكن تسيبها فتره كبيره من غير ما تدورها و هاتدور معاك بعد كده - هيه مش 126 عشان تهرب كهربا عشان فيها ماس ولا حاجة و انا كان معايا 127 كانت بتقعد بالاسبوعين ما تدورش و النوبيرا الى معايا حاليا ايام الثوره قعدت ال 18 يوم و اكتر من غير ما تدور ولا مره و بعدها بفتره حوالى 3:4 شهور من غير ما تدور و بعدها بتدور عادى من اول مره بس بتطلع دخنه بسيطه فى اول الدواره و بعدها بتروح بس تسيبها شويه دايره عشان الزيت يوصل لكل حته فى الماتور

و عمره مقبوله باذن الله

**elnakshabandy** · 11-03-2013 06:07 PM

عمره مقبوله ان شاء الله
الاحسن تفصل حتى كابل اللى واصل بالسالب فقط بالبطاريه وتركيبه مش هياخد دقيقه

متنساش تدعيلنا

**Batman372** · 11-03-2013 06:30 PM

المشاركة الأصلية كتبت بواسطة m_medo

السلام عليكم جميعا
انا ان شاء الله مسافر عمرة 10 ايام ... واتفقت مع واحد صاحبى مسافر معايا انى احط العربية فى جراج الفيلا بتاعته.
بس هو معندوش حد ينزل يدور العربية كل فترة... فهل فيه مشكلة انها تقعد 10 ايام من غير ما تدور؟
ارجو الرد

10 ايام عاديه جدا جدا ... و لا فيها اى مشكله ....
تروح و ترجع بالسلامه ... تحياتى ...