تقرير مقابله المفاعل النووي 8 مارس 2013

**SHNORY** · 10-03-2013 08:34 PM

السلام عليكم ورحمه الله وبركاته
فعلا اليوم ده اثبتنا ان المقابله مش شرط يكون عددها كبير علشان تبقي حلوه
وفعلا كان يوم جميل بحضور اخوتي واحبائي

نرجع لموضوعنا وصورنا بقي
كان معانا في المقابله
اجمل صحبه ممكن تتواجد في مكان واحد
هاني عبد الفتاح - خالد فتحي - عبد اللطيف - حسين نايس ايجيبت - ايمن سمير - دكتور سولوم - خالد عبد القادر (خالد لانوس) - علاء نصر (الجزار2) - محمود مسعد (محموس200)
عمرو - عمرو مختار - احمد رمضان - محمد عبدالله - محمد سمير (بروسمير) - وسام سلوم

رجاله نايل موتورز ومعركه تجهيز السلاطه

دكتور سلوم وحاله ترقب

علاء الجزار
طبعا شايفين الفن في التصوير بس اهو اللي بيصور بس كتر خيره انه صورنا واحنا مشغولين

ايمن سمير ومحمود وهما قرفانين من حاجه الكادر مش جايبها

حله الرز وجردل الطحينه ونصي وربه رمضان وحته من علاء
فعلا اللي بيصور بيتعب في انه ياخد الكادرات دي

هاني وتشوفوا الفرحه في وشه وهو واقف في المطبخ بيعمل السلاطه واكيد طبعا الصوره دي لما نشوفها ونشوف التفاني حنعرف قد ايه هو بيساعد في البيت عنده وبيدخل المطبخ

حله المخلل وانا وعمرو
وفيه خيار قولنا نجيبه قبل ما يتباع بعد كده متقطع

شايفين التفاني وحب العمل في المطبخ
احبيبي اهاني

خالد عبد الخالق فتح الوجبه ملقاش فيها الا قشر

الاكل ده كان فيه ايه يا ودييييييييييع
طربه الحشيش وقعت مني غصب عني في الحله يا معلمي والناس اكلوها

ايمن باشا سمير بيلقي محاضره والمستمعون منصتون

رز بلبن بالكريمه والعسل والمكسرات (العلبه دي نص كيلوا ) وكانت في السهره في بحري

اعلان لمحل سيف الدين

العمل الجماعي واللي بيصور برضه ليه رؤيه انه ميجيبش رؤس اللي بيصورهم

احنا والمخلل

احمد رمضان وعمرو وعمرو مختار في الخلفيه

الوجبه كانت عباره عن رز وجندوفلي بس

وحتي الجندوفلي طلع فاضي

تقريبا قضينا اليوم في المطبخ

احمد رمضان والاهتمام بالعملاء

طالما كله موجود في المطبخ يبقي تعرفه ان وقت الاكل جه

ساعه الاكل محدش ليه دعوه بحد

نفس الكادر ده رمضان واخده في حبايب السيده

بياكل علي ترابيزه لوحده وكله خايف يقرب منه

قالي حاجه وقفه في زوري يا شنوري ولما طلعناها لقيناها الكابوريايا دي

اكلت السمكه حتي ذيلها

بعد الاكل واحنا في التنفس الصناعي

حسين نايس ايجيبت في المطبخ

خالد بعد الاكل ب5 دقايق

خالد بعد الاكل بنص ساعه

افتتاح قسم المشروبات

هاني بيرفع ايده بالعافيه ومش قادر يضربني
وانا مش قادر اقوم اجري اصلا
فعديناها جمايل وخليناها لوقت تاني نكون قادرين نتحرك فيه

قسم الترفيه ورمضان ماسك خالد بيروقه

الخالدين واحد بياكل الكابوتشي والتاني عينه فيه
بس مش قادر يفتح بوقه معاه

المساء والسهره في البلكونه والسوداني يدور

كبايه النسكافيه ب2 جنيه

السهره في بحري

وسام سلوم كان منورنا مع انه جه متاخر علشان كان عنده مشوار في اسكندريه

تاني يوم وقبل الرحيل

افتتاح فرع جديد لحبايب السيده قريبا بلاسكندريه

خالد وهو واقف علي الحيطه

وبكده نكون انتهينا من فعاليات اليوم الجميل ده واللي اللقاء في مقابلات اخري
انا مسحت كلام كتير والله كنت كاتبه بخصوص الناس اللي اكدت ومعتذرتش بس علشان مزعلش حد مني
واتمني محدش كان مأكد يكتب اعتذار عن عدم حضوره لو ليا غلاوه عنده
شكرا لكل الناس الي نوروا المقابله
جزيل الشكر للناس اللي اول مره يحضروا معانا مقابلات في اسكندريه (خالد عبد الخالق - احمدرمضان - محمود - اسلام -الجزار - عمرو )

جزيل الشكر لاخي وصديقي اللي كان نفس اشوفه من زمان وكل مره ظروفه متسمحش بحضوره
الي مشرفنا ومنورنا مع انه قعد ساعتين ومشي
حبيبي ايمن سمير

**SHNORY** · 10-03-2013 08:41 PM

عاوزين باقي الصور يا جماعه
خصوصا صور الفطير المشلتت والعسل والجبنه بتوع تاني يوم

**Hany A Fattah** · 10-03-2013 08:54 PM

ههههههههههههه كالعادة صور جميله وتعليقات اجمل وربنا يديم المحبه بيننا
بس شكل السهرة كانت جميله . خلاص ماليش دعوه انا عايز مقابله تانى الاسبوع الجاى علشان اعمل حسابى على البيات :)

**SHNORY** · 10-03-2013 08:55 PM

المشاركة الأصلية كتبت بواسطة hany a fattah

ههههههههههههه كالعادة صور جميله وتعليقات اجمل وربنا يديم المحبه بيننا
بس شكل السهرة كانت جميله . خلاص ماليش دعوه انا عايز مقابله تانى الاسبوع الجاى علشان اعمل حسابى على البيات :)

عاوز نعمك مقابله علي حسابك ؟؟
حاضر يا حبيبي من عينيا
والله يا هاني وجودك هو الاجمل من المقابله
ربنا يخليك لينا يا باشا وتنور كل المقابلات

**mohammedabdallh** · 10-03-2013 09:08 PM

كان يوم جميل و صحبه ولا اروع
والاجمل اننا شوفنا ناس واصدقاء جدد

**الغزالى** · 11-03-2013 02:05 AM

جيه اليوم الى بحقد عليكم .. وأقول ياريتنى كنت معاكم
ياه على الزممممممممممممممن والدنيا ...
جالك قلب يا شنورى تعملها من غير أخوك غزغز
هانى ... قدرت تسوق وتمشى على الطريق من غير جوز بنتك ... لا وجالك نفس تاكل كمان وكنت عايز تبات
ياااااااااااااااااااااااا ااااااااااااه على قسوه القلب الى ناس بقت فيها ...
------------------
خلصنا مشهد الفلم القديم نخش على الجد
حمد الله على سلامتكم يا رجاله .. ويارب تكونوا أنبسطوا
وان شاء الله تتكرر تانى قريب .. واحضرها معاكم
و