اقتباس المشاركة الأصلية كتبت بواسطة zarif مشاهدة المشاركة
لانوس 2 مفيهاش فلتر تكييف اصلا

ومكان بداية دخول الهواء الى التكييف (المروحة يعنى) اما من الصالون من حوالين درج التابلوة تحديدا

او من الفتحة الخارجية ودى توصلها من عند الكبوت لما تشيل الفبرة اللى تحت المساحات اللى امام الكرسى الموجود بجوار السائق

هتلاقى فتحة فى صدر العربية من فوق
ميل بجسمك وبص فيها هتلاقى الفتحة اللى بتدخل هوا لبداية دورة التكييف

وغالبا فى المكان هتلاقى ورق شجر وطين وزبالة عند بعض الناس ودة سبب من الاسباب اللى بتخلى بداية التكييف لما يشتغل يبقى فية ريحة عطانة (ريحة وحشة) لو انت فاتح لدخول الهواء من خارج جسم السيارة

على العموم انا كدة كدة عملت فلتر للمكان دة بايدى وعملت فلتر للمكان اللى عند درج التابلوة بايدى وهبقى ارفعهم من ضمن المواضيع اللى انا بجهزلها بالصور

وكدة يبقى خلال شهر مارس بأذن الله هرفع المواضيع دى بالصور والشرح بالتفصيل

عمل فلتر للتكييف داخلى وخارجى
فك تابلوة الاضاءة
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة

ربنا يسهل من عندة وارفع المواضيع دى كلها خلال شهر مارس
بسم الله الرحمن الرحيم
بسم الله ماشاء الله عليك
واضح انك موسوعة
لانك مبدائيا موسوعة فى الغاز
عموما الله يبارلك و ينور عليك
و فى انتظار الموضوعات بالصورة
اخوك / احمد عبد العزيز