كيف تؤذي ضابط المرور المفتري

**أبو عبدالله** · 04-08-2008 06:44 PM

هو ليه بحس بالسلبية الزايده في كلامنا كده
ايه يا أخواني
ما احنا كده كده بنتبهدل
ما نجرب نتبهدل بس بطريقتنا

وعلى فكره الموضوع اسهل مما تتخيلوا جدا
وانك تشتكي ظابط سهل وفعلا ممكن تأذيه
مذكره صغيره وعلى مكتب سيادة الوزير وممكن يتنقل بعيد

وهذا كلام موثوق منه

ولكن مش عارف فينا عيب فظيع الا وهو تهويل الأمور وتكبيرها زيداة عن اللزوم
يعني كل خفنا ده تلاقيه بولا تجربه واحده وسماع بس من الناس او فرجه من على التلفزيون وخلاص

هما مش الهه يعني ولا هما فرعون
هما اغلب من كده ولكن تفخيمنا لهم هو اللي عمل كده صدقوني

وربنا يسترها معاكم ومعانا ان شاء الله

**hesham_tawfiq** · 04-08-2008 07:10 PM

المشاركة الأصلية كتبت بواسطة shnory

يا ريت يا جماعه الموضوع ميتاخدش من باب التهريج
الظابط مش نبي ولا رسول دا موظف عام وعليه رقابه اللي عنده تعديل علي كلامي
بنصيحه او توجيه يقوله

يا اخى انا ابتديت كلامى بكلمة مع احترامى لحضرتك يعنى مش تريئه ولا تهريج بس اللى انا بقوله دا صح ومتاكد منه
ظابط المرور او اى ظابط من حقك تشتكيه بس تعرف تشتكيه فين وانا قولتلك فى مديرية الامن - ادارة التفتيش -
انما حضرتك قولت المخابرات العامه ودا مش منطقى تماما ( الا اذا كان حضرتك ليك معارف او وسايط جوه المخابرات )
يعنى ميجيش حد يحصلله اللى انت بتحكى عليه ويروح يشتكى فالمخابرات زى ماحضرتك كتبت انما يروح ادارة التفتيش فى مديرية الامن الللى هو تبعها.
بس هودا اللى انا قصدته مش اكتروعموما انا اسف اذا كان ردى زعلك

**Ghamrawy** · 04-08-2008 07:32 PM

المشاركة الأصلية كتبت بواسطة shnory

راح واخد بعضه وطالع علي مبني المخابرات العامه (بجوار كليه الهندسه)

بعد اذنك كنت عايز اعرف فين مبنى المخابرات العامة اللى جنب كلية الهندسة علشان انا عارف المنطقة دى كويس و عمرى ما شفت هناك مبنى للمخابرات او حتى مبنى عليه حراسة و حاجات من دى

**SHNORY** · 04-08-2008 07:32 PM

المشاركة الأصلية كتبت بواسطة hesham_tawfiq

يا اخى انا ابتديت كلامى بكلمة مع احترامى لحضرتك يعنى مش تريئه ولا تهريج بس اللى انا بقوله دا صح ومتاكد منه
ظابط المرور او اى ظابط من حقك تشتكيه بس تعرف تشتكيه فين وانا قولتلك فى مديرية الامن - ادارة التفتيش -
انما حضرتك قولت المخابرات العامه ودا مش منطقى تماما ( الا اذا كان حضرتك ليك معارف او وسايط جوه المخابرات )
يعنى ميجيش حد يحصلله اللى انت بتحكى عليه ويروح يشتكى فالمخابرات زى ماحضرتك كتبت انما يروح ادارة التفتيش فى مديرية الامن الللى هو تبعها.
بس هودا اللى انا قصدته مش اكتروعموما انا اسف اذا كان ردى زعلك

يا باشا والله انا مش زعلان منك وانت علي راسي من فوق
والموضوع ده اتحكي عن طريق واحد مش صغير ومش بيتكلم وخلا وحتي لو هو اضاف شويه حاجات من عنده فاكيد الموضوع ليه اساس من الصحه
وموضوع اني بقول تهريج فانا لقيت ان الموضوع حيدخل من باب انها فتوي مني وموضوع ان فيه كلمه اتقالت في فيلم كذا
اللي الناس مش عاوزه تقتنع بيه ان الحكومه زي ما بتاخد فبرضه بتديلنا حقوق بس للاسف الناس مش عارفه حقوقها او الناس ماشيين غلط وخايفين يحاولوا ياخدوا حقوقهم بدل ما المستخبي يبان وياخدوا علي دماغهم اكتر
ويا ريت ان موضوعي يكون اول حاجه تخلي الناس تبدا تدور علي حقوقها بدل ماهي عماله تشتكي ومسنيه انها يتاخد منها مخالفات والكلام ده
واللي خلاني افتحه ان فيه عضوه في المنتدي حصل افتري عليها وبدل ما الواحد يعمل مشكله او يستحمل ظلم يبقي ياخد حقه من باب اولي يدور فين حقه
سلبيتنا ضيعت حقوقنا يا جماعه وخلت حته عسكري او امين شرطه او ظابط
يتعامل معانا كاننا عيال صغيره في مدرسه وكله فرحان بالرشوه الي بيدفعا لامين الشرطه علشان ياخد رخصه

**SHNORY** · 04-08-2008 07:34 PM

المشاركة الأصلية كتبت بواسطة gemino

بعد اذنك كنت عايز اعرف فين مبنى المخابرات العامة اللى جنب كلية الهندسة علشان انا عارف المنطقة دى كويس و عمرى ما شفت هناك مبنى للمخابرات او حتى مبنى عليه حراسة و حاجات من دى

قدام معهد البحوث يا باشا حتلاقي عليه 2 عساكر ويافطه صغيره مكتوب عليها مبني المخابرات العامه
وهي فيلا صغيره قبل كليه الهندسه لو انت جاي من الابراهيميه

**SHNORY** · 04-08-2008 08:23 PM

المشاركة الأصلية كتبت بواسطة IslamGen2

طب لو انا حصلى موقف من ظابط وعاوز اشتكيه لازم أكون عارف اسمه ، هعرف اسمه ازاى وانا متخانق معاه مثلا؟ ولا هروح اشتكيه ازاى؟.

باشا انت من حقك انك تطلب منه الكارنيه بتاعه وتاخد بياناته
والله يا جماعه لينا حقوق كتييييييييييييييييييييييي ييييره
لو بطلنا سلبيه حنبقي اسياد العالم

**Defender** · 13-08-2008 08:32 AM

لا اعتقد ان ضابط يعمل الحركه القرعه دي ممكن امين شرطه عاوز خمسينه ولا حاجه

بس ظابط استحاله

انت متأكد من صاحبك القال الحكايه دي ول هو اسكندراني برضو ههههههههههههههه

اصل انت بتقول ان الراجل مهندس محترم ايه اللي خليه يجيب 20 تليفون محول لعبه

ثانيا 20 تليفون محمول حيكون محطوط في كرتونه كبيرة للدرجه دي انها ملفته للنظر اكيد بقي معاة 200 تليفون محلول لعبه

انا بكلم من باب المناقشه لا اقصد الاساءة ولا الهجوم والف شكر عليالمعلومات القيمه في الموضوع

تحياتي