الغلط في السواقة والسرعه,
هوا مش صح أنها تطير
تاني حاجة هل أنت متأكد أنها بتطير,
خليت حد يمشي وراك ويشوفك وانت نازل من العالي للواطي ويقولك أذا كان كاوتش العربية مبقاش فيه بينه وبين الأرض أحتكاك ولا لأ.
لأن ممكن أحساسك من جوة غير اللي بيحصل برة.
بس لو انت سرعتك عالية فعلاً وأعلي من 100 مثلا وعديت فاصل من الفواصل اللي بتكون في الكباري دي زي كوبري اكتوبر وكانت الفاصل دا مبين وصلتين عالية وواطية أكيد العربية هتنط من عال أرض بسبب الفاصل دا وبسبب أنك عديت عليه بسرعه عالية ووزن العربية بيبيقي خفيف عال سرعات العالية وبسبب النطة دي ممكن تحس بأحساس الطيران اللي بتحكي عنه دا.
فا لسلامتك ولسلامة العربية,
لما تلاقي قدامك كوبري وفيه فواصل, هدي السرعه علي قد ما تقدر,
عشان تحافظ علي ثبات العربية, وعلي الكاوتش والعفشة.
والعيب مش في عربيتك, لأنك لو بعربية جيب حتي هتحس بنفس الاحساس دا لو أخدت فاصل علي كوبري وهوا نازل, العربية هتنط بيك وتلمس الارض تاني.
ولو حصل موقف قدامك مش تمام كا واحد زنق عليك او داس فرامل جامدة بدون داعي وانت في المنزل دا لسه معدي فاصل ودوست فرامل هتبقي في موقف مش حلو.
المفضلات