هوا ظبط الكاوتش بيفرق قوي فى الثبات كده

**Dr/ P.K.Sh** · 12-03-2013 12:28 PM

انا معايا صنى ٢٠١٢ الشكل القديم و اول ما استلمتها و العربيه كانت عامله ٤٠٠٠ كم سافرت الساحل بيها و كنت ظابط الكاوتش زى ما مكتوب على القايم نيتروجين قدام ٣٦ وورا ٣٣ و لما اعدى جنب عربيه نقل العربيه بتلعب جامد بس بعدها باسبوع سافرت تانى الساحل على نفس الطريق بس ظبطت الكاوتش نيتروجين قدام ٣٢. وورا ٢٩ لقيت العربيه اتظبطت و بقت تمام الحمد لله و من ساعتها الى الان بظبط نفس الظبطه
مع العلم الضبط فى المرتين عند نفس الراجل بتاع الكاوتش وجهاز ديجيتال

**HaNo_ELBeh** · 12-03-2013 12:44 PM

اعتقد ان موضوع تظبيط العجل ده شئ مهم جدا وخصوصا وانتا على الطريق مع السرعات العاليه بيبان اذا كانت العربية الامان بتاعها عالى على الطريق ولا بتلعب مع كل مطب هواء وكل عربيه تعدى من جنبك علشان كده كل الخبرا بينصحوا انك تشوف وتتاكد من مقاسات العجل وممكن تشوف عند اكتر من واحد علشان تتاكد من المقاس
تحياتى..

**m_love4me** · 12-03-2013 01:11 PM

اهم حاجه ف العربيه
بالنسبه للناس ال بتهتم فعلا

في ناس ممكن تمشي ولا ف دماغها اى حاجه ولا بتحس باي حاجه ف العربيه
ناس بجد الواحد بيستغرب ليها

انا بعامل العربيه علي انها حته مني فعلا ,, بجري وبشد وكل حاجه
بس بصراحه مابقصرش فيها خالص

بحس بكل حاجه فيها الهوا الخشونه
التخبيط

وظبط الكاوتش فعلا مهم جدا جدا جدا

**Land_Cruiser** · 12-03-2013 01:26 PM

انا برضه لما باضبطها على 32 و 29 باحس ان الفرامل كويسه و العربيه اثبت ودى الميزة فيه بينما 36 و 33 لما جربته حسيت ان العربيه بتجرى بسهوله اكتر و باحتاج اضغط على الفرامل اكتر علشان توقف العربيه و ده منطقى و كمان بتنشف العفشه زياده و بتخللى الإحساس بالمطبات متعب. طبعا المقاسين مسموح بيهم فحضرتك تقدر تختار اللى يريحك فيهم و بالمناسبه صاحب الفضل فى اضافه ضغط الهواء فى الاطار اللى هو 33 و 36 مصرى و نيسان اقتنعت بكلامه و بناء عليه بقى فى مقاسين و كل واحد يختار اللى يناسبه

**esam_ayad** · 12-03-2013 01:31 PM

بس انت كده يا باشا زودت معدل احتكاك الكاوتش بالأرض وده هايقلل عمر الكاوتش شويه.
يعني ماتقللش أوي نسبة النيتروجين أو الهوا العادي كتير زي ماانت عامل( نيتروجين قدام ٣٢. وورا ٢٩ ) الا لما تكون في ضروره أو عارف انك هاتسافر بكره مثلا.
لكن أعتقد ان معظم العربيات الصغيره دي علي سرعه وفي هوا قوي لازم العربيه تلعب.