الموضوع: تعويمة في السوبر صالون استلام ٢٧/٢/٢٠١٣

المشاركة الأصلية كتبت بواسطة dr_matrix

صينى ليه بس يا عم.....والتعويمة دى مش اللى هى انك تخاف منها ولما تاخد على العربية هتحس ان الموضوع عادى وهتعرف تتعامل معاه .........وبالتوفيق باذن الله

الكاوتش هو اللى صينى مش العربية :)
بس المقصود من كلامى ان الواحد مايستناش من العربية اكثر من إمكانيتها خصوصا موضوع الثبات ده لانه بينى و بينك رايح فى داهية العربية حلوة من غير

1. جري بغرز أو فى ملفات
2. هوا شديد او الرياح
3. لما تعدى جنب عربية نقل

المشاركة الأصلية كتبت بواسطة hanyfarag

طيب انتا اشترتها ليه وانت معترض عليها

أستاذ هانى أخبارك أيه؟
أنت ناسى إنى جايبها للمدام :) و الحمد لله المدام مابتجريش خصوصا أن الأطفال بيبقوا معاها و أنا معترض عليها فى الثبات و ظهر الكرسى بس :) لكن غير كده هى كويسة
لكن لما تلاقى الناس معترضة و مستغربة من ثباتها يبقى لازم أوضح وجهة نظرى و أنا هاقولك حاجة و يا ريت تقدر شعورى فى حكمى على كل العربيات الكورى و اليابانى أنا لحد الأن مغير ثلاث عربيات جولف سواء مرة من 1300 الى 1600 و مرة غيرت الشيب و المرة الاخيرة عربتى gti يعنى عفشة رياضية بالكامل و 2000 cc فلما حضرتك تركب عربية رياضية شوية و لازقة فى الأرض و موتور كبير صدقنى و الله هاتحس بفرق رهيب فى موضوع الثبات خصوصا لما تلاقى نفسك ماشى على 200 و الدنيا زى الفل :) و ماحدش يقولى غلط و جنان لأنى عارف الكلام ده كويس :) ويا ريت يا أستاذ هانى أقابل حضرتك فى مرة و تشرفنى و تسوق عربيتى و بعديها تعال هنا قولى أيه رأيك فى ثبات النيسان :)

كل الكلام مظبوط مع إن تأثير الهواء و drag force واحد على كل العربيات مع اختلاف وزن العربيه وارتفاعها عن الارض وطبعا النوع ومقاس الكاوتش بيفرق

السلام عليكم ورحمة الله وبركاته :
انا عندي نفس المشكلة دي ( صني 2013 ) , في الاول حسيت انه عيب في العربية وكنت قلقان منها جدا , ولكن اتعودت عليها خلاص , مع ان الكاويتش ماكسيس صيني , المشكلة دي بتظهر في سرعات الرياح العالية بس ولما اكون ماشي بسرعة عالية فوق ال 120 كم / س , دي حاجة , الحاجة التانية لما تخفض سرعتك شوية حتلاقي الموضوع بدأ يظبط معاك , فعلا العربية خفيفة لتوفير استهلاك البنزين ( متوسط استهلاك 6.3 لكل 100 كم / س ) ده غير ان العادي ثباتها فعلا محترم , انا شايف ان سرعة اكبر من 120 كم / س عالية خاصة في الطرق المصرية ده غير سوء الاحوال الجوية ده لازم يأثر على العربية , لكن لو حنمشي بسرعات عادية ومناسبة للطرق والاحوال الجوية حيكون ده افضل لسلامتنا جميعا وسلامة المحيطين بينا , في النهاية انا شايف ان العربية كويسة جدا ومحترمة ده بالاضافة ان مقارنتها بالامكانيات اللي فيها بمثيلاتها من الماركات الاخرى ( في نفس الفئة السعرية ) ترجح كافة نيسان بشكل كبير , هي فعلا مش مرسيدس او bmw وفي النهاية كل الاحترام والتقدير لكل الساده الاعضاء .
وشكرا