الموضوع: مشكلة غريبة محتاج ارائكم فيها

عربيتي مازدا 323 موديل 1983

حالتها كويسه والحمد لله مفهاش مشكله
بس فيه حاجه من ساعه ما جبتها ومش عارف احلها
ان العربية لما تسخن وتجري فيه صوت خبط بيظهر مش ثابت ومش مستمر بس هو من ناحيه الشكمان ورا
طبعا في البدايه كنت مليش خبرة فكنت معتقد ان حاجه في العفشه وكده كده كنت لازم اغير العفشه فغيرتها بس العفشجي قالي الصوت ده مستحيل يكون من العفشه لانه بيظهر معاك لما العربية تسخن وتجري وفي الطرق المستوية يعني مش في المطبات والكلام ده
عرضتها على اتنين بتوع شكمانات بس مقتنعوش بكلامي يبصو على الشكمان ويقوليلي سليم وزي الفل وطبعا صعب اني اخد صنيعي واطلع بيها الدائري مثلا عشان افضل ماشي بيه نص ساعه عشان يسمع الصوت وبرده مش هيجيب جديد لانه مش هيطير والعربية ماشيه وينط تحتها ويعرف الصوت جي منين وكمان معنديش وقت بالنهار عشان الكلام ده

فياريت عايز اعرف انهي جزء في الشكمان ممكن يعمل كده لما يسخن يخلي الشكمان يتهز جامد لدرجه انه يخبط في جسم العربية
واه لو العربية محمله من ورا الصوت بيعلى لان طبعا الشكمان بيقرب اكتر من جسم العربية وكمان لما بكون كابس بنزين واشيل رجلي من ع الدواسه الصوت بيظهر برده بس مش دايما ولما بقف الصوت بيروح طبعا