الموضوع: تجارب الأعضاء مع قطع الغيار

بسم الله الرحمن الرحيم

السلام عليكم ورحمة الله وبركاته

جاتلي النهاردة فكرة وهي ان ليه كل واحد فينا مايحكيش تجربته مع قطعة غيار معينة
بمعني
- يقولنا جابها جديدة ولا استيراد
- بكام
- منين
- نوعها ايه (ودي اهم حاجة)
- بلد المنشأ
- تقييمه ليها
- صورة ليها (ان وجدت)

ولو حد بردو عايز يسأل عن قطعة غيار هيشتريها يسأل هنا او يدور هنا يمكن يلاقي حد قبله كتب معلومات عن قطعة الغيار اللي بيسأل عليها

ميزة الموضوع دة انه هيوفر علينا كتير ساعة لما حد فينا عايز يجيب قطعة غيار وهيوفر علينا بردو الأجابة لما حد يسألنا عن قطعة غيار وهنحط لينك المشاركة اللي فيها الأجابة

ايه رأيكم في الفكرة دي ؟؟؟

ياريت الكل يشارك سواء بتوصي بقطعة غيار معينة او بتحذر من قطعة غيار معينة

لأن الموضوع دة عايزينه يشمل قطعة الغيار الحلوة اللي بتوصي بيها وقطعة الغيار المضروبة اللي بتحذر منها

وياريت تكتبها بالشكل دة

[bor=#050505]
السيارة : تقولنا فئتها (أبيزا - قرطبة - توليدو - التيا - ليون) وموتورها (1.0mpi - 1.3Carb - 1.4spi - 1.4mpi - 1.2 mpi - 1.4 tsi)

قطعة الغيار: (طرمبة بنزين - مساعد - تيل - فلتر زيت - الخ )

النوع: مثال (vdo - valeo - etc )

الحالة: (جديد - استيراد - مستعمل)

بلد المنشأ: ألماني - ايطالي - اتحاد اوروبي - صيني - الخ

المكان : مكان الشراء وتذكر اسم المحل

السعر : بدون مصاريف التركيب او التغيير (بدون مصنعيات او أكراميات)

الوصف: لو ليه صفة مميزة بدونها يجوز الخلط او الألتباس عند الشراء (تيل بصاجة - جلبة بزمبة - الطقم الصغير - الخ الخ الخ)

تقييمي: يا ريت تقولنا تقييمك لقطعة الغيار ومدي رضائك عنها او ترشحلنا نعمل ايه لو كنت غير راضي عنها

[/bor]

ولكم مني جزيل الشكر ووافر التحية

والله المستعان
،
،