صوت في الفرامل مش طبيعي حصل إمبارح بعد لما مليت نيتروجين

**HaNo_ELBeh** · 12-03-2013 03:07 PM

المشاركة الأصلية كتبت بواسطة gomana85

الصوت ده عندي انا ماشية 1600 تقريبا و سالت في السبع قالي مفيش حاجه و طلبت تحديدا الكشف علي التيل و قالي التيل تمام .. مع العلم اني معملتش كار كير و لا حاجة و كمان الصوت غالبا بيبقي و العربية بارده في اول المشوار و لو في الزحمة و فرملت فتره ..
فياريت لو الصوت راح او حد في التوكيل قالك حاجة تقولي لوسمحت

يافندم الصوت ده بيظهر مع حضرتك علشان خامه التيل رديئه وخصوصا فى الصبح اول مالعربيه تتحرك علشان بيكون التيل لسه بارد وبعد كده الصوت بيختفى بعد سخونه التيل ولو حضرتك غسلتى العربية برده هيبان شويه وبعد كده هيروح فلازم حضرتك تتبعى الموضوع ده مع اوتوايجيبت وتحولى تخليهم يغيروا التيل فى الضمان بس لو كانوا جابوا نوع تانى
تحياتى...

**abdulmoniem** · 12-03-2013 03:22 PM

المشاركة الأصلية كتبت بواسطة gomana85

الصوت ده عندي انا ماشية 1600 تقريبا و سالت في السبع قالي مفيش حاجه و طلبت تحديدا الكشف علي التيل و قالي التيل تمام .. مع العلم اني معملتش كار كير و لا حاجة و كمان الصوت غالبا بيبقي و العربية بارده في اول المشوار و لو في الزحمة و فرملت فتره ..
فياريت لو الصوت راح او حد في التوكيل قالك حاجة تقولي لوسمحت

أنا غالباً إن شاء الله هروح التوكيل السبت ..

وهشوف الموضوع .. وبإذن الله هبلغكم بالنتيجة لو رحت ..

بس برضه هجرب أمشي بيه وربنا يسهل كدة يمكن يظبط .. أنا بس مش خبير في ميكانيكا السيارات وبقلق من أي أصوات بسرعة في الحقيقة.

**youssef_u** · 12-03-2013 03:23 PM

لو التيل خلص لمبة فرامل اليد هتفضل منوره علطول ،،،، ده غالبا من التراب ممكن حضرتك تجرب تجري بالعربيه في حته فاضيه و تدوس فرامل جامد بس مش لدرجة ان العربيه تتزحلق و ركز مع الصوت

**abdulmoniem** · 12-03-2013 04:37 PM

المشاركة الأصلية كتبت بواسطة youssef_u

لو التيل خلص لمبة فرامل اليد هتفضل منوره علطول ،،،، ده غالبا من التراب ممكن حضرتك تجرب تجري بالعربيه في حته فاضيه و تدوس فرامل جامد بس مش لدرجة ان العربيه تتزحلق و ركز مع الصوت

المعلومة بتاعة فرامل اليد دي جديدة!

أنا هجرب وربنا يسهل

**Mohamed.Ali** · 13-03-2013 10:57 PM

يا باشا متقلفش خاااالص دى صاجة التيل الخلفى تكلفتها بس 4800 جنيه :)

بس برده متقلقش انا عربيتى صنى 2013 وظهر معايا الصوت بعد 1500 كيلو كان فى تريلا بتفرمل

وتم تغييرها فى الضمان والصوت اتظبط الموضوع ملوش علاقة بالكار كير ولا مية ولا طينة

سيادتكم تروح تحجز فى اوتو ايجيبت وهيحددولك ميعاد لتغييرها بتاخد من شهرين لتلات اشهر مع العلم انها مش بتاثر على اداء الفرامل خالص

اوعى تقلق وخليها على الله

**د.محمدعبدالعال** · 14-03-2013 02:54 AM

المشاركة الأصلية كتبت بواسطة youssef_u

ممكن حضرتك تجرب تجري بالعربيه في حته فاضيه و تدوس فرامل جامد بس مش لدرجة ان العربيه تتزحلق و ركز مع الصوت

فعلا لو تراب بين التيل والطنابير ده حلها هتلاقي الصوت راح ان شاء الله .. دوس فرامل جامد كده كده العربية مش هتتزحلق عشان فيها abs واهي فرصة برضه تجرب ال abs بس دوس فرامل جامد بقلب جامد وخد بالك طبعا ان الطريق يكون فاضي وراك .. ويا ريت تلمس الطنبورة بايدك تشوف فيها عالي وواطي ولا مستوية