صوت في الفرامل مش طبيعي حصل إمبارح بعد لما مليت نيتروجين

**abdulmoniem** · 12-03-2013 06:59 AM

السلام عليكم ورحمة الله وبركاته

إمبارح روحت تاير مانيا .. فضيت الهوا كله وعملت نيتروجين .. وهناك مكتوب على القايم بتاع العربية إن قدام وورا 33 .. وفعلاً خليت الضغط زي ما قايم العربية بيقول هناك أ-شريف قالي زي ما العربية مكتوب عليها هيبقى أفضل.

وبعدها روحت كار كير نضفت العربية من برة بس .. Detailers

وبعدين وأنا مروح .. كنت ماشي كويس .. لغاية مكنت بجري في حتة كدة .. على 70 أو 80 .. لقيت مطب وكان مطلع جامد

فرملت ... وأنا بفرمل .. سمعت صوت زي ميكون صفارة عالية جداً وتخينة جداً .. خفت سبت الفرامل .. الصوت راح ..

ولكن .. دلوقتي وأنا بدوس على الفرامل بسمع صوت احتكاك بين حديد وحديد! بحسه كدة؟

أعمل إيه؟ هل في علاقة بإللي عملته بالنيتروجين أو الكار كير والمية وكدة .. بالصوت ده؟

هل أنزل عادي بالعربية النهاردة ولا أركنها لغاية مروح التوكيل؟

**dr.hazem** · 12-03-2013 07:29 AM

هو الكار كير والميه ممكن يخلو الطنابير تتكون عليها طبقة بسيطة تخلي التيل يصفر لحظيا...
لكن الصوت اللي حضرتك بتوصفه ده صوت تيل فرامل خلص...
ممكن توضحلنا العربية موديل كام وماشيه قد ايه؟ وهل في لمبه في التابلوه منوره'؟
تحياتي

Sent from my SE Arc S using Forum Runner

**Land_Cruiser** · 12-03-2013 08:05 AM

مبدأيا النيتروجين ملوش دعوة. احتمال لما حضرتك كنت بتنظف العربيه فى الكاركير يكون اثناء التنظيف جاءت مياه بطين على التيل او تكون عديت و انت بتجرى على مياه فيها طين و لما فرملت جامد اللى سمعته ده كان صوت احتكاك التيل اللى عليه تراب بالطنابير و لو كنت حسيت بخبط و دربكه مع الفرمله يبقى ال abs اشتغل ساعتها كمان. اعتقد ان حضرتك محتاج تنظف التيل و هتلاقى الصوت راح لان العربيه لسه زيرو و التيل ملحقش يتاكل. لو محتاج العربيه ضرورى انزل بيها بس ما تدوسش فرامل جامد لحد ما تروح التوكيل و ان شاء الله يطلع موضوع التراب ده على التيل هو المشكله و ينضفوة فتلاقى الصوت اختفى

**احمد المصرى** · 12-03-2013 08:56 AM

العربيه ذى الفل دا من تنظيف العربيه وخلال يوم هتلاقى كل حاجه رجعت لطبيعتها تانى وخاصه ان العربيه لسه جديده

**dodyam** · 12-03-2013 10:03 AM

خلى بالك من حاجة ان ضغط الكاوتش المكتوب على القايم للأمام 33 و للخلف 30 بس

**abdulmoniem** · 12-03-2013 10:14 AM

المشاركة الأصلية كتبت بواسطة dodyam

خلى بالك من حاجة ان ضغط الكاوتش المكتوب على القايم للأمام 33 و للخلف 30 بس

أنا بصيت على القايم ولقيت مكتوب عليه 33 .. 33

ممكن حضرتك تصورلي إللي عندك وتوريني تحديداً فين الحتتين إللي مكتوب عليهم الرقمين ممكن أكون بقرأ في مكان غلط؟

**abdulmoniem** · 12-03-2013 10:44 AM

المشاركة الأصلية كتبت بواسطة احمد المصرى

العربيه ذى الفل دا من تنظيف العربيه وخلال يوم هتلاقى كل حاجه رجعت لطبيعتها تانى وخاصه ان العربيه لسه جديده

المشاركة الأصلية كتبت بواسطة aldesha989

التيل لسه جديد 2100 كيلو ولا اى حاجه لسه ده اكيد من التنضيف

أنا خايف بسبب إني بعد الصوت الفظيع ده بقيت بحس بصوت الفرامل إن في حاجتين بيحكوا في بعض وحاسس إنهم معدن!

**HaNo_ELBeh** · 12-03-2013 11:17 AM

ياباشا ده عادى بعد الغسيل ولازم تتحمل الصوت كمان يوم او اتنين وامشى عادى لان المشى ودوس الفرامل هو اللى هيضيع الصوت وحاول بعد ماتغسل العربية انفخ التيل والطنابير بالهواء علشان ينشف وانتا ماشى اما بالنسبه لتظبيط العجل فعلا امامى 33 وخلفى 30 علشان الموتور والتقل الامامى
بسيطه انشاء الله

-

الموضوع: صوت في الفرامل مش طبيعي حصل إمبارح بعد لما مليت نيتروجين

LinkBack

أدوات الموضوع

عرض

-

-

-

المواضيع المتشابهه

مليت نيتروجين ,,,, ف التيدا ,,,,, بس مش مقتنع

انا مليت نيتروجين للعربية - أرجو الماشورة

مليت نيتروجين علي مقاسات الصني الجديدة 36&33 واليكم التقرير .....!!!!

هو صوت تزييق الفرامل بتاع الميجان طبيعي ؟

انا مليت الاستمارة

الكلمات الدلالية لهذا الموضوع

المفضلات

المفضلات

ضوابط المشاركة