الموضوع: تجربة تفريغ نص بولو كلاسيك فى ابيزا 98

المشاركة الأصلية كتبت بواسطة misoalex

ايه كل ده ياعم ايه التعب ده كله هههههههههههههه المشكله انى عامل زيك بالظبط ولما دخلت الموضوع معرفتش اسيبه غير لما قرأته كلللله وحسيت بكل كلمه انت بتقولها وافتكرت مواقف كتير حصلتلى زيها مع عربيه من عربياتى كنت بعدلها او بشدها
يوووووه مش عارف الواحد بيعمل فى نفسه كده ليه انا عارف شده الاعصاب وحرق الدم وعدم التركيز فى شغلك وحياتك وانت تفكيرك كله ياترا ايه حيحصل
عموما الف مبروك وربنا يباركلك فيها ويديك خيرها ويكفيك شرها

بس مخزن الحاج يسرى عبد العال منور الصور ههههههههههههههه
كلام المكانيكى بتاعك فى الغالب صح فى موضوع الشيل والهبد اللى بيحصل فى الانصاص انا كنت عاوز حجات من عند الحاج يسرى ولما روحت ملقتش غير نص واحد هو اللى فيه الحجات اللى انا عاوزها والنص ده من قبليها بفتره كنت شايفه حاطط فوقيه نصين تانين
طبعا لما رحت تانى كان النص اللى تحت اللى حاخد منه الحجات بقى متعجن فمخدتش منه حاجه وقاللى فيه شغل جديد جاى كمان اسبوع بس اتأخر عشان احداث بورسعيد فبصراحه مقدرتش استنى واتصرفت من بره جديد على استيراد بقى وخلاص
عموما كويس انها تمت على خير والحمد لله مكانش عندك مشاكل غير حجات بسيطه
بس عاوز اعرف انت سقطت فين والمكانيكى ده هريسه ولا واحد تانى ؟؟

فعلا الموضوع مكانش سهل خالص وطول الوقت على اعصابك لأنك بتدفع فلوس كتييييير
مشكلة الحاج يسرى ان البضاعة عنده بتتهان بسبب سوءالتخزين والنقل + انه بدأ يبقى سعره قريب من سعر السوق قوى بس فرق الفلوس مش كل حاجة, لأنك لما تشترى من تاجر عادى بتاخد الحاجة على التجربة وبتنقى اللى انت عايزه ولو حاجة مش عاجباك بتبدلها, لكن عمك الحاج يسرى بيبيعلك كأنه بيبيع لتاجر يعنى لما انا جبت اشترى منه النص قاللى (النص ده لو طلع بره المخزن انا مشوفتوش وتشيله على بعضه ومتجيش تقوللى فيه حاجة ناقصة) طبعا كلمة زى دى كفيلة انها تخليك مبتنامش طوول فترة التسقيط, المهم الحمد لله انها عدت على خير بس لسه شوية تظبيطات بسيطة بس المهم ان الصعب عدى
انا الميكانيكى بتاعى فى ابيس فى الشارع اللى بعد مدرسة اسكندرية للغات على الطريق السريع والورشة اسمها Beboo Garage والراجل اسمه نبيل وهو شاب فى العشرينات وخريج أكاديمية والناس اللى شغالة معاه نفس السن وبرده أكاديمية وبيشتغل فى كل العربيات وخصوصا التيربو, هريسة طبعا كويس جدا وأنا كنت مسقط عنده الموتور اللى قبل ده زى الفل بس للأسف لما جبت النص مكانش فاضى وانا كنت مستعجل

المشاركة الأصلية كتبت بواسطة misoalex

ايوه فعلا هو الفرق بينه وبين السوق مش كبير اوى فى السعر اللى يخليك تغامر وتجيب منه حاجه متعرفش ترجعها بعد كده
بس هى ميزته انه بيبقى عنده انصاص حالتها كوويسه جدا والواحد بيضعف ادام الحاجه الفابريكه برضه هههههههههههههه

ممكن رقم تليفون او وصف للورشه دى بالتفصيل وهل هما ناس كويسه وفاهمه فعلا

كأنك جاى من جرين بلازا ونازل على السريع فى اتجاه ابيس, اول مطب صناعى هيقابلك ادخل منه يمين هتلاقى الشارع على ناصيته تكاتك, فى تانى شارع شمال, هتلاقيه اول ورشة على ايدك الشمال
رقم تليفونه 01002090407 واسمه نبيل, بس خد بالك اجازته الجمعة مش الاحد

وهو بيشتغل فى الحديث عموما وفى التيربو خصوصا, ومعاه عربية لانسر بومة حمراء 2400 سى سى تيربو فيها جنط ابيض

المشاركة الأصلية كتبت بواسطة misoalex

تمام كده عرفت المكان الف شكر تعبتك معايا :)

تحت امرك فى اى وقت