الموضوع: سؤال في الدهان بس بسرعه أرجوكم؟

منك نستفيد يا اخ ادهم والبك هو البوتامين الاسود العازل
الفرن اجرته 40 اذا كان العربيه ترش من برة وثمانين ان كانت من جوة وبرة
فك النواكل من اجل ان الراجل يرش تحتها فلايترك لون مختلف تحتها ولاعلاقه لها بحرارة الفرن
فائده الفرن تسيح البويه والبعد عن التراب ومفروض ان الفرن الصح يكون المسدس اتوماتيك والتحكم فيه من علي بعد
اما في مصر اونطه واهو كله فرن ومحش عارف حاجه والسخونه لاعلاقه لها باللمعه اللمعه من التشطيب النهائي بعد كذا وش بويه ؛ فالتلميع هو مايظر السيارة مهما تعلي حرارة الفرن اللي هو مش حيزيد في مصر عن 50 درجه لان المعلم اللي ماسك المسدس قاعد جوه
وعموما شكرا علي المعلومات ياادهم باشا

المشاركة الأصلية كتبت بواسطة Adham

و العربية تترش 3 وشوش بوية علشان "تتكفى"

الوش او الوشين الاولانيين بيبقوا "عفرة" يعني بيتفتح الهواء بتاع المسدس قوي و يبقة رزاز البوية خفيف قوي
و بعدين تاخد وش او وشين (رص) يعني بيتقفل الهواء و تتفتح البوية قوي و تبقى البوية خارجة كثيفة من المسدس و مركزة في خطوط مش عفرة (رزاز)

و لو لون ميتاليك
يبقى بعد رش اللون تتساب دقايق لغاية مالبوية تشمع عالعربية (ممكن تاخد لقطة سخن من الفرن) , و بعدين يترش الورنيش (بيبقى خلطة من نسبة ورنيش 2 : نسبة مُصلب 1 : نسبة تنر 1/2 ولو زاد التنر بيقلل لمعه الورنيش) برضة " يتعفر" وش عالعربية و بعدين يترش وش تاني "رص" كثيف "يكفي" العربية ورنيش
و بعدين يخرج الصنايعي من كابينة الفرن و يتطفي نورها و يتشغل "الولاعه" و يتسخن الفرن لدرجة الحرارة المطلوبة لمدة 20:30 دقيقة و في الاخر تاخد العربية هواء بارد علشان البوية "تعضم" قبل ماتخرج العربية من الفرن

أستاذ أدهم ، واضح ان عندك خبرة كبيرة في مسألة الدهانات ، ياريت لو تعرف حد كويس بتاع دوكو يكون شغله نظيف وأجرته معقولة.

تحياتي

المشاركة الأصلية كتبت بواسطة chihab18

منك نستفيد يا اخ ادهم والبك هو البوتامين الاسود العازل
الفرن اجرته 40 اذا كان العربيه ترش من برة وثمانين ان كانت من جوة وبرة
فك النواكل من اجل ان الراجل يرش تحتها فلايترك لون مختلف تحتها ولاعلاقه لها بحرارة الفرن
فائده الفرن تسيح البويه والبعد عن التراب ومفروض ان الفرن الصح يكون المسدس اتوماتيك والتحكم فيه من علي بعد
اما في مصر اونطه واهو كله فرن ومحش عارف حاجه والسخونه لاعلاقه لها باللمعه اللمعه من التشطيب النهائي بعد كذا وش بويه ؛ فالتلميع هو مايظر السيارة مهما تعلي حرارة الفرن اللي هو مش حيزيد في مصر عن 50 درجه لان المعلم اللي ماسك المسدس قاعد جوه
وعموما شكرا علي المعلومات ياادهم باشا

ااااة انت قصدك البلاك
ايوة بس دة مالوش دعوة بالدهان, دةو بيترش برة الفرن او بالفرشاة و يتحبب بس تحت الرفارف و العتب و الشنطة لكن مش بيتحط تحت البوية الفرن خالص ماينفعش (يعني مش طبقة عالرفارف من برة او الكبوت من برة مثلا)

بص ياباشا
الموضوع مش رش برة و جوة
اي فرن (نضيف) يعني فرن بحقيقي مش حايبقى اقل من 80 جنية للعربية الصغيرة

لكن فرن فلاترة مابتتغيرش و بترمي تراب وحالتة كرب وولاعتة بايظة مثلا مش مقياس لأنة بالضبط زية زي قلتة و زي رش العربية في حارة الورشة

موضوع النواكل ان يترش تحتها يبقى تمام بس مش النواكل بس و لكن اي حاجة تانية تعوق الرش
زي مثلا الباكتات الكاوتش او الكاوتش حوالين الزجاج و غيرة و غيرة

بس دة يبقى وجع دماغ و كلة بيستسهل و بيرش و هيه راكبة بعد مايورق عليها لأن البوية اللي تحتها مش مرئية و مش حاتتشاف

مافيش حاجة اسمها مسدس اوتوماتيك و الرش من بعد دة في افلام الخيال العلمي بس ههههههههههههههه

في التوكيل العربيات بتترش برضة بمسدس ماسكة صنايعي ههههههههههه

اللمعه بتاعه البوية بتتأثر بالحرارة (تتناسب طرديا)
و اسأل صنايعي محترف بتاع دوكو فرن
او صاحب فرن

و تاني البوية الفرن مابتتلمعش بعد الرش زي البوية الدوكو السادة, البوية الدكو السادة بس اللي لازم تتلمع بعد الرش علشان تلمع

و الحرارة بتاعه الفرن بتترفع ل 55 درجة لما الصنايعي يخلص رش العربية و يطلع برة
لكن مش و هوة جوة الفرن

راجع تاني الخطوات اللي كتبتها

تحياتي

المشاركة الأصلية كتبت بواسطة MotorX

أستاذ أدهم ، واضح ان عندك خبرة كبيرة في مسألة الدهانات ، ياريت لو تعرف حد كويس بتاع دوكو يكون شغله نظيف وأجرته معقولة.

تحياتي

من عينيا, انا فية واحد بتاع دوكو كويس باتعامل معاه دايما

هوة في اربعه و نص على طريق السويس

وهو معروف قوى هناك
اتنين اخوات سيد و علي و عندهم ورشة كبيرة و فيها فرن نضيف

شغلهم نضيف و مصنعيتهم حنينة و بيراعوا ضميرهم في الشغل
انا باتعامل معاهم من سنة 92
ورشوللي ييجي 17 عربية مثلا ( لي و لمعارف كتير)

المشاركة الأصلية كتبت بواسطة Adham

من عينيا, انا فية واحد بتاع دوكو كويس باتعامل معاه دايما

هوة في اربعه و نص على طريق السويس

وهو معروف قوى هناك
اتنين اخوات سيد و علي و عندهم ورشة كبيرة و فيها فرن نضيف

شغلهم نضيف و مصنعيتهم حنينة و بيراعوا ضميرهم في الشغل
انا باتعامل معاهم من سنة 92
ورشوللي ييجي 17 عربية مثلا ( لي و لمعارف كتير)

الف شكر على الرد ، وإن شاء الله قريب اروح لهم ، وياريت لو رقم تليفونك على الخاص علشان اكلمك قبل ما اروح توصيهم عليا طالما إنهم معرفة قديمة.

تحياتي

لما تروحلة قولة بس انك صاحب أدهم و هو اللي باعتك ليهم, وقولة انك شفت البونتو السوداء اللي عملتها قريب و عجبتك(أمارة يعني)

الاخ العضو السائل

بالاضافة الى النصائح السابقة القيمة ,
و بما ان عربيتك تصنف من ضمن السيارات الهاتش باك

خلي بالك من الجزئية دي ..

لو جات عفارة من البوية على مساعدين الشنطة ( اللى بيرفعوا الشنطة لفوق ) ,,
فأوعى تخلى حد يمسحهم بالتنر
لان التنر هيتسرب الى داخل المساعد و هيبوظ الاويل سيل و هتلاقيهم زي قلتهم ,
ممكن بعدين تبقى تشيل البوية بصنفرة ناعمة خالص او حتى بليفة سلك , انما اوعى تحط جنبهم تنر

المشاركة الأصلية كتبت بواسطة banboty

الاخ العضو السائل

بالاضافة الى النصائح السابقة القيمة ,
و بما ان عربيتك تصنف من ضمن السيارات الهاتش باك

خلي بالك من الجزئية دي ..

لو جات عفارة من البوية على مساعدين الشنطة ( اللى بيرفعوا الشنطة لفوق ) ,,
فأوعى تخلى حد يمسحهم بالتنر
لان التنر هيتسرب الى داخل المساعد و هيبوظ الاويل سيل و هتلاقيهم زي قلتهم ,
ممكن بعدين تبقى تشيل البوية بصنفرة ناعمة خالص او حتى بليفة سلك , انما اوعى تحط جنبهم تنر

اكبر غلط ان تصنفر أكس مساعد بالصنفرة
اي خربشة او تجريح ولو بسيط في أكس أي مساعد (سواء مساعد شنطة أو مساعد عفشة) تخللية يتلف الأويل سيل فورا و يبوظ المساعد