الموضوع: لادا سمارة شبه جديدة!!! معقولة؟؟؟ تستاهل؟؟؟

السلام عليكم
السادة خبراء اللادا الأفاضل
صديق عزيز موصيني اساعده في موضوع عربية لادا سمارة بيشتريها والحمد لله معلوماتي في العربيات لا بأس بها وعلى قدي، بس اللادا بصراحة ماليش عنه معلومات ولا خبرة.
هو له جار كان مسافر فترة وعنده لادا سمارة1991 وفعلا العربية شبه زيرو، يعني عاملة عداد 55000كم وفابريقة بالكااااااامل وبالتأكيد وشفناها والصالون نظيف جدا، بس طبعا عاوزة بطارية وكاوتش وده الظاهر، وصاحبها مسافر فعلا والعداد ده بتاعها فعلا.
المهم العربية دي هو محتار فيها لأنها فعلا زي الزيرو وشكلها كويسة جدا، والغريب إنها مكيفة (برضه التكييف محتاج شحن من الركنة)
صديقي مش مهم بالنسباله إمكانيات ولا شكليات بس بيسافر كتير الصعيد وأغلب تحركاته سفر
يعني جابيها للأمور العملية والشغل ومعاهوش عائلة يعني سفر لوحده (مش بيشيل أحمال كتير)
السعر مش مشكلة لأنه عارف إن صاحبها طالب أكتر من تمنها (حوالي 25 الأف ج.م) وهو موافق مقابل الحالة. بس الأهم إن لو حضراتكو تفيدونا بخصوص السمارة
عاملة إيه من ناحية سخونة الموتور وبالأخص في الصيف؟؟؟
إيه اخبار قطع غيارها من ناحية الأسعار والانتشار ومدى اعتماديتها ومعمرة؟؟؟
الموتور عامل إيه ؟؟؟ 1500 مانيوال والحالة أكيد تمام بس بصفة عامة يصلح لواحد أغلب حياته سفر وانتقالات؟؟
الاتزان في الطريق كويس في السرعات؟؟؟
بنسمع إن اللادا فيها بيض المقصات بيملص، في السمارة برضه كده؟؟
السمارة فيها أي مشاكل بصفة عامة؟؟؟
طبعا دي أول زيارة لقسم لادا الموقر ودوشتكو من أولها، وشكرا على الردود والإفادة مقدما

شكرا شكرا وربنا يجازي حضراتكو خير، شكرا للإفادة وفعلا معلومات أضافت لنا وبلغت صديقي بكل المعلومات دي ولازال بيفاوض جاره على السعر، لأن صديقي عنده إصرار شديد عليها وشايف إنها هتستحمل معاه السفر والبهدلة، بس بيحاول يفاصل فيها...