الموضوع: تقرير اسعار بعض قطع غيار الصني

المشاركة الأصلية كتبت بواسطة eng\ahmed

سؤال معلش بالنسبة لرش الاكصدام
عندى الاكصدام الخلفى شكله زفت وعايز ارشة بالاضافة لشرخ طولة حوالى 10 سم
سألت عند 3 فى الحرفيين وشرطت عليهم فك الاكصدام ورشة وبعدين تركيبه
واحد قالى 400 جنية بوية سكينز
والتانى قالى غيره احسن علشان البوية هتقشر تانى
والتالت 250 جنيه بوية lb وبيقولى دى الاصلى للفورد

انا كل اللى عايزة الاكصدام يرجع فابريكه ومش اى لمسة يقشر
اعمل ايه !!!! :)

السكنز مره زمان رشيت اكصدام 200 جنيه اسكنز

بس في الحرفيين فيه ناس بتحور كتير ممكن ميبقاش اسكندز ممكن اخر وش بس في الرش يبقى اسكنز في حوارات كتير

والاكصدام ممكن يبان انه مرشوش برضو بس انا دي بالنسبالي مش قصه اكصدامين مش حكايه

عموما انا في رد ليا في عنوان سمكري في الحرفيين روحلوا اسمه ادهم شوف هيطلب كمان وعموما البوهياجيه الي بيشتغل معاهم ممتازين جدا جدا

بالنسبه للسعر 400 جنيه متهيالي غالي شويه لو قارنا بال 200 جنيه رش فقط يبقى هو واخد 200 جنيه زياده عشان يفك ويلحم اكصدام ويركبه تاني غالي ممكن تبقى 300 او 350 اخرها اوييييي شرط انه يبقى فعلا سكينز