الموضوع: تقرير اسعار بعض قطع غيار الصني

نسيت برضو اقول طقم مساعدين امامي كي واي بي 850 والخلفي طقم 650

المشاركة الأصلية كتبت بواسطة حماده المصري

الحقيقه اليومين دول بعمل كام حاجه كده في العربيه قولت اديكم تقرير بسيط كده ياريت الواحد يعرف يديكم 1% من حقكم لانكم الحقيقه قسم متعاون ومتحاب لابعد الحدود

وعمري ما سالتكم وخذلتوني


المهم

صني 2006

اكصدام خلفي تايلاندي ب 250 طبعا احيانا ممكن يبقى في فرق اسعار في معظم قطع الغيار من 5 ل 20 جنيه حسب المحل والمكان والحاجات دي

الاكصدام الخلفي 250 جنيه تايلاندي

الفانوس الخلفي tyc ب 170 كنت من كزا شهر جبته ب 160 او 165

واحسن من ال depo لان الديبو كان المسمار بتاعه راكب غلط ف الفانوس مركبش زي الناس

tyc ركب حلو جدا ومتعرفش تميزه من الاصلي ومش بيصفر كمان لمده ال 6 شهور الي ركبوا مصفرش

في قواعد للاكصدام بلاستيك ابيض بيبقوا تحت الفانوس الخلفي كل فانوس تحتيه وحده

الاصلي بتوعهم زمان كنت جبتهم ب 60 او 70 جنيه الوحده

النهارده جبت الصيني ب 30 جنيه الوجده مع ان في حد قالي تايواني ب 40 بس استغليته لانه مغلواني ومتاكدش اذا كانوا تايواني او لا وكمان في ناس ممكن تلاقيها عندهم ب 25

في بقى كمان دي دوخت عليها وجبتها ب 30 جنيه عضمايه طويله شويه بتبقى راكبه في الرفرف الخلفي والاكصدام بيركب عليها ويقفل دي في التوكيل ب 77 جنيه

روحت التوكيل الي جنب سعودي منت هجيب الاصلي بقوله لو طلعت هيا ينفع ارجعها قالي لا احنا مش بنرجع قولته اشطه هاتها ولو طلعت مش هيا هروح اشتكيك في حمايه المستهلك لان في حاجه اسمها سياسه الاسترجاع

المهم الراجل رخم اديته 100 جنيه جه تقريبا مديره كان سامع الحوار قالي برخامه انا معنديش فكه روحت واخد منه الفلوس ورميله البتاعه قولتله خليهالك

ودوخت عليها بس جبتها في الاخر من محل اسمه الخواجه ب 30 جنيه

وجبت برضو طنابير تايواني ب 220 جنيه لصديق ليا وللعلم في تفاوت كبييييييييييير اوي في اسعار الطنابير من 220 ل 240 ل 250 ل 270 ل 350 مابين محلات اكتوبر والهرم والحقيقه مكنتش عايز مع كل واحد اقوله وريني الطنابير ونوعها ايه لانه الحقيقه بتبقى تقيله وغالبا بتبقى في المخزن ف مش هخليه يجيبها وماخدهاش

الخواجه كان عنده التيل الاصلي ب 300 جنيه

شركه الاهرام كان عنده التيل الامامي كوري مش فاكر ب 70 جنيه

وكان عنده امريكي ب 200 جنيه

والخواجه عنده تيل ياباني ب 140 جنيه


الفليين بتاع الاكصدام الخلفي مش موجود في التوكيل وسعره 250 جنيه

وفي طبعا كميه فلاتر مضروبه في السوق بالهبل او ممكن تكون فرز اول او تاني او تاني

في فلتر هوا زي الاصلي بس مش اصلي ازاي متفهمش ونفس الشكل واللون والعلبه بس العلبه بتبقى شكلها قديم شويه

وبرضو فلتر الزيت فيه ب 50 جنيه او 55 اصلي وزيه بالضبط ب 30 الفرق في شكل العلبه بيبقى قديم او جديد

وفيه بقى حاجات كتير تانيه من برا genuine parts من جوه تلاقي مش مكتوب عليه غير for nissan


ورشيت اكصدام ب 150 جنيه مش فاكر بويه ايه تقريبا كابسي ياريت لو حد يقولي غالي او رخيص بس هو طلع حلو جدا جدا

واديت سمكري 350 الشنطه كانت مخبوطه زبطها حلو جدا جدا هو غالي او الحقيقه بس كويس جدا لانه السمكري الي كان صلحلي حادثه الشنطه من فتره مزبطتش الشنطه زي ما ده زبطها


ومن هنا لحد الساعه 12 لو حد عايز يعرف سعر حاجه يقولي عشان انا نازل تاني اجيب حاجه للعربيه هبقى في الهرم ممكن اروح شركه الاهرام والسرساوي الي في الهرم

بس ولو في حاجه استجدت هكتبها برضو في الموضوع

الله ياباشا متشكر قوى على الاسعار دية
دة أنا دخت على الفبر بتاع الاكصدام الخلفى وأطريت أشترى طقم كامل ب 90 صينى من التوفقية والى فى الجنب مش موجود اصلا أنت فعلا كبت الجانب مفرد ب 30 جم من الخواجة دة الوحيد الى مفكرتش أسال عندة للاسف سبحان الله وشكرا

المشاركة الأصلية كتبت بواسطة moumen_hs

الله ياباشا متشكر قوى على الاسعار دية
دة أنا دخت على الفبر بتاع الاكصدام الخلفى وأطريت أشترى طقم كامل ب 90 صينى من التوفقية والى فى الجنب مش موجود اصلا أنت فعلا كبت الجانب مفرد ب 30 جم من الخواجة دة الوحيد الى مفكرتش أسال عندة للاسف سبحان الله وشكرا

ياريت ياباشا تقولي جبته منين في التوفيقيه


وبالمره يا جماعه

لقيت برضو تيل فرامل امامي ريمسا موجود عند السرساوي ب 160 جنيه

بص ياباشا أول محل فى التوفقية على شارع رمسيس الرئيسى وأنت قادم من الاسعاف هما محلين بتوع يابانى على الشارع قبل دخلة التوفقية ب 90 جم وفى واحد كمان فى المول فى الدور الارضى فى الاخر بتاع يبانى الطقم ب 100 جم بس كلة مش بيبيع جنب لوحدة .

المشاركة الأصلية كتبت بواسطة sonasteel

انا عايز حد يظبطلي الاكصدام الامامي والخلفي ويشوف ايه المكسور ويصلحة ويرجعه فابريكا
ممكن ؟؟

حبيبي ياسونا

الراجل بتاعي في الهرم لو تحب عينيا ليك

المشاركة الأصلية كتبت بواسطة sonasteel

حبيبي يا حمادة ..... الله يبارك في عمرك
انا لو هاجيلك ان شاء الله .... عايز تبقي مرة واحده علشان المشوار صعب جدا
وعايز حد ايده نضيفة ويرجعلي العربية فابريكا من غير مسمار شك واحد
ممكن ؟

انا متهيالي انت في الحلميه او قريب من هناك ف الهرم بعيد عليك

بامانه الراجل بتاع الهرم كويس جدا بس اكيد هيبان انه مرشوش بس هو طبعا نضيف

بس الاكصدامات صعب تبان انها فبريكه مدام اترشت فيها فروقات مع الرفرف وبتبان فيها البويه

وانت لو هترش اكصدام عايزه مش يبان لازم ميبقاش ملحوم او متمعجن لازم يبقى اكصدام جديد ولازم كمان بويه وورنيش اسكينز وهيكلفك مش اقل من 200 جنيه وا 250 كمان في اليومين دول

بص لو انت هترش

في حد في الحرفيين جميل جدا في سمكري معروف اوي هناك اسمه سمير علي تعديه وتفضل ماشي على الشمال هتلاقي محل شغال في الامريكي والجيب تدخل من ناصيته شمال وتسال على سمكري اسمه ادهم الواد ده برنس وشغال معاه كزا بوهيجي ايديهم تتلف في حرير

رشلي اكصدام خلفي في النيو اكسنت طلع فبريكه فعلا ورشلي اكصدام امامي كان كويس جدا