تحيه خاصه الى mrs-kadous عضوه فاعله

**mrs-kadous** · 16-03-2013 11:44 PM

المشاركة الأصلية كتبت بواسطة MTAK

جزاك الله خيرا يا شيخ خالد

و حتى اكون صحيحا فأنا اعلنها للجميع بدون مواره او خجل من شئ

نيتى لم تكن للتهنئه فقط و انما كما ذكرت اضافه سؤال ليفكر فيه الناس

و لم اصرح بها لانى من الممكن ان اكون على خطأ و هذا وراد بنسبه كبيره و كذلك ممكن اكون على صواب و هذا ايضا وارد
--
يافندم حضرتك ذكي جدا .. ومش مقبول اعتذارك بهذا التلميخ اللي مش مفهوم

--سؤال ايه وتصريح ايه ايه اصلا اللي حضرتك بتقوله ده

جزاك الله خيرا يا شيخ خالد و لا تنسانا من صالح الدعاء

**zangry** · 16-03-2013 11:50 PM

المشاركة الأصلية كتبت بواسطة mrs-kadous

قطع غيارها ارخص من الجيتا ؟؟ انا اعرف انه نفس الموتور ونفس قطع الغيار

اه المفروض بس انا بتكلم على بره التوكيل .. التوكيل هتلاقي الاسعار عالية شويتين :d

المشاركة الأصلية كتبت بواسطة Y a r i s

هههههههههههه
ياباشا انا اقدر. اخبط في الحلل ... يتقطع سير كاتينتي ولا يتخرم كويتشي لو اجيب سيرة الاوكتافيا بكلمة كده ولا كدة :)

بس هو في فرق بين عربية والتانية ... بالذات انتا لمن تكون شاري العربية جديدة ومربيها على ايديك غير لمن تجيب عربية مستعمله تربية غيرك ويا عالم يكون مطلع عينيها قبليك تيجي تدلعها. انتا تقوم تتمرع عليك وتبتدي بقه تديلك ليستت طلبات ملهاش اول من اخر ... وتفضل تقولك عاوزة عاوزة عاوزة.

ده غير. مشكلة الحرارة والسخونية ... العربيات الالماني بالذات لمن اكتر من رجل تدوس فيها. تبتدي بقى تقل باصلها وتسخن والعربية مع الاسف كلها حسسات وكل ما تغير حساس تلاقي الحساس الي جمبو يتحسس ان الحساس الاولاني حس بحساسيتوا :) وتفضل تقضيها تغير حسسات

لذلك حلاوة الاوكتافيا الي يشتريها وياخود هوا وش القفص ومتعت الجديد ... ويراعيها ويحافظ عليها ... اما كعربية. اشهد لها بالعشرة كفايه انها عربيتك. يا زنجاري باشا. وعربية مظهر باشا حبايب قلبي :) وتحياتي

بعد الشر ياياريس باشا :d انشالله عربيتي هههههههه

طبعا معاك حق كان عندنا ميجان قعدت 6 سنين من الزيرو كانت عشرة والله :( وزي مانت بتقول كده خدنا خيرها فبعناها بس انا مش معاك في موضوع الحساسات ده :d الكلام ده زمااان اياريس

على فكرة والله انا مش بدافع عن الاوكتافيا خالص حتى مسز قادوس لما سألت قولتلها سيفيك عشان هى افضل وفي عربيات كتير افضل من الاوكتافيا

ياباشا ربنا يخليك ويباركلك في الياريس والار بي وعقبال المرشيدس :d

تحياتي

**MTAK** · 17-03-2013 01:05 AM

العضوه الفاضله مسز قدوس
رغم ان ردود حضرتك بها من المجال الكبير للرد و لكنى اؤثر عدم الرد كى لا يزيد الموضوع فى اتجاهات اخرى مش هاتفيد حد

انما كان هناك تلميح لشئ بصراحه لا استطيع ان اسكت عليه

الا و هو جمله حضرتك
موضوع لقيت واحد بيتكلم علي زوجتك بالاسم وبنفس الطريقه ده هيكون عادي جدا بالنسبه لحضرتك

يا سيدتى الفاضله , سبق ايضا انى رديت اكتر من مرة انى لم افتح هذا الموضوع لكونك سيده
و كل كلامى عن حضرتك لم يمس شخصك الحقيقى بالمرة و مع كامل احترامى لك و لشخصك الكريم و لزوجك الكريم ايضا

حضرتك كان بكل بساطه ممكن تسجلى باى اسم مستعار لا يدل على شخصية زوجك او اى اسم نفهم انه لسيده
و حتى لا تجيبى و تقولى هذا ليس من شأنك
اجيبك و اقول لك نعم هذا فعلا ليس من شأنى و لكنه مجرد اقتراح

يا سيدتى الفاضله , حضرتك مش اول سيده متزوجه تشارك فى المنتدى
و هناك الكثير من الاسماء و الكل كان يتعامل معهم بكل احترام و لم يسبق لى ان اسأت الحوار معهم او تعاملت معهم بشكل جعلهم يضجرون من كلامى
و هو نفس الاحترام الذى اتعامل به مع شخصك الكريم

حاجه تانيه صغيره
زى ما ناس هاجمتنى هناك ايضا من اعجبه الموضوع و ارجو ان ترى الردود من الاول
----------------------------------------------------------------
اشكر لك عدم قبولك اعتذارى

و تلك اخر مشاركة لى بالموضوع

و تشرفت بالحوار معك

و اشكر لك على ما ذكرتيه فى حقى

**A.Saad** · 17-03-2013 09:29 AM

هو الهدف من الموضوع ده ايه يا استاذ محمد

شك فى تعدد عضويات
يبقى حضرتك تخاطب الادارة

اعلام الاعضاء ان العضوة متفرغة للمنتدى
اعتقد برده كاتب المشاركة من الناس اللى بتشارك كتير
ومعايا على الاقل 10 اعضاء مشاركاتهم اعلى منى
فدخول عضو على المنتدى 7/24 دى حاجة تخصه شخصياً ولا تخص اى طرف اخر

**friendship7897** · 17-03-2013 11:53 AM

المشاركة الأصلية كتبت بواسطة MTAK

اصحابى و اعزائى و زملائى (مارضيتش اقول اخوانى اهو

) فى هذا المنتدى الكريم :

المنتدى الذى اصبح بيتنا الكبير و الذى بفضل الله و توفيقه تم التعرف على اصدقاء عمر كما يقولون
على العموم الف مبروك عضو فاعل , و عقبال عضو ماسى

أولاً : ألف مبروك يا mrs-kadous
أنت فعلاً إنسانة نشيطة ولفت نظري ما لفت نظر أ/ MTAK إنك ما شاء الله تواجدك بالمنتدى كتير وياريت تقولي بتنظمي وقتك إزاي ؟
يعنى هل أنت بتشتغلي أم لا ؟
وهل عندك أولاد أم لا؟
أنا أعرف إن زوجك معنا في المنتدى ؟ فهل جلوسك أمام الكمبيوتر بيضايقه أم لا ؟
وإذا كان لا يضايقه ؟ فإزاي أقنعتيه ؟
الأسئلة دي من واحدة من نفس جنسك – أفيديني أفادك الله
لأني كتبت موضوع قبل كدة عن قلة الوقت وكنت أتمنى أن تشاركي فيه لتعم الفائدة .
http://www.nilemotors.net/Nile/326011-a.html
صحيح أنتي ضد الأخوان وضد الحكومة وضد مرسي وضد حاجات كتير بس مشاركاتك القوية بتعجبني حتى لو بختلف في بعضها .
ثانياً : ما شاء الله عليك يا أ/ MTAK للأسباب الآتية :-
1) لمعرفتي من خلال موضوعاتك أو مشاركاتك بشخصيتك المحترمة والمجاملة والمتدينة ، ولكن أول مرة يلفت نظري شخصيتك الحسابية وقدرتك على تحليل الأرقام والساعات ، وأيضاً مبروك على إستخدامك لبرنامج الإكسل اللي واضح أنك هتكون مميز فيه إن شاء الله .
2) خفة دمك ( مارضيتش اقول اخوانى اهو

) والله ضحكتني جداً ، لأنك واضح إنك عارف من خلال مشاركات mrs-kadous إنها ضد الإخوان – فمرديتش في موضوع مجاملتها تضايقها ولو حتى بالهزار – برافو عليك .
ربنا يديم المعروف بين أعضاء المنتدى ، لأنه فعلاً منتدى محبوب – رغم أنه منتدى عربيات لكن الموضوعات الإجتماعية وموضوعات الشارع المصري – بتعرفنا على بعض أكتر – وطبعاً اللقاءات الناجحة اللي بيعملها المنتدى.

**egyptawy2010** · 17-03-2013 12:00 PM

الاستاذ الكيمائى والفاضلة مسز قدوس

نكن لكم كل الاحترام كزميل فى المنتدى

وقد لا تتاح لنا فرص المقابلة وجها لوجه فى هذه الدنيا
واخشى ان نتقابل يوم القيامة امام الله ويحمل احدنا لبعض شيىء ما فى صدره

لازم كلنا نتسامح

**mrs-kadous** · 17-03-2013 01:22 PM

المشاركة الأصلية كتبت بواسطة egyptawy2010

الاستاذ الكيمائى والفاضلة مسز قدوس

نكن لكم كل الاحترام كزميل فى المنتدى

وقد لا تتاح لنا فرص المقابلة وجها لوجه فى هذه الدنيا
واخشى ان نتقابل يوم القيامة امام الله ويحمل احدنا لبعض شيىء ما فى صدره

لازم كلنا نتسامح

egyptawy2010;
اصلاح ذات البين من خصال المؤمن الحق
والعفو والاصلاح من شيم الكرام
اصبت حضرتك وأخطأت أنا

الاستاذ الكميائي / محمد طه
خيركم من بدأ بالسلام ومباردتك الطيبه قد تجعلكم عند الله افضل مني
عفا الله عما سلف

**mrs-kadous** · 17-03-2013 02:04 PM

المشاركة الأصلية كتبت بواسطة friendship7897

أولاً : ألف مبروك يا mrs-kadous
أنت فعلاً إنسانة نشيطة ولفت نظري ما لفت نظر أ/ MTAK إنك ما شاء الله تواجدك بالمنتدى كتير وياريت تقولي بتنظمي وقتك إزاي ؟
يعنى هل أنت بتشتغلي أم لا ؟
وهل عندك أولاد أم لا؟
أنا أعرف إن زوجك معنا في المنتدى ؟ فهل جلوسك أمام الكمبيوتر بيضايقه أم لا ؟
وإذا كان لا يضايقه ؟ فإزاي أقنعتيه ؟
الأسئلة دي من واحدة من نفس جنسك – أفيديني أفادك الله
لأني كتبت موضوع قبل كدة عن قلة الوقت وكنت أتمنى أن تشاركي فيه لتعم الفائدة .
http://www.nilemotors.net/Nile/326011-a.html
صحيح أنتي ضد الأخوان وضد الحكومة وضد مرسي وضد حاجات كتير بس مشاركاتك القوية بتعجبني حتى لو بختلف في بعضها .
ثانياً : ما شاء الله عليك يا أ/ MTAK للأسباب الآتية :-
1) لمعرفتي من خلال موضوعاتك أو مشاركاتك بشخصيتك المحترمة والمجاملة والمتدينة ، ولكن أول مرة يلفت نظري شخصيتك الحسابية وقدرتك على تحليل الأرقام والساعات ، وأيضاً مبروك على إستخدامك لبرنامج الإكسل اللي واضح أنك هتكون مميز فيه إن شاء الله .
2) خفة دمك ( مارضيتش اقول اخوانى اهو

) والله ضحكتني جداً ، لأنك واضح إنك عارف من خلال مشاركات mrs-kadous إنها ضد الإخوان – فمرديتش في موضوع مجاملتها تضايقها ولو حتى بالهزار – برافو عليك .
ربنا يديم المعروف بين أعضاء المنتدى ، لأنه فعلاً منتدى محبوب – رغم أنه منتدى عربيات لكن الموضوعات الإجتماعية وموضوعات الشارع المصري – بتعرفنا على بعض أكتر – وطبعاً اللقاءات الناجحة اللي بيعملها المنتدى.

اولا تحياتي لحضرتك وشكرا علي مشاركتك الجميله.. بصي اناا بشتغل وعندي بنتين واحده في اعدادي هندسه والتانيه في g /8 >>طبيعه عمل سامح بتخليني عندي وقت فراغ من بعد الشغل لغايه حوالي الساعه 7 .. الاحداث اللي مرينا بيها في بورسعيد خلتني متواجده في موضوعات 24 ساااااعه لو مش من اللاب توب يبقي من التيلفون وده اللي لفت نظر الناس وبرده لفت نظر سامح والاختلاف مابينا ان انا ثورجيه شويه .. انا لقيت ناس عماله تقول كلام غريب في موضوع بورسعيد واحنا عايشين في البلد وشفنا اللي حصل .. ناس كتير ماتت ماكنتش تستحق تموت .. طبعا انشغالي ده ضايقه وعنده حق لاني فعلا لمابركز في حاجه مهتمه بيها بكون مركزه جدا وحتي مابسمعش اللي بيكلمني

هو بصراحه اقتنع بعد الموضوع ده لماشاف الحرب الفظيعه اللي معلنه عليا مش الموضوع ده طبعا .. ده الموضوع ده يعتبر عادي وشيك كمان .. ده اتعمل مواضيع غريبه مره يعملوني افعي ومرات شتائم والغريبه اني كنت بعرف المواضيع دي من رسائل خاصه من ناس ماعرفهمش ..

لو الناس تفهم اننا كلنا مصريين هدفنا بس مصلحه بلدنا وبعدوا عن نظريه المؤامره الوضع كانا اختلف

احنا مش ضد حد ولا فصيل احنا ضد الخداع والوهم ولقمه العيش اللي وعدوا بيها الغلابه وفي الاخر طلعت وهم كبير اسمه طائر النهضه

تحياتي لحضرتك ومشكوره لايجابيتك