انا مش شايف اصلا للموضوع موضوع .. ايه المشكلة يعني ان العربية مفيهاش فلتر تكييف !!! علي فكرة هي العربية في الطبيعي بتنزل من غير فلتر تكييف جوا و بره مصر كمان و علي العموم انا معايا نيسان صني 2009 و برده الموديل ده و اللي قبله و اللي بعده مكانش بينزل فيهم فلتر تكييف لكن شركة نيسان مصر المحترمة اول ما نزل فلترالتكييف مصر .. قاموا عملوا حملة فحص مجاني لجميع سيارات نيسان مصر و كان في الحملة بيوزعوا فلتر التكييف مجاني مع الحملة و انا من الناس اللي اخدت الفلتر مجاني رغم ان الفلتر تمنه في التوكيل 140 جنيه
انا بحترم انك تنتقد التوكيل و ده حقك لكن ارجوا ان يكون النقد ايجابي .. حضرتك يادوب لسه عامل صيانة 1000 كيلو و مش صابر علي التوكيل في الاجابة علي اسئلتك رغم انك لما هتتعامل مع التوكيل في المستقبل هتعرف انهم هيبقي قلبهم علي العربية اكتر منك و هتشوف قدام ان شاء الله
المفضلات