الموضوع: تغيير زيت الفيتيس

إخـــــــــــــــــــــــ وتي الأحبـــــــــــاء
دمتم في خير حال و أدام الله عزكم
عندي بعض الإستفسارات الهامة
سيارتي صني مانيوال مو 2010 ماشية 39000 كم
وخلاص داخل علي صيانة ال 40000
وفترة الضمان ( ثلاث سنوات ) قاربت علي الإنتهاء و أقرب مركز خدمة يبعد عني 250 كم بالأقصر ( وهو مركز خدمة متواضع جدا أشبه بورشة كبيرة كانت فايدته الوحيدة هو ختم كتيب الضمان ) مع كامل الإحترام لشخوص العاملين به لأن ‘مكانياته التفنية ضعيفة جدا و مش ناوي أروح تاني و ناوي أعمل صياناتي الدورية عند أي ميكانيكي محترم و عند نزولي للقاهرة سوف أتابع السيارة عند مراكز الخدمة المحترفة
فسؤالي
1- فين مكان طبة زيت الفيتيس وكيفية تغييره لأن أنا بشوف دايما في المحطات ماكينة كبيرة زي الضغط مليانة زيت تغيير الفيتيس و كنت عايز أضع نوع تاني زي فالفولين مثلا
2- طريقة تغيير ماء الردياتير و تنظيفه عشان أكون فاهم الطريقة و الفني شغال عشان ما يفتيش و إيه هو أفضل نوع ماء ردياتير
3- أفضل نوع زيت باور و الباكم
4- المفروض أغير و أشيك علي إيه تاني
شكري العميق لكم
و دامت المودة
ودمتم في رعاية الله و حفظه

بص يا فندم بما ان عربيه حضرتك خلاص هتخرج من الضمان يبقي افضل حاجه حضرتك تعملها انك تكشف علي العربيه عند ميكانيكي أمين قريب من حضرتك و خليه يبص علي الموتور و العفشه و كهربه العربيه علشان الضفيره و لو طلع في اي حاجه كبيره محتاجه تغيير تبقي حضرتك توديها التوكيل علشان تتغير في الضمان و تستفيد به قبل ان ينتهي