وتستمر المهزله ارتفاع سعر الكيا سيراتو هاى لاين لسعر 196 الف بزيادة 10 الف جنيه

**zangry** · 15-03-2013 01:31 PM

والمصحف مانا رادد

**Dr . Mohamed** · 15-03-2013 01:41 PM

الأسعار تقريبا زى ما هى

**A.Adel** · 15-03-2013 01:49 PM

ده كده رسمي بقت بتمن ال astra وال focus
ههههههه

الموضوع بقى تهريج والله :)
هو إيه مفيش غير كوري في البلد

فيه بدايل كتير قوي ليها
astra
focus
fluence

ولو عاوز حاجة ارخص كمان
cruze
shark

**monamize4** · 15-03-2013 02:05 PM

المشاركة الأصلية كتبت بواسطة M.Elgergawy

وبعدين لو حصل استقرار اقتصادي في البلد والدولار نزل سعره هل العربيات سعرها هينزل ؟؟؟

التوكيل بيسستم نفسه ع الزيادة مش النقص , اخرة ممكن ينزل تخفيض لمدة محدودة لكن ينزل السعر على طول , دا من عاشر المستحيلات

**hossam_elwani** · 15-03-2013 03:12 PM

المشاركة الأصلية كتبت بواسطة mostafaenany

ريو ١٤٧ الف فعلا و الزيادة كانت امبارح انا لسة مكلم الكول سنتر

سؤال بقى عشان انا اعصابى تعبت
انا مخلص ورقى مع البنك على ١٣٧ و دافع مقدم ٥٠٪ و التأمين و المصاريف الادارية من يوم الاتنين اللى فات و المفروض كنت استلم الخميس بس أجلت للسبت
دة ممكن يعملى مشكلة او يطبقوا عليا الاسعار الجديدة؟؟

شوف لو مامعكش رقم شاسيه وموتور وشااااااااارى من الوكيل رأسا يعنى مش من موزع او تاجر يبقى حيطبق عليك الزياده 99%

انا كنت زيك بالزبط بس كان معايا شاسيه وموتور وشارى رأسا من منصور شيفروليه وتتمت البيعه على السعر القديم فى نفس يوم ما زادت 5000 جنيه

المشاركة الأصلية كتبت بواسطة shaaban2008

كلامك مضبوط ياحسام بيه
النهاردة كنت في شركة كونتاكت في الزمالك بخلص ورق العربية
وكان فيه عميل برضوا بيخلص ورق سيراتو sx والراجل دافع الفلوس وكله تمام والمندوب قاله علي الزيادة دي وانها هاتطبق عليه
اللي غاظني اكتر بقي ان الراجل ولا أي اندهاش زي مايكون سعرها زاد 10 جنيه مثلا

عادى فيه ناس حتقلك كده كده بقسط وبتعدى مصاريف

المشاركة الأصلية كتبت بواسطة mostafaenany

طيب فى الحالة دى اعمل اية؟؟

انا دافع ٥٠٪ من تمن العربية و مضيت شيكات ب ٥٠٪ مع البنك و كمان أمنت على العربية و كل دة مثبت ب ١٣٧ الف

ردى اعلاه

المشاركة الأصلية كتبت بواسطة mohamed said

بجد والله بقت حاجه مستفزه جدا. الناس عماله تشتكى من البطاله و اكل العيش و دول عمالين يغلوا فى الاسعار. انا مشفتش بلد ابدا الدخل فيها عمال بيقل و المصاريف عماله بتزيد. فى كل بلاد العالم العلاقه بين الدخل و المصروفات علاقه طرديه معادا عندنا العلاقه عكسيه. بجد الواحد قرف.

+111111111

المشاركة الأصلية كتبت بواسطة dr . Mohamed

الأسعار تقريبا زى ما هى

لايابيه لسه تلاقيه صاحى من النوم ومش عارف الدنيا حصل فيها ايه ... انا يوم مازادت الكروز واتأكدت فعلا انها زادت كلمت خدم العلما وقالو كده برضه نايمين فى االعسل نوم

المشاركة الأصلية كتبت بواسطة ahmed-adel

ده كده رسمي بقت بتمن ال astra وال focus
ههههههه

الموضوع بقى تهريج والله :)
هو إيه مفيش غير كوري في البلد

فيه بدايل كتير قوي ليها
astra
focus
fluence

ولو عاوز حاجة ارخص كمان
cruze
shark

+111111111111111

ربنا يسلم

بس بجد ياجماعه اصحاب المعارض فى ركود ولما سألتهم كان على وشهم الاحباط لان ده اكييد حيأثر على نسبة المبيعات ماهو الزياده برضه لها حدود مش على طول الخط حتلاقو الناس بتشترى

**hazemhany** · 15-03-2013 03:27 PM

انا امبارح رحت حجزت الستب واي من الطارق اللي في مول العرب ب 91.5 وبعد ما حجزت ومشيت بعدها بساعتين اتصل بيا المندوب يولي جالي ميل بقت ب 94 !

**hossam_elwani** · 15-03-2013 03:31 PM

المشاركة الأصلية كتبت بواسطة hazemhany

انا امبارح رحت حجزت الستب واي من الطارق اللي في مول العرب ب 91.5 وبعد ما حجزت ومشيت بعدها بساعتين اتصل بيا المندوب يولي جالي ميل بقت ب 94 !

يعنى فعلا هوجه فى ارتفاع الاسعار لتالت مره .........

**SaimOnatoR** · 15-03-2013 05:59 PM

يا جماعة الخير دة ملوش أي علاقة بسعر الدولار لو راجعتم الرابط التالي
XE.com - USD/EGP Chart
هتلاقوه ان سعر الدولار زاد حوالي 13% في سنة لكن لو خدنا على سبيل المثال الريو الهاي لاين وكيل اللي كانت من سنة ب 122000 و النهاردة ب 148000 بمعدل زيادة حوالي 32% فدة هيوضح لنا ان الموضوع مش موضوع دولار دة مسالة عرض و طلب و طبعا الامر متروك للتجار و مش هقولوكوا ان الحل في المقاطعة لأننا شعب متفقناش على اي حاجة ييجي من مليون سنة فمش هنيجي النهاردة و نقود حملات ضد التجار و في النظام الرأسمالي بيبقى مفيش أي رقابة تذكر من الحكومة على التجار في مسألة التسعير و بيترك الأمر للسوق لتحديد الأسعار بالذات في السلع غير الأساسية و الكماليات. بس عشان أكون موضوعي لازم نكون عارفين هل أسعار الموديلات دي ارتفعت برضه في الخارج و لا عندنا احنا بس لأن برضه أح أسباب إرتفاع الأسعار ممكن يكون زيادة السعر من المصدر.