السلام عليكم
انا معايا كرولا 2013 كنت بحطلها زيت تيوتا معدنى بلزوجه 20w50 وعلى فكره اللزوجه دى من ضمن نطاقات اللزوجه اللى كاتبها الكاتلوج انها تنفع تتحط فى العربيه
المهم العربيه عامله 32 الف كيلو بس كان فى ملحوظه دايما حاسس بيها على العربيه
ان سحبها فى الاول بطيىء شويه وان استهلاك البنزين مش مناسب لكرولا 2013
المهم بعد ما قريت موضوع حضرتك وجزاك الله خيرا واستخدمك الله لنفع الناس قررت انى بعد دراسه انى اغير لزيت تخليقى وبعد دراسه احوال البلد هنا بالسعوديه لاقيت ان انسب لزوجه من وجهه نظرى تناسب ارتفاع الحراره هما هيا 10w40 ولو كنت فى مصر كنت ححط 5w30
ملقتش للاسف زيت تخليقى بالكامل لاقيت بس نصف تخليقى كاسترول ماجنتيك اللى علبته خضرا والزيت نفسه مايل للاخضرار
ملاحظتى بعد ما حطيت الزيت الجديد ان صوت الموتور بقى فى بدايه الدوران اهدى لان الدوران مبيكونش على الناشف زى الاول ( كان فى الاول اول ثانيتين كان فى صوت فى الدوان جامد )
استهلاك البنزين تحسن بصوره ملحوظه للغايه وانا كنت من الاول بحسب اصلا كل تفويله بتمشينى كام كيلو بالظبط
وثالثا سحب الموتور اتحسن ايضا ومبقتش اضطر ادوس بنزين جامد زى الاول
اولا واخيرا ادعوا لحضرتك ان ربنا يباركلك ويجازيك عنا كل خير
مع انى مهندس سيارات وده مجال شغلى لكن محدش بيعرف كل حاجه
وجزاااااااااااك الله خيرا