ضروري جدا يا دكتور بالذات أيام الأمتياز و النيابة الواحد بيبقى معرض أكتر للشك بواسطة الأبر و الألات الجراحية ....حتي لو كنت خدته و أنت صغير لازم Booster dose ربنا يحفظنا جميعا و يشفي الجميع
عرض للطباعة
ضروري جدا يا دكتور بالذات أيام الأمتياز و النيابة الواحد بيبقى معرض أكتر للشك بواسطة الأبر و الألات الجراحية ....حتي لو كنت خدته و أنت صغير لازم Booster dose ربنا يحفظنا جميعا و يشفي الجميع
أنا أخدت نص التطعيم بتاع ال B السنة دى :hammer:... الجرعة التانية جت فى وقت إمتحانات فكسلت .. هعيده تانى بعدين بقى ... بس بره الكلية عشان ناس قالولى اللى فى الكلية ده مغشوش :biggrin24:
أيوه فعلاً يا دكتور شيكو .. ضرورى جداً .... بسمع عن حالات كتير لطلبة فى إمتياز بيتشكوا بإبرة أو بيطهروا جرح و هما متعورين فى إيديهم .... ربنا يستر ..... إهمال بعض الإجرءات الإحتراسية البسيطة ممكن تدمر حياة الواحد.
نكمل يا جماعة وفعلا روحت لدكتور في مصر تبع الشركةبتاعتي فطلب مني تحاليل دم وإنزيمات كبد &pcr &fibنتotest&acttest اللي عرفته إنه لمعرفة نسبة التليف ونسبة النشاط وتقريبا هي عملتها في معمل البرج وكانت درجات a1 &a2&a3 ,f1&f2بس الحمد لله إن كنت نسب كويس في الاول وتقريبا كل رمز ليه نسبه من % وبدأت أخذ العلاج اللي هو عبارة عن حقن الانتيرفيرون +ريبافرين وعلي فكرة دي المادة الفعالة فيهم الاتنين والحقن دي بالنسبة للذي غير متخصص في منها تقريبا يوم بعد يوم ودي كان الدكتور كاتبها لي في الاول وأنا كنت باستخدم نوع إسمه روفييرون
شفاك الله وعفاك من كل سوء
اكمل ليتحقق الاستفادة
اخي الحبيب حسام شفااك الله وعفاك واتم شفائك على خير وجعلة في ميزان حسناتك
بعد اذن الجميع فلنتوقف عن الاحاديث الجانبية حتى يكمل صاحب الموضوع
وان استطاع ان يكتبه كل مرة واحدة يكون افضل
متابعين يا باشا
أسف يا جماعة لاني بصراحة بكتب حسب الوقت اللي فاضي فيه وقت الراحة بس هحاول أكمل وعلي فكرة ذي ما قلت هي المادة الفعالة واحدة بس الفرق في الاسم والحقنة دي كانت مستوردة وكان تمنها 77 جنية وقعدت أخد منها لمدة أسبوعين لحد ما شاء القدر إن ميعاد حقنة يوم الجمعة وعلي فكرة لازم الحقنة تبقي في ميعاد ثابت وتتحط في تلاجة فأنا أخدت الحقنة وحطيطها في البيت والصبح صحيت وقلت أخدها في حجرة ولكن للاسف زوجتي شافتني من غير ماخد بالي وما قاتش لي وعلي فكرة في الوقت ده كنت قاعد في البيت لاني كان عندي مشكلة في الركبة فكنت قاعد أسبوع في البيت المهم تبدا من هذا الوقت المشكلة بالنسبة لي زوجتي مسكت النشرة بتاعت الحقنة ومع إنها مستوردة بس مكتوب بالعربي والانجليزي وتقريبا إنت تقرأ النشرة بعديها تحس إن اللي بيأخد الحقن دي خلاص ناوي يودع خلاص المهم أول ما رجعت لقيت زوجتي وشها ألوان وورتني الحقنة طبعا ذهلت لكن تماسكت وقلت ليها إن الحقن دي علشان أنا عندي مشاكل في إنزيمات عالية وطبعا ما جبتش سيرة الكبد خالص في حاجة طبعا زوجتي سألت والكل في البيت عرف عندي ومن هنا بدأت أتضايق نفسيا أكتر من ناحية النظرات والاحساس بالشفقة مع إني الحمد لله سليم بس للاسف وزني كان بينزل بشكل مش طبيعي يعني بقيت مصدر حديث وسؤال وأصبحت ميت يسير علي الارض بالنسبة للناس لان كان في لسة واحدة ميتة لينا بسبب المرض كان عامل ليها تليف جامد لكن دي حالة خاصة وطبعا نفسيا كنت تعبان وبدأت أخد الحقن طبعا كان جسمي مهدود لاني كنت باخد الحقن يوم بعد يوم ودي بصراحة أتعب نظام في العلاج بس باين الدكتور كان بيجرب علي أنا وزميلي كورس العلاج بطريقة مختلفة فكتب لزميلي بيجاسس نوع من الانتيرفيرون مستورد بس كل أسبوع واحدة طبعا هودكتور وعارف الله أعلم بس هي غالية الحقنة ب 1400 جنية وبدأت أخد العلاج لمدة شهرين وعملت تحليل pcr لقيت إن الاول كان 142ألف بقي حوالي 3 ألاف بالحقن دي ورحت للدكتور قالي أعمل تحاليل تاني بعد 4 أشهر من العلاج بس كان حصل مشكلة الدكتور كان كاتب ريفيرون دي مصري الحقنة ب48 جنية فالتانية ما كانتش موجودة المستوردة كان في عليها مشكل فالشركة بتاعتي جابت اللي المصري
شفاك الله و عافاك
و الف حمد الله علي السلامه :)
وبعد ما بدات أخد الحقن المصري عملت تليل بعد 3 شور ونصف في معمل البرج pcrلقيته 153 بس أنا كنت مش مرتاح نفسيا لان بعد شهرين من 3 ألاف ينزل ل 153 بس وفي الوقت ده كانت معاي زوجتي ومنة وأحمد ولادي فطبعا مكنت متضايق جدا بس قلت مس مشكلة ربنا ييسر واكمل العلاج وبدأت أكمل بالعلاج بالحقن دي لحد ما تميت 6 شهور ورحت أعمل التحاليل بحاجة أشد إسمه TMA وللاسف لقيت التحاليل مدية 172 ألف فالحمد لله إن اليوم ده عدي علي بخير كان يوم 20-2-2007 فكانت النفسية في الحضيض وكانت معاي زوجتي فروحت الشقة وقعدت تقنع في إن الاعمار بيد الله وطبعا انا عارف بس طبعا هي لحظة إنهيار بس الحمد لله وكنت خايف جدا لان اللي أعرفه إن لو مفيش نتيجة بعد 6 شهور بيتوقف العلاج بس الحمد لله لما رجعت للدكتور مره تانية قالي هنغير العلاج بالحقن البيجاسس وربنا يكرمك إن شاء الله وإدعي ربنا وكانت معاي زوجتي عند الدكتور وبعد ما رجعت الشركة بدأت توفر لي بيجاسس وزوجتي شجعتنى وإشتريت العربية اللي معاي علشان يكون من حسن حظي إني أتعرف عليكم وبدأت أخذ الحقن طبعا الاثار الجانبية للحقن بلاش أتكلم عنها وطبعا لان الجسم كان مشبع من الانتيرفيرون فأنا متعبتش جامد وبدات أخد العلاج ورحت أعمل التحاليل ولاني متشائم من معمل المختبر عملت PCRفي معمل البرج والحمد لله كان يوم 20-5-2007 والحمد لله ولاول مرة يعطي نيجاتيف (NEGATIVE)فحمدت الله والحمد لله في البيت جبنا دبيحة ووزعناها والحمد لله وبدأت أخد كورس العلاج بس أنا أخدت 3 شهور للتأكيد بس والمفروض إني أرجع تاني للدكتور من شهرين علشان أشوف الفيروس رد تاني ولا لآ لاني ما كنتش كملت كورس العلاج كامل بس أنا خايف وبقول الحمد لله بس ربنا ييسر غن شاء الله هرجع وأعمل التحاليل وإن شاء الله هتبقي NEGATIVEويارب يشفي الناس كلها وبقت مثل العائدون إلي الحياة
لا من 3000 إلي 153 فقط هي حاجة غريبة طبعا بس هي دي
يا ريت الموضوع ده يكمل
ربنا يتم شفائك ان شاء الله يا Shld
شفاك الله و عافاك ,
الحمد لله الذى انزل البلاء والدواء
لا تنس ان تستمر فى التصدق لوجهه الله
الحمد لله على شفائك يا اخ shld و كلة فى مبزان حسناتك ان شاء الله , و محدش عارف الخير فين
هوة اعرض الفيرس س او بى اية بالضبط و لا لازم تحليل عشان يظهر المرض ؟
و عاوز اعمل التطعيم اعملة فين ؟.
wawoo باشا التعرض للفيروس مختلف عن الأصابة بالمرض...و تطور المرض و مضاعفته .....بمعني أخر مش كل واحد اتعرض للفيروس حيجيله التهاب كبدي ...و مش كل واحد حيجيله التهاب كبدي حينتهي بيه لنفس المضاعفات...في حالة ما اذا أصيب الشخص بالالتهاب الكبدي مسار المرض و مضاعفاته بتختلف ...و طبعا العلاج بيلعب دور كبير باذن الله في تخفيف المضاعفات
عادة الأعراض الأولي ما بتتشخصش بدري لانها بتتشابه مع أعراض أمراض كتير و أول حاجة بتلفت النظر بتبقى ازدياد نسبة الصفراء في الدم و ظهور أعراض الصفراء في العين و البول و طبعا التحاليل بتلعب دور كبير في التشخيص
حاليا لا يوجد تطعيم ضد الفيروس سي ....التطعيم ضد بي (و أيه) موجود في معهد المصل و اللقاح و في المستشفيات الجامعية و يوصي بيه طبعاً لكل العاملين في المجال الطبي
للاسف الشديد نسبة الأصابة بالفيروس سي في مصر أعلي نسبة في العالم
شفاكم الله وعفاكم استاذ shld
التطعيم في المصل واللقاح في الدقياقتباس:
هوة اعرض الفيرس س او بى اية بالضبط و لا لازم تحليل عشان يظهر المرض ؟
و عاوز اعمل التطعيم اعملة فين ؟
بس ده لفيرس بي بس مفيش سي..
جرعه كل شهر لمدة تلت شهور ...وواحده بعد سنه من تاريخ اول جرعه
ومش شرط يبقي فيه ربط بين وجود الفيرس واعراضه ..لأن سي مثلا بنسبه كبيره ملوش اعراض الا لما الفيرس بيبقي نشط..ولما يبدأ يحصل التليف الكبدي ...وفيه ناس بتعيش وتموت من غير ما الفيرس ينشط...فلازم التحاليل
أهم الأسباب لإرتفاع نسبة الاصابة بفيروس سي في مصر طريقة العلاج من البلهارسيا المعدية خلال السيتينات والسبعينيات وغياب وسائل التعقيم في أثنائها مستخدمين السرنجات التقليدية مما أدي إلي انتشار العدوي بالإضافة إلي غياب التعقيم في سيارات الإسعاف وبعض المستشفيات واستخدام الادوات الشخصية الخاصة بالمريض.
و يلاحظ إنتشار المرض في مصر مع حملة علاج البلهارسيا بالحقن في الفترة من 1950 حتى 1980 .
اللى أعرفه عن التطعيم إنه بيتجدد كل فترة .... و بيتاخد للأفراد اللى فى تعرض مباشر للمرضى .. مع العلم إن فيروس سى ليس له تطعيم حالياً لكن تطعيم البى متوفر.اقتباس:
و هل يوصى التطعيم لعاملين فى المجال الطبى فقط , و لا ممكن اى حد يخدة ,
لكن هناك العديد من الإجراءات الإحتراسية السهلة للتعامل مع المرضى ... لكن لو تم التهاون فيها .. فنسبة التعرض للإصابة بتزيد بشكل خطر للغاية.
التطعيم مش مكلف ... و متوفر مدعم فى المستشفيات الحكومية كمان لطلبة الطب و أهل المرضى.اقتباس:
ولا هو عشان مكلف مثلا .
الف سلامه عليك يا باش مهندس ربنا يتملك شفاك على خير بأذن الله
و طمنا عليك اول باول و انشاء الله تبقى زي الفل بأذن الله اتجه بالدعاء لله هو الشافي المعافي
ربنا يتمم شفاك على خير
سؤال بعد اذن الدكاترة
هل هناك احتمال ان تباع في الصيدليات بعض من انواع الحقن المغلفة
و تكون ملوثة ,
و يكون السبب انها مصنعة من خامات و مواد ملوثة مسبقا كنفايات المستشفيات ...و كيف السبيل الى معرفة ذلك
*سؤال آخر
هل بعض من نقاط الدم الملوثة لشخص , ممكن ان تنقل المرض لشخص آخر مجروح جرح سطحي و بسيط ؟؟
الحمد لله الذي لا يحمد علي مكروه سواه أنا عملت تحاليل فيروس c مرة تانية بعد ما وقفت الحقن بس للاسف أعطي positive تاني فهضطر أرجع للدكاترة تاني وأقول يارب أشقي كل مريض وما يرجعاش في إنتكاسة تاني
شفاك الله و عفاك أخونا الكريم و اعلم أن الله سبحانه و تعالى ماأنزل من داء الا و له دواء علمه من علمه و جهله من جهله كما قال رسول الله صلى الله عليه و سلم فعليك باتباع الأسباب و هى السعى وراء العلاج و عليك بالدعاء.أسأل الله العظيم رب العرش العظيم أن يشفيك
الحمد لله رب العالمين على المرض...والحمد لله رب العالمين على العلاج ...والحمد لله رب العالمين على الصحه والشفاء
يارب لك الحمد كما ينبغي لجلال وجهك وعظيم سلطانك
شفاك الله وعفاك و جعله فى ميزان حسناتك
شفاك الله وعفاك
اعرف انه بلاء من ربنا ولازم تصبر وتشكر ربنا على كل حال
وان شاء الله هتبقى ازمه وتعدى
بالنسبة لو حد إكتشف إنه عنده فيروس في دلوقتي الحكومة عملت مراكز متخصصة للعلاج من فيروس c وأعتقد إن الاماكن دي ممكن الواحد يتعالج فيها علي نفقة الدولة وهناك هم ممكن يقولوا ليه إزاي وحتي لوهيتعالج علي حسابه هيبقي أرخص بكتير جدا من بره
المستشفي إسمه القاهرة الفاطمية جنب جراج الدراسة
إدعوا لي يا جماعة ربنا يكرمني أنا هعمل تحليل pcr and fibrotest &acttest ودي كلها خاصة بالكبد ونسبة التليف إدعولي ربنا يسترها معاي ويكمل شفاي وكل الناس وقولو معاي يارب
شفاك الله و عفاك أخونا الكريم
أسأل الله العظيم رب العرش العظيم أن يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم أن يشفيك
آمين
اسال الله ان يشفيك انت وكل مرضى المسلمين
اللهم عافه و أعف عنه
اللهم أتم شفائه
ان شاء الله خير
ربنا يقسملك الخير دايما
و يشفيك و يعافيك يا أخي
طمننا عليك أول بأول