رحلتي مع فيروس c

**Chicco** · 10-08-2008 05:00 AM

المشاركة الأصلية كتبت بواسطة wawoo

هوة اعرض الفيرس س او بى اية بالضبط و لا لازم تحليل عشان يظهر المرض ؟
و عاوز اعمل التطعيم اعملة فين ؟.

wawoo باشا التعرض للفيروس مختلف عن الأصابة بالمرض...و تطور المرض و مضاعفته .....بمعني أخر مش كل واحد اتعرض للفيروس حيجيله التهاب كبدي ...و مش كل واحد حيجيله التهاب كبدي حينتهي بيه لنفس المضاعفات...في حالة ما اذا أصيب الشخص بالالتهاب الكبدي مسار المرض و مضاعفاته بتختلف ...و طبعا العلاج بيلعب دور كبير باذن الله في تخفيف المضاعفات

عادة الأعراض الأولي ما بتتشخصش بدري لانها بتتشابه مع أعراض أمراض كتير و أول حاجة بتلفت النظر بتبقى ازدياد نسبة الصفراء في الدم و ظهور أعراض الصفراء في العين و البول و طبعا التحاليل بتلعب دور كبير في التشخيص

حاليا لا يوجد تطعيم ضد الفيروس سي ....التطعيم ضد بي (و أيه) موجود في معهد المصل و اللقاح و في المستشفيات الجامعية و يوصي بيه طبعاً لكل العاملين في المجال الطبي

للاسف الشديد نسبة الأصابة بالفيروس سي في مصر أعلي نسبة في العالم

**casperinoo** · 10-08-2008 05:15 AM

شفاكم الله وعفاكم استاذ shld

هوة اعرض الفيرس س او بى اية بالضبط و لا لازم تحليل عشان يظهر المرض ؟
و عاوز اعمل التطعيم اعملة فين ؟

التطعيم في المصل واللقاح في الدقي
بس ده لفيرس بي بس مفيش سي..
جرعه كل شهر لمدة تلت شهور ...وواحده بعد سنه من تاريخ اول جرعه

ومش شرط يبقي فيه ربط بين وجود الفيرس واعراضه ..لأن سي مثلا بنسبه كبيره ملوش اعراض الا لما الفيرس بيبقي نشط..ولما يبدأ يحصل التليف الكبدي ...وفيه ناس بتعيش وتموت من غير ما الفيرس ينشط...فلازم التحاليل

**wawoo** · 10-08-2008 09:56 AM

المشاركة الأصلية كتبت بواسطة Chicco

wawoo

حاليا لا يوجد تطعيم ضد الفيروس سي ....التطعيم ضد بي (و أيه) موجود في معهد المصل و اللقاح و في المستشفيات الجامعية و يوصي بيه طبعاً لكل العاملين في المجال الطبي

للاسف الشديد نسبة الأصابة بالفيروس سي في مصر أعلي نسبة في العالم

شكرا يا دكترة على المعلومات القيمة ,
لية مصر اعلى نسبة اصابة فى العالم , و هل يوصى التطعيم لعاملين فى المجال الطبى فقط , و لا ممكن اى حد يخدة , ولا هو عشان مكلف مثلا .

**meza** · 10-08-2008 04:35 PM

المشاركة الأصلية كتبت بواسطة wawoo

لية مصر اعلى نسبة اصابة فى العالم

أهم الأسباب لإرتفاع نسبة الاصابة بفيروس سي في مصر طريقة العلاج من البلهارسيا المعدية خلال السيتينات والسبعينيات وغياب وسائل التعقيم في أثنائها مستخدمين السرنجات التقليدية مما أدي إلي انتشار العدوي بالإضافة إلي غياب التعقيم في سيارات الإسعاف وبعض المستشفيات واستخدام الادوات الشخصية الخاصة بالمريض.
و يلاحظ إنتشار المرض في مصر مع حملة علاج البلهارسيا بالحقن في الفترة من 1950 حتى 1980 .

و هل يوصى التطعيم لعاملين فى المجال الطبى فقط , و لا ممكن اى حد يخدة ,

اللى أعرفه عن التطعيم إنه بيتجدد كل فترة .... و بيتاخد للأفراد اللى فى تعرض مباشر للمرضى .. مع العلم إن فيروس سى ليس له تطعيم حالياً لكن تطعيم البى متوفر.
لكن هناك العديد من الإجراءات الإحتراسية السهلة للتعامل مع المرضى ... لكن لو تم التهاون فيها .. فنسبة التعرض للإصابة بتزيد بشكل خطر للغاية.

ولا هو عشان مكلف مثلا .

التطعيم مش مكلف ... و متوفر مدعم فى المستشفيات الحكومية كمان لطلبة الطب و أهل المرضى.

**wawoo** · 10-08-2008 06:59 PM

المشاركة الأصلية كتبت بواسطة meza

التطعيم مش مكلف ... و متوفر مدعم فى المستشفيات الحكومية كمان لطلبة الطب و أهل المرضى.[/RIGHT]

شكرا يا د. ميزا , ربنا يعافيك و يعافينا و يحفظ الجميع , ويشفى المصابين بة بأذن الله

**dr_3eshoo** · 11-08-2008 04:06 AM

الف سلامه عليك يا باش مهندس ربنا يتملك شفاك على خير بأذن الله
و طمنا عليك اول باول و انشاء الله تبقى زي الفل بأذن الله اتجه بالدعاء لله هو الشافي المعافي

**pampino** · 11-08-2008 05:52 AM

ربنا يتمم شفاك على خير

**banboty** · 11-08-2008 09:28 AM

سؤال بعد اذن الدكاترة

هل هناك احتمال ان تباع في الصيدليات بعض من انواع الحقن المغلفة

و تكون ملوثة ,

و يكون السبب انها مصنعة من خامات و مواد ملوثة مسبقا كنفايات المستشفيات ...و كيف السبيل الى معرفة ذلك

*سؤال آخر

هل بعض من نقاط الدم الملوثة لشخص , ممكن ان تنقل المرض لشخص آخر مجروح جرح سطحي و بسيط ؟؟

**meza** · 11-08-2008 10:21 AM

المشاركة الأصلية كتبت بواسطة wawoo

شكرا يا د. ميزا , ربنا يعافيك و يعافينا و يحفظ الجميع , ويشفى المصابين بة بأذن الله

شكراً أخى العزيز ... و ربنا يحفظنا من الأمراض الصعبة دى.

**SHLD** · 22-11-2008 04:22 PM

الحمد لله الذي لا يحمد علي مكروه سواه أنا عملت تحاليل فيروس c مرة تانية بعد ما وقفت الحقن بس للاسف أعطي positive تاني فهضطر أرجع للدكاترة تاني وأقول يارب أشقي كل مريض وما يرجعاش في إنتكاسة تاني