حقك طبعا تزعل، بس عاوز أقولك إنك لو جربت باقي مراكز الخدمة، منهم واحد معين كلنا عارفينه، (هاتزعل قوي)
حقك طبعا تزعل، بس عاوز أقولك إنك لو جربت باقي مراكز الخدمة، منهم واحد معين كلنا عارفينه، (هاتزعل قوي)
الف رمبروك على الصيانة،
وتابع كل ملاحظاتك لحد متاخد كل حقوقك.
استفسار جانبى وانت بتحجز وانت داخل التوكيل وانت بتكلم كل حد بتقولة انك من نايل موتورز ولا لأ، من واقع تجاربى بتفرق. علشان كدة كل ماروح من اول البواب الى بيفتح البوابة لحد عامل البوفية بقولة من نايل موتورز.
والسلام ختام
اهو على يدكم لحد الان وانا داخل على صيانة 5000 الموضوع لسة لم يتحل
لا ولاعه ولا شنطة
ولا قطع غيار موجوده
دة ولاعة من وجهة نظركم تاخذ اد اية
انا ممكن اصلحها بشلن برة بس هيقولك الضفيرة والضمان
لا حول ولا قوة الا بالله
السلام عليكم ورحمة الله
اولا حقك طبعا تبقي خارج مبسوط من الصيانة وخاصة انها اول الف للعربية كمان فلازم العيوب بتاعة التصنيع لو موجوده تتحل علي طول
بس يمكن علشان مقلبتش في القسم شويه وكنت عرفت ان الايام للي بيبقي فييها عروض زي الزيت والفلتر ديه بيبقي المركز علي اخره من العربيات
انا اول مرة ابقي رايح علي الضهر ويبقي رقم العميل 60 مثلا .... وده المفروض حاجة علي 10 ولا حاجة !!!
بتبقي فيه كميه عملاء غير طبيعية و يمكن اول واخر مرة يجيوا التوكيل علشان الزيت والفلتر
انا مش بعتب عليهم ... حاشا لله
انا بقلك بس ان الضغط بيبقي فوووووووووووق الفظيع
ولولا ان القطعه اللي هاركبها جت ... كنت روحت بعد الكمبين ده
فيه ناس جاية من محافظات ... حتي قابلت اخ فاضل هناك ولسه شاري عربية
وعربيته عاملة 50 الف ومتعملهاش صيانة قبل كده تقريبا
فانا قلتله غير الزيت والفلتر دلوقتي وتعالي بعد العرض اعمل عرربيتك علي رواقة تاااااااامة ... علشان تعرف تتكلم مع المهندس وتستلم عربيتم برواقة وكل حاجة .
انا فاكر م/ اسلام اللي انا كنت معاه كان الشيت اللي معاه العربيات اللي بيستلم بيها ... الشيت اتقفل كله وكان بيكتب في اخر الورقة تحت في الحتة الفاضية باقي العملاء وديه انا مشوفتهاش قبل كده
ربنا يوسع عليهم ..... اكيد مع الضغط علي المركز والمهندس والكان والاستلام والعملاء (ومش كلهم زي حضرتك بيعدوا ممكن واحد عايز يعرف كل مسمار) اكيد بيبقي فيه ديفوهات وبتسقط غصب عنهم
عارف زي ما بيقلك قيس استهلاك العربية علي السريع علشان العربية تبقي مرتاحة و متقفش في زحمة كتير وتعرف تحكم
انا كان نفسي تروح في ايام عادية خالص علشان تعرف تحكم علي المركز .... لان اوتو فعلا تعتبر التوب دلوقتي سواء في الخدمة او الصيانة او الاستقبال الله اكبر
ويارب يفضلوا علي كده
اتمنـــــــــــــــــــــ ــــــــــــــــــــي من الله ..... ان مستواهم يعلي او يثبت علي كده ومينزلوش
حتي لو عندهم مشاكل لازم نوصلها للادارة علشان ياخدوا بالهم منها بس طبعا بطريقة النقد البناء بتاعنا اللي متعودين عليه .
*بالنسبة لوردة الفلتر اكيد مش فلتر التكييف هههههههههههههه .... ديه وردة بتاعه طبة الزيت لما بيتفك علشان يغير الزيت
بيحطوا ورده نحاس فوق الطبة علشان الزيت ميسلش .
*الصني بتنزل علي طول من غير فلتر تكييف حتي القديمة وعربيات كتير كده )(تويوتا مثلا)
وبامانه انا شياته من عندي كان مضيعلي التكييف خالص وفاكر فيه مشكلة ... كده احلي كتير الله اكير
*اخيرا بقي يعني انا حسيت من كلامك الفرق لما تقوله انا نايل موتورز من عميل عادي
بصراحة فرق السما من الارض
انا معرفش هو كده صح ولا غلط
يعني في عملاء تانين ميعرفوش المنتدي .... بس علشان فعلا الفترة بتاعه العروض بيبقي فيه ضغط شغل
واللي راح وكان عنده تجربة سيئة وعرف المنتدي ... الحمد لله مشكلته اتحلت ان كان عنده مشكلة
واتمني من حضرتك لما يتصلوا بيك ويقولوك اخبار الصيانة .... تقولهم حصل 1 .. 2.. 3
من غير كسوف ولا اي حاجة ......... لان هما كده عملوا اللي عليهم وكلموك ويشوفو الصيانة
وانت المفروض اللي تقيم ....... يبقي الموضوع في ايدك دلوقتي
وان شاء الله الصيانات اللي جاية تعجبك
وعقبال باقي مراكز نيسان ان شاء الله
اسف للاطالة
اقعد بالعافية :))
على اية يا اخى
انا اسعدت بكلامك وخصوصا انكم ناس محترمين
والجميع يقدركم
ومنتظر هيعملوا اية
الف شكر لك
الحقيقة انا عملت صيانة الألف في اوتو ايجيبت ابو رواش برضه ماكانتش احسن تجربة ليا. موضوع العرض اللي عاملينه خلى الموظفين بيتعاملوا معانا زي ما نكون جايين نشحت بسبب الضغط وحسيت نفسي في مصلحة حكومية.كان عندي مشكلة في الفرامل المهندس حتى مابصش عليها ولا كلف خاطره يسمعها. انا مشيت لأني كنت مستعجل ومشغول بس الحقيقة التعامل كان سيء وانا بلغت ده لاوتو ايجيبت لما كلموني يسألوني عن رأيي في الخدمة
اخيرا روحت ركبت الوﻷعه
وتم تصليح الشنطة ومعالجة الفرق
الف شكر للجميع