باقى الزيارة
المهم دخلت العربية وانا دخلت اتفرج على المبنى من الداخل ( كما بالصور ) وروحت افطر جيبت الباتية وشاى وقعدت اشوف العربية من خلال الزجاج اللى فى الصورة واللى اكتشفت بعد كدة انها ورشة واحدة من ضمن الورش اللى بتشوف فيها العربية فقط
اما عن موضوع الشاشة اللى بيتشوف فيها مراحل العربية اثناء الصيانة دة وهم
بص يا سيدى دة شاشة مكتوب فيها رقمك اللى اخذتة من الاستقبال وبعدة العربية منتظرة الصيانة / العربية داخلت الصيانة وجارى الصيانة / جارى الغسيل / جارى الاستلام ودة فقط ما تراة لا تعتقد انك هاتشوف العربية على الشاشة فى قسم الكهرباء ثم قسم الهيكل كما كنت اعتقد
المهم يا صاحبى وانت داخل لا تنسا تفكر المهندس وتعمل زى ما انا نسيت بموضوع غسيل العربية عشان يكتب على الزجاج w لانى لم اكن اعلم بذلك ولما طلعت العربية وجدت انها ملوثة بشحم على الابواب والجسم وبلغت المهندس بهذا فدخلت تانى واتغسلت بعد انتهاء الوقت
ملحوظة : الغسيل فرى على حساب التوكيل (( افرح يا عم )) بس مش قوى
غسيل اى كلام من برة فقط زى ما انا شوفت
المهم دخلت العربية وفرحت بعد حوالى ربع ساعة من وقفتها امام الورشة رقم ( 1 ) كما فى الصورة وشوفتها من الزجاج الاستراحة ولم تاخذ فى ايد الولد اللى اشتغل فيها اكترمن 10 دقائق وعلى حسب ما ارى غير الزيت (( توتال فرى عرض اوتو ايجيبت والفلتر )) وبعد كدة شحم اجزاء المتحركة والابواب وفتح امامى علبة الفيوزات وعرفت مكانها فى جانب الباب الايسر ( ولا الحواجة للمهندس )) وبعدين حوالى الساعة 12:45 اختفى كل الصنعية فى الورشة وفضلت العربية لواحدة بالورشة كما بالصورة وعرفت انهم بيخذوا راحة (( بس حاسس انها طولت شوية ))
المهم رجعوا والعربية خرجت وراحت مكان تانى من الورش اللى فى الصور بس لم الحق اخرج من المبنى واشوفها راحت فين ولطبيعتى لانى بشرب سجائر كتير كنت باخرج من المبنى اشرب فى مكان استلام العربية لانة مجهز بطفايات سجائر
المهم بعد ساعة بالصدفة لاقيت عربيتى رجعت تانى امام الورشة الاولى روحت خارج من المبنى وشفتها ولاقيت الاكصدام متخرم اربع اخرام قلت بتوع الباركنسنسور وفضلت حوالى نصف ساعة ودة اللى خالنى من باب الفضول اقول لمهندسة معدية انتوا صحيح بتلتزموا بالوقت كما هو موضوح فى معياد الاستلام ولكن حاسس ان هناك وقت كتير مهدر وردت بشيكة انة دور العربيات بتدخل فية بنظام
المهم كبرت دمغى وانتظرت باقى الساعات حتى تطلع العربية وابقا اقول راى فى الاخر
وحوالى الساعة 4:45 وجدت العربية موجودة مكان الاستلام وقلت فى نفسى انهم التزموا بالمعياد
ولكن المفاجاة قادمة
دخلت للمهندس اللى سوف يسلمنى لان المهندس اللى استلم منى مشى وقبل ما يغادر بلغنى ان المهندس دة هو اللى هيسلمك فقلت له ان العربية بتاعتى خلصت وكان واحد قاعد معة فرد علية انة هيخلص العميل ويفضى لى
خرجت اشوف العربية لحد ما يخرج واشوف اللى اتعمل فيها وهنا بدا مشاعرى تخرج عن حدودى لهول ما رايت
انتظرت لحد ما خلص خالص وقلت فى قررت نفسى انا قاعد لهم لحد ما اشوف حل بالرغم من بدء بعض العاملين والصنعية فى الخروج
وجدنى ابلغة هو اية اللى حصل فى العربية بالظبط لا اجد شى حصل سوى تغير الزيت والفلتر وتركيب الباركنسنسور اللى شكلة اى كلام دة فقط هو فين اللى حصل مع فرق الشنطة و انتم عملتوا اية فى الولاعة وبعد دة كلة مش هيانن عليكم تغسلوا العربية
احس المهندس انى متضايق فقال لى اهدا وسوف ابلغك بك شئ انا لسة مسلمتكش العربية
بالنسبة للولاعة العيب فى جسم الولاعة او قصدة القطعة الداخلية وهى مش موجودة حاليا عندهم ولما ااجى مرة تانى
قلت لة ربنا يسهل لو جيت تانى
المهم كمل هنبقى نركبها لك وبالنسبة لفرق الشنطة ان الفرق دة فوق امكانياتنا ولازم نبلغ المصنع واحنا صورنا الشنطة وهنبعتها تقرير للمصنع
قلت وبعدين
اما بالنسبة للفلتر التكيف اول ما يجى فلتر سوف نبلغكم بة
وقلت لة فرق الكابوت
رد قال محدش بلغنى به وغير مكتوب فى الاستلام
قلت له والحل اية
المهم بعت لواحد وقال له عشر دقائق تكون عندى
مش عارف ازاى بعد كل دة هتخلص فى عشر دقائق وكمان بلغنى انها هتغسسل كمان
روحت واقع من الفرحة انها هتغسسل
المهم
بلغتة انا سلمتكم العربية ازاى بص عل الخدش دة ؟؟؟
زهل شوية
المهم
قلت لة تعال نتحاسب عشان نخلص
الحساب كان
الزيت والفلتر فرى
13 جنية وردة فلتر مش عارف فلتر التكيف الغير موجود ولا الزيت
المهم حمدت ربنا وقلت هو الفلتر كان بدون وردة ولا اية
والحساب الكلى كان 500 جنية يعنى الباقى تمن الفلتر .. قصدى الباركنسنسور بالضريبة وكتب لى كمان (( 2 بون بى 100 جنية خصم فى الصيانة القادمة ))
وكتب لى (((( للعميل الحق فى المطالبة بمعالجة خدش فى الاكصدام وكمان الولاعة ))))واخذ رقمى عشان المهندس اللى استلم منى العربية يبقى يكلمنى عشان هذة الاشياء ولحد الان لم يتصل
العيب الاخر عمرى ما اتصلت بهم عشان الصيانة ويردوا دائما اكلمهم عشان اشترى عربية وهما يحولونى
المهم جاءت العربية الساعة 5:45 وقلت له عاوزين نشوف الانذار بقى وطريقة عمل الباركنسنسور
اشتغل الانذار وعرفت طريقة عمل الباركنسنسور بس شكلة بارز من الاكصدام مش عجبنى
واخذت العربية وروحت الاسماعلية وصلت السعة 11 مساءا وبعد عبورى لطرق القاهرة الدائرى وغيرهم
اخيرا ما عرضته عليكم كان بكل صراحة والله على ما اقول شهيد واسف للاطالة لعل احد من التوكيل يقرا الرسالة ويحاول يحل ما عندهم من سلبيات
الايجابيات الوحيدة اللى لقيتها هناك انى روحت فى العرض اللى كان مقدم منهم بمناسبة الافتتاح
وانتظرونى ان شاء الله فى صيانة 5000 عندهم بردوة عشان اكمل المشوار واستلم باقى قطع غيار عربيتى واصرف اللى 200 جنية
والسلام عليكم ورحمه الله وبركاتة
----------------------------------
ممنوع الكتابة باللون الاحمر لانه مخصص للمداخلات الادارية
يرجي مراجعه قواعد المنتدي
مشرف القسم ب5