حساس مش عارفه فكيته وصورتهملكم وافيدوني

**محمد العقابي** · 15-03-2013 10:55 PM

اولا الموضوع الاولاني بنفس الاسم باظ ممكن حد من المنتدي يمسحه

ممكن حد يقولي الحساس دوة بتاع ايه هو كان خراطيمه مفكوكه من الاول ومش عارف اللمبه منوره منه ولا لأ .

ودي صوره ليه من تحت العربيه وهو لسه راكب

وممكن حد يقولي مكان الخراطيم الفاضي دوة بتاع ايه وهو تحت المنافول علي فكره واللي عليه دايره دوة حساس ولا ايه

**tefa22m** · 16-03-2013 12:16 AM

متابع
بس فين صور فيشه الاوكتين ضرورى؟؟؟؟؟؟؟؟؟؟؟؟

**AlGazar2** · 16-03-2013 12:21 AM

تقريبا الحاجات دى ليها علاقه بالكانستر بتاع البنزين

**exact** · 16-03-2013 02:54 AM

ده مش حساس ده محبس او صمام تحويل الضغط Vacuum Switching Valve

**EL DEEB** · 16-03-2013 03:06 AM

بص ياباشا ده حساس تقريبا الي بيظبط العربيه وهي بردانه لما بتكون بردانه بيفتح سكه هواء علشان العربيه تعلى موضوع الشفاط الاوتوماتيك ولما تسخن بيقفل سكه الهواء دي وصوت العربيه تهدا ده لو مفكوك زي مابتقول كده يبقى العربيه هاتتبرجل اوي الصبح وهي بردانه

ارجو ان اكون قد افدتك

**tarek_2005** · 16-03-2013 09:18 AM

دا سولنايد تشغيل بلف ال egr ومينورش اللمبة لو مفكوك خالص

**محمد العقابي** · 17-03-2013 08:44 AM

اولاً شكرا لكل من رد علي الموضوع

المشاركة الأصلية كتبت بواسطة AlGazar2

تقريبا الحاجات دى ليها علاقه بالكانستر بتاع البنزين

طبعا انت قصدك علي الصوره الثالثه اللي فيها مكان خراطيم فاضي طيب حضرتك لوو هي ليها علاقه بالكانستر ازاي ارجع اوصلها تاني علشان انا عندي مشكله اني كل لما أفول العربيه بتغيب في الدواره ومن كتر القرأه مستنتج انه العيب من الكانستر وهو تقريبا متشال وملغي لاني لقيت وانا تحت العربيه فيشه بفتحتين مفكوكه وسايبه مش بتاعة حاجه

المشاركة الأصلية كتبت بواسطة tefa22m

متابع
بس فين صور فيشه الاوكتين ضرورى؟؟؟؟؟؟؟؟؟؟؟؟

انا اسف جدا والله كنت ناسي حصور الفيشه وانزللك صورتها

المشاركة الأصلية كتبت بواسطة exact

ده مش حساس ده محبس او صمام تحويل الضغط Vacuum Switching Valve

المشاركة الأصلية كتبت بواسطة tarek_2005

دا سولنايد تشغيل بلف ال egr ومينورش اللمبة لو مفكوك خالص

تمام يا باشا متهيالي كده صح لاني في موضوع سابق ذكرت انه اللمبه كانت عندي منوره ولما الكهربائي بص علي الجهاز لقي بلف ال egr تقريبا في حاجه مفصوله ومعرفشي لعب في ايه او وصل ايه وخلي اللمبه تطفي والبتاع اللي انا مصوره دوة فاصل من بدري وملوش علاقه باي حاجه ممكن يكون (الكهربائي وصل الخراطيم دايركت بدون الصمام ) يعني قفل الدايره . وطالاما هو مفصول هل من الافضل بقي افك بلف ال egr واعمله جوان اعمي زي ما الاساتذه شرحوا قبل كده وده ممكن يكون مأثر علي أداء العربيه . لأني اولا بشتكي من استهلاك البنزين عندي عالي . ثانياً أداء العربيه خانقني لو جبت 140 بقول انا راجل جدع وده اخري والعداد مبيتحركشي تاني .

المشاركة الأصلية كتبت بواسطة EL DEEB

بص ياباشا ده حساس تقريبا الي بيظبط العربيه وهي بردانه لما بتكون بردانه بيفتح سكه هواء علشان العربيه تعلى موضوع الشفاط الاوتوماتيك ولما تسخن بيقفل سكه الهواء دي وصوت العربيه تهدا ده لو مفكوك زي مابتقول كده يبقى العربيه هاتتبرجل اوي الصبح وهي بردانه

ارجو ان اكون قد افدتك

شكرا لرد حضورتك بس انا معنديش مشاكل في الصبح ولا برجله ولا اي شيء او في سخونة العربيه الا حاجه واحده انه عداد الحراره عندي قبل النص وبعد الشرطه الاولانيه يعني تقريبا علي الربع والحراره عمري مشفتها زادت عن كده وبرده مبتقلش مهما مشيت بالعربيه ( وكل ده تقريباً الطبيعي ) بس المشكله الغريبه اني لما بفتح الكبوت بلاقي الموتور والكبوت كله سخن ومتهيالي انها سخونه جامده شويه فازاي الحراره في العداد مظبوطه لكن حرارة الموتور والكبوت بحس انها عاليه كده فهل ده في مشكله وممكن يكون مأثر علي اداء العربيه في حاجه .

**محمد العقابي** · 17-03-2013 08:33 PM

منتظر الرد يا مسهل

**محمد العقابي** · 18-03-2013 10:00 AM

لسه عندي امل انه حد يرد

الموضوع: حساس مش عارفه فكيته وصورتهملكم وافيدوني

LinkBack

أدوات الموضوع

عرض

-

-

المواضيع المتشابهه

حساس مش عارفه فكيته وصورتهملكم افيدوني

شاري ماتور وافيدوني

انا مش عارفه

باركولي وادعولي وافيدوني

باركولي وافيدوني

الكلمات الدلالية لهذا الموضوع

المفضلات

المفضلات

ضوابط المشاركة