وبعدين ؟؟ .. هنتعامل ازاي مع التيل والطنابير على المدى لطويل ؟

**dr_hassan1eg** · 18-03-2013 03:29 PM

رقم الشاسيه 828

**theblackpirate** · 19-03-2013 12:14 PM

المشاركة الأصلية كتبت بواسطة me.designer

السلام عليكم ...
طبعا كلنا عارفين مشكلة التيل والطنابير في صني 2013 ..
امبارح رحت اوتوايجيبت غيرتهم لاول مرة على حساب الضمان رغم اني عامل 6000 كيلو بس .. المهم قابلت حد هناك بيغيرهم للمرة التالته وهوا عامل 22000 كيلو .. يعني المشكلة مبتتحلش .. ايه العمل ؟ .. والمشكلة جاية منين ؟؟ وايه الخطوات اللي لازم يتخذها ملاك السيارة عشان المشكلة تتحل؟؟

ممكن اعرف حضرتك غيرتهم ازاى فى الضمان عشان اللى اعرفه ان لو قلتلهم اغيرهم فى الضمان هيقول ان التيل والطنابير بره الضمان فعايز اعرف حضرتك عملت ايه عشان اكيد دول عالم هيكونوا لبط ومش هيغيروا حاجه بالذوق

**me.designer** · 19-03-2013 12:32 PM

المشاركة الأصلية كتبت بواسطة theblackpirate

ممكن اعرف حضرتك غيرتهم ازاى فى الضمان عشان اللى اعرفه ان لو قلتلهم اغيرهم فى الضمان هيقول ان التيل والطنابير بره الضمان فعايز اعرف حضرتك عملت ايه عشان اكيد دول عالم هيكونوا لبط ومش هيغيروا حاجه بالذوق

والله هما حاولوا يكونوا لبط بس بالذوق فلقوا ردة فعل برضه بالذوق بس اتهمتهم إنهم مش شايفين شغلهم وان دي مشكلة عامة في كل اللي معاهم العربية .. بس وكلمت شكاوى نيسان وشكاوى اوتو ايجيبت .. وفهمتهم اني جبت عربية جديدة عشان اريح دماغي من عربيتي القديمة وشكاويها الكتير .. اقوم لما اجيب زيرو الاقيها بتشتكي ازاي دي بقى ؟؟ واتكملت عن ان التيل سيء جدا ولسمعة الشركة لازم يلاقوا حل .. كده اتكلمت من السكة دي قاموا اتصلوا بيا وقالولي هنغيرهملك في الضمان والأول قالوا الطنابير بس وانا صريت انه يغير التيل كمان لان هوا سبب المشكلة ... بس

**shady_hamdy** · 19-03-2013 01:00 PM

انا معاكوا انا عامل 7000 كم و صوت التيل بشع

**me.designer** · 19-03-2013 01:13 PM

طيب انا برضه مستنى اكبر قدر من الشكاوى لنيسان .. كل واحد يتصل يأكد شكوته ويأكدلهم ان فيه غيره هيتصل واحنا كتير .. ويطلب تغيير نوع التيل المستخدم .. ويرجع يكتبلنا عمل ايه ..

**wardet** · 19-03-2013 01:24 PM

المشاركة الأصلية كتبت بواسطة د.محمدعبدالعال

لازم نتحرك تحرك جماعي يا شباب .. والموقع أهوه بيعمل نيسان تيم .. وإن شاء الله يتكلم مع أوتو ايجيبت بلساننا وينسقوا معاهم إنهم لازم يجيبوا تيل ياباني .. بس مش عاوز حد يقلق العربية فيها abs & ebd أنا جربت ال abs كذا مرة في كذا فرملة على الرمل كمان ومزحفتش رغم اني كنت ماشي بسرعة ومسكت فرامل جامد .. المهم نحاول نضغط عشان يجيبوا تيل نوعية نضيفة وإلا بقى هنغير تيل كل 10000 وطنابير كل 20000 كم ..
بس انا عندي سؤال محيرني هو التيل بتاع الصني القديمة ميركبش عندنا وهل برضه بيشتكوا من سوء جودة التيل ؟؟

وسؤال تاني يا شباب .. حد يعرف صاجة التيل الخلفي كان فيها عيب لحد امتى ؟ يعني لغاية رقم شاسيه كام ؟

انا معايا الشكل القديم ياباشا والتيل الامامى غيرته بعد 35 الف
وكان فاضل فيه حوالى الربع كمان

**essa144** · 19-03-2013 02:48 PM

و انا كمان معاكو

**dr_hassan1eg** · 19-03-2013 03:59 PM

اتصل بي خدمة عملاء السبع
واخبرونى انهم هيردوا ليا تمن التيل اللى دفعته

**me.designer** · 19-03-2013 05:05 PM

اهو كلامنا بدأ يجيب نتيجة .. بس برضه مش ده الحل .. احنا عايزين حل جذري للموضوع كله

**shady_hamdy** · 21-03-2013 09:00 AM

انا ظهر عندى صوت التصفير العالى الى جاى من ورا دة غير طبعا صوت الخشونة من التيل الامامى يارت الى عندهم خبرة فى الموضوع صاجة التيل الخلفى اية مصدر الصوت و سببة و الصاجة دة بتحل الموضوع ازاى و اتوا ايجيبت لما اروح الثلاثاء ان شاء الله هتكون متوفرة عندهم و لا اية؟