وبعدين ؟؟ .. هنتعامل ازاي مع التيل والطنابير على المدى لطويل ؟

**me.designer** · 17-03-2013 10:34 AM

السلام عليكم ...
طبعا كلنا عارفين مشكلة التيل والطنابير في صني 2013 ..
امبارح رحت اوتوايجيبت غيرتهم لاول مرة على حساب الضمان رغم اني عامل 6000 كيلو بس .. المهم قابلت حد هناك بيغيرهم للمرة التالته وهوا عامل 22000 كيلو .. يعني المشكلة مبتتحلش .. ايه العمل ؟ .. والمشكلة جاية منين ؟؟ وايه الخطوات اللي لازم يتخذها ملاك السيارة عشان المشكلة تتحل؟؟

**HaNo_ELBeh** · 17-03-2013 11:01 AM

المشاركة الأصلية كتبت بواسطة me.designer

السلام عليكم ...
طبعا كلنا عارفين مشكلة التيل والطنابير في صني 2013 ..
امبارح رحت اوتوايجيبت غيرتهم لاول مرة على حساب الضمان رغم اني عامل 6000 كيلو بس .. المهم قابلت حد هناك بيغيرهم للمرة التالته وهوا عامل 22000 كيلو .. يعني المشكلة مبتتحلش .. ايه العمل ؟ .. والمشكلة جاية منين ؟؟ وايه الخطوات اللي لازم يتخذها ملاك السيارة عشان المشكلة تتحل؟؟

تحياتى لحضرتك
انا راى ان لازم شركه نيسان تنتبه للنقاط والعيوب الموجوده فى العربيه وخصوصا ان فى ناس كتير جدا حجزه العربيه ومن الطبيعى ان كل واحد فينا بيسأل على العربيه وعن عيوبها ومميزاتها قبل عمليه الشراء فلو الناس ابتدت تلاحظ العيوب الموجوده فى العربية اعتقد ان معظم الناس هترجع عن فكره الحجز وتشوف اى عربيه تانى علشان كده لازم نيسان تشوف العيوب وتحاول تتلاش العيوب ديه فى الانتاج الجديد والعمل على ارضاء العملاء القديمه ايضا
خصوصا ان العربيج كويسه ومقبوله فى امكانيتها و الفئه السعريه
واعتقد ان الواحد لما يتعلم من غلطته مش هيكررها تانى
أما الحل البديل وهو ارسال ايميلات لشركه نيسان فى اليابان عن العيوب الموجوده فى العربية

بس انا اعتقد ان نيسان مش هتسيب المشاكل ديه كده بدون حل وخصوصا ان العربية عليها ضغط جامد

**me.designer** · 17-03-2013 11:09 AM

اتمنى يفوقوا

**hossam_elwani** · 17-03-2013 11:31 AM

اكييييد المشكله تكمن فى رداءة الخامات المصنع منها الطنابير والتيل مفيش كلام

**canner** · 17-03-2013 01:11 PM

طيب انت اخدتهم منهم و لا سيبتهالهم؟ علشان انا لو منك اخد القديم و اروح اسأل عليه بره و اشوفه ده الخامة الكويسة او الوحشة علشان لو لو هو الخامة الكويسة يبقى العيب من حاجة تانية

**Sehsss** · 17-03-2013 01:46 PM

للأسف.. من الواضح إن نوع التيل والطنابير سىء

**zambarota** · 17-03-2013 05:07 PM

التيل هندي خامته رديئه جدا

والوكلاء عارفين المعلومه دي كويس وكمان نيسان نفسها عارفه

انما الطنابير مفيهاش مشكله

**thebeloverguy0000** · 17-03-2013 07:10 PM

ممكن نعمل شكوى جماعيه , و انا معايا الشكل الجديد و عامل بيها 1800 بس خايف استنى

**2CODE** · 17-03-2013 08:17 PM

يا جماعة الموضوع ميتسكتش عليه فعلاً واحد صاحبي لسه مشتريها من فتره قريبة جداً وبيقول ليا النهاردة الصبح انه مغير تيل فرامل النهاردة وزعلان جداً جداً قال العربية صناعتها رديئة جداً

فعلاً ده عيب اللي بيحصل ده كده بيوقفوا سوق العربية وصاحبي قرفان منها وعايز يبيعها قال لي اخاف امشي بيها وهي كده ده عيوب فرامل يعني امان العربية فيه عيوب ازاي هثق ان العربية فيها abs و ebd ما يمكن يكونوا بيضحكوا علينا برضه او النظام مش شغال

حاولت اقنعه بالعكس ولكن مصمم على رأيه وخايف يمشي بالعربية وعايز يبيعها

مابالكم باللي هيشتري جديد - دا لو الشركة عارفه كده وساكته يبقى بصراحة عايزين حرقهم علشان انت كده بتسرق الناس وبتضحك عليهم

متابع معاكم يا جماعة ومع صاحبي - كيا كلها معاكم ههههههههههههه