شكرا على الإهتمام .. المشكله إن كل ما أروح للصيانه الدورية عندهم و أشتكى من مشكله و هي واحده فقط مش أكتر حتى الآن يقولوا إحنا حطينا العربية عالجهاز و العربية سليمه .. المشكله كل ما آخذ مطب أو أسيب السياره في الشمس شويه بعد مشوار و آجي أدور العربية ألاقي إن لمبه الـ abs في التابلوه تنور أو ترعش و تفضل على كده طول ما العربية ماشية تنور و تطفي .. رحت في صيانه الألف و قلت لهم المشكله قالوا لي حطينا عالجهاز و العربية سليمه و رحت في صيانه الـ 5000 و نفس المشكله قالوا لي كان في جاك مش مربوط كويس و ربطناه و حطيناها عالجهاز و العربية سليمه و خرجت من التوكيل و مع أول مطب نورت اللمبه و حتى الآن نفس المشكله و إللي زاد الطين بله و يدل على عدم الإهتمام إن المفروض من ضمن الصيانه الدورية إنهم يراجعوا على مستوى ماء غسيل الزجاج و أنا القربه بتاعت الماء الخاصه بالمساحات كانت فضيت قبل ما أروح لهم بيومين تلاته فقلت أسيبها و هما في التوكيل هيحطوا الماء و مرت الأيام و جيت بعد كام يوم أشغل المساحات و فوجئب إن القربه فاضية و البهوات معملوش مراجعه ليه إللي هي المفروض من مبادئ الصيانه الدوريه .. يبقى بذمتك ده مكان أروح أعمل فيه صيانه و أدفع فلوس و أضيع وقتي فيه عالفاضي ؟!!!!!
المفضلات