كتير باشوف توبيكات تعليم لغة انجليزية و كورسات ف جاتلي فكرة ان يبقي توبيك خاص للغة العامية في امريكا او بمعني اصح هما بيتكلمو هناك ازاي .. بيبقي الكلام معظمه idioms ومعناه غريب زي عندنا بالظبط في اللغة العامية حاجات لو سمعها حد بيتكلم عربي بس في دولة تانية يستغرب و اسمها Slang

بس بردو ارجع و اقول دي لغة عامية يعني طبعا متنفعش في الكتابات الرسمية او لو بتكلم حد كبير يعني بالظيط زي عندنا هنا مينفعش نقول قشطة و فاكس و يا برنس والحاجات دي مع حد كبير مثلا او في الشغل

التوبيك هيبقي عبارة عن جمل او كلمات تدي معني جمل في العامية زي عندنا او مش شرط بس اللي هو ننمي الجانب ده في الانجليزي عشان بيفرق مع ناس كتير
ف مثلا انا هكتب كم حجه عارفهم واللي هفتكره هكتبه اول ب أول و بردو لو حد عايز يسأل مثلا اقول دي ازاي بال slang و اظن مش هيبقي فيها حرج لأن اغلبنا معاش في امريكا ف بالتالي كلنا زي بعض :)

هبدأ معاكو :

من اشهر الحاجات مثلا wassup و buddy اللي هو ازيك يا برنس :)
trash mouth وقح ... take it easy اهدأ ... so what ? وايه يعني ؟ ... Smash hit نجاح رهيب ... we are Screwd احنا اتنفخنا ... Piece of cake سهل جداااا ... you made my day انت ظبطتلي يومي .. Chicken جبان .. No Big deal مش حوار يعني ... you gave me the axe انت طردتني ... when pigs fly في المشمش ... easier said than done الكلام سهل ....

التوبيك هيفضل موجود طول ما الناس بتشارك وتقول اللي تعرفه وبردو ناس كتير هتسأل عن جمله بتسمعها او جمله عايزة تقولها بالانجلش وانا منهم طبعا :)