عسكرى الصراف الألى

**hossam_elwani** · 18-03-2013 11:23 PM

بياكلو مااااااال سحت ..

(لَا يَرْبُو لَحْمٌ نَبَتَ مِنْ سُحْتٍ إِلَّا كَانَتْ النَّارُ أَوْلَى بِهِ)

**egyptawy2010** · 18-03-2013 11:27 PM

المشاركة الأصلية كتبت بواسطة hossam_elwani

بياكلو مااااااال سحت ..

(لَا يَرْبُو لَحْمٌ نَبَتَ مِنْ سُحْتٍ إِلَّا كَانَتْ النَّارُ أَوْلَى بِهِ)

على فكرة دول ناس غلابة جدا ومرتباتهم لا تكفى شىء

اسلوبهم سيىء بصراحة ولكن يجب ان نتكافل

**zangry** · 18-03-2013 11:38 PM

الاخ بتاع رشوة .. هى اية الرشوة في كده؟؟ دى ناس غلابة !! ده انت المفروض تديهم من نفسك !! مرتب اية انت بتسمي ده مرتب !! امال اسلام اية وشريعة اية اللى انت ماسكهالنا من صباحة ربنا ؟؟

**محمد يوسف** · 18-03-2013 11:46 PM

المشاركة الأصلية كتبت بواسطة egyptawy2010

على فكرة دول ناس غلابة جدا ومرتباتهم لا تكفى شىء

اسلوبهم سيىء بصراحة ولكن يجب ان نتكافل

غلابة أه ونتكافل أه..لكن مش بالعافية

"ما أخذ بسيف الحياء فهو حرام" صدق رسول الله

**محمد يوسف** · 18-03-2013 11:49 PM

المشاركة الأصلية كتبت بواسطة zangry

الاخ بتاع رشوة .. هى اية الرشوة في كده؟؟ دى ناس غلابة !! ده انت المفروض تديهم من نفسك !! مرتب اية انت بتسمي ده مرتب !! امال اسلام اية وشريعة اية اللى انت ماسكهالنا من صباحة ربنا ؟؟

لأ مش مفروض حد يديهم من نفسه ولا حاجة

ورجاء عدم الشخصنة و الدخول فى أحاديث خارج الموضوع

**dede_dodo88** · 18-03-2013 11:50 PM

الواحد بجد بيتأزم نفسياً جداً بسبب الفئة دي من الناس.. سواء كان مثال العسكري ده أو أي حد بيتسول أو بيستعطف الناس عشان الفلوس خصوصاً الناس الكبيرة في السن..
مببقاش عارف قدامهم أعمل أيه!!.. هو أكيد الأسلوب اللي بيتبعه ده غلط.. بس برجع أفكر و أقول لنفسي أن ربنا هو اللي مديني نعمة أني أكون في وضع مادي أفضل منه فليه أنا أكون بخيل مع حد أقل مني حظاً في الحياة.. و بفكر تفكير تاني من ناحية قيمة الفلوس بالنسبالي و بالنسباله.. يعني أنا بستهلك فلوس كتير في حاجات يمكن تكون تافهة أو كمالية لكن هو ممكن يكون محتاجها عشان ياكل أو يجيب علاج...
يعني أفكار كتير بتيجي في دماغي لما بشوف حد كده لدرجة أني ممكن أفضل لفترة زعلان من نفسي..
همممـ..مش عارف!!

**zangry** · 18-03-2013 11:53 PM

المشاركة الأصلية كتبت بواسطة محمد يوسف

لأ مش مفروض حد يديهم من نفسه ولا حاجة

ورجاء عدم الشخصنة و الدخول فى أحاديث خارج الموضوع

لا المفروض عشان في ناس كتير غلابة !! انا لا بشخصن ولا بتكلم في حاجة انا كل اللى بقوله ان دى ملهاش علاقة بالرشوة ! بس كده

**محمد يوسف** · 19-03-2013 12:10 AM

المشاركة الأصلية كتبت بواسطة zangry

لا المفروض عشان في ناس كتير غلابة !! انا لا بشخصن ولا بتكلم في حاجة انا كل اللى بقوله ان دى ملهاش علاقة بالرشوة ! بس كده

يافندم مش مفروض خالص

وفعلا انت لما تشجعه على مد ايده للناس بحجة انه غلبان حايبق سهل عليه يمدها وياخد مبالغ أكبر للتساهل فى شغله أو الرشوة...ومن حوالى سنة كان فيه عسكرى حراسة فى hsbc الهرم خد فلوس عشان يسهل سرقة البنك

**zangry** · 19-03-2013 12:20 AM

المشاركة الأصلية كتبت بواسطة محمد يوسف

يافندم مش مفروض خالص

وفعلا انت لما تشجعه على مد ايده للناس بحجة انه غلبان حايبق سهل عليه يمدها وياخد مبالغ أكبر للتساهل فى شغله أو الرشوة...ومن حوالى سنة كان فيه عسكرى حراسة فى hsbc الهرم خد فلوس عشان يسهل سرقة البنك

ماشي مش مفروض انا معاك بس اية اللى هيحصل لو كل مناسبة اديتله حاجة مش هى دى اللى هتشجعه .. حتى لو هو مد ايده واخد رشوة يبقي حسابه مع ربنا .. انا بتكلم على الناس الغلابة عموما مش شرط العساكر بتوع البنك بس ..