أسعار هيونداى بعد ما الدولار ما وصل ل 682 قرش

**Ghosts** · 18-03-2013 09:48 PM

المشاركة الأصلية كتبت بواسطة Ultramisho

مع تقديري واحترامي .... احلامك وردية ياباشا
الدولار هينزل ل 5 جنيه ازاي
هو فيه استقرار ولا سياحة ولا مصانع بتشتغل ولا سياسة اقتصادية اصلا

لا طبعا الدولار هيقفز ل 8 جنيه بس تخلص الانتخابات
يارب اجلها شوية علشان نعيش كام يوم اصل غلاء دلوقتي ولا حاجة بالنسبة للي جاي

اما جشع التجار فانا اوافقكم عليه لان غلاء العربيات اكتر من نسبة غلاء الدولار
ولكن تذكر اذا كان رب البيت بالدف ضاربا فشيمة اهل البيت كلهم الرقص

تحياتي

+111111111111111111111 ....
شوفتوا مشروع النهضة عمل فى البلد أية

....

**Dr.Mostafa Anwar** · 18-03-2013 10:00 PM

المشاركة الأصلية كتبت بواسطة ultramisho

مع تقديري واحترامي .... احلامك وردية ياباشا
الدولار هينزل ل 5 جنيه ازاي
هو فيه استقرار ولا سياحة ولا مصانع بتشتغل ولا سياسة اقتصادية اصلا

تحياتي

شوف يافندم انا كنت هأتفق معاك في تشاؤمك ونظرتك الغير متفائلة للمستقبل لو كان الحاجات اللى حضرتك ذكرتها دي " لا سياحة ولا مصانع شغالة ولا سياسة اقتصادية" كانت هيا المرض مش اعراض للمرض ... المرض الحقيقي اللي مسبب كل الأعراض دي هو الفوضى المنظمة والمفتعلة والمقصودة والممولة من الخارج لتظهر الأعراض اللتي سبق وذكرتها حضرتك ولن تختفى تلك الأعراض مطلقا إلا بعلاج المرض الأصلي من جذوره بعدها هتبدأ الأعراض تختفي بالتدريج زي لما بيكون عندك برد وبعد تناول الدواء بكذا يوم تبدأ أعراضه تختفي ... والحقيقة إن تعامل الشرطة والنيابة في الفترة الماضية مؤشر إيجابي لبدء التعامل بشكل صحيح مع الوضع الحالي وبدء ضخ جرعات علاجية مكثفة للسيطرة على المرض ومن ثم البدء في التعافي وإختفاء الأعراض اللي حضرتك ذكرتها

بالمناسبة في خبر كده مش عارف شفته وللا لأ بخصوص تدشين مشروع تنمية قناة السويس وده لوحده هيجذب 200 مليار دولار استثمارات مباشرة خلال ال 5 سنوات القادمة وهيوفر آلالاف من فرص العمل ... ده لوحده كفاية إنه يخسف بسعر الدولار الأرض وينزل مش عاوز أكون متفائل بزيادة وأقولك 4 جنيه لكن هنخلينا في 5 جنيه وشوف تأثير ده على معيشتنا هيكون عامل إزاي :)

حضرتك بس لو تلف التليفزيون في ملاية وترميه في أي حتة هتلاقي كتير من الشحن الإعلامي اللي جواك مش موجود ...

تحياتي

**p r i n c e** · 19-03-2013 02:13 AM

فيرنا مانيوال كاملة بقت ب كام زيرو؟

**S O P H O S** · 19-03-2013 05:02 AM

لا ده المفروض محدش يشتري

**m_am** · 19-03-2013 11:57 AM

شخصيا و رغم ان سيارتي هيونداي اكسنت , لكن لما فكرت اغيرها تأكدت بما لا يدع اي مجال للشك ان الكوري في مصر - سواء بقى من خلال الوكيل فقط او الوكيل و الصانع - سرقه رسمي في اسعاره يكفي اقارن عربيه زي الأر بي بمكونتها مش هقول مع صني اللي بتتقفل في مصر لأ هقول مع السعر اللي نازله بيه الألزيه او اقارن السول بسعر السي ثري بيكاسو و اي واحد هيتأكد اد هو مضحوك عليه

بس بصرف النظر عن النقطه نقطه الدولار اللي هينزل دي هي اللي قمه الكوميديا, بالله عليك يا دكتور مصطفى لما تحب حضرتك تقول كلام للناس قول كلام منطقي و واقعي نظريه ارموا التلفزيون و اسمعوا الأخ خميس و نظريه ليه نشتري دولار ما نشتري ريال يقوم سعر الدولار ينزل , و التوهم ان غضب الناس و خنقتهم ده ممول من الخارج كلام ميصحش من راجل دكتور زيك, الناس مخنوقه و على اخرها نصيحه بلاش تردد الكلام ده بدل ما واحد من خنقته يتحسبن عليك , مجرد نصيحه مش اكثر

**horas3000** · 19-03-2013 12:44 PM

دولار ايه اللي ب 6.82 ده
ده السعر الرسمي للبنوك بس و بحد اقصي 10000 دولار يوميا و مش دايما متوفر و مش في كل الفروع
الدولار بقاله اسبوعين تقريبا بيدور في فلك ال 7.30 من شركات الصيرفه
و ده بعلم و اتفاق مع البنك المركزي علي فكره
و هو ده السعر اللي الناس بتتعامل بيه بالفعل

و لسه
لو فضلنا ماشيين بنفس المنهاج ده هيوصل ل 8 جنية و اكتر

**Ghosts** · 19-03-2013 05:16 PM

المهم أن مع أرتفاع أسعار العربيات تلاقى غبور بيعمل عروض كوميدية جدآ ....
الشهر اللى فات عمل أعلان بيقول فية أغتنم الفرصة و أشترى عربية ألنترا بفايدة 4 % .. طب أزاى؟؟!!

يقولك أدفع نص قيمة العربية و الباقى على سنة و العرض سارى حتى نفاذ الكمية ....
يعنى 75000 على 12 شهر يبقى 6250 فى الشهر .. يبقى دة تقسيط يا ناااااااس؟؟!!

**semsem7222** · 19-03-2013 05:27 PM

طيب ياجماعة انا معايا ار بى 2011 تعمل كام وممشيتش كتير ولو عاوز ابيعها اروح سوق الجمعة ولا اعرضها فين بالظبط بس المهم هى تعمل كام دلوقتى فى ظل الاسعار دى ارجو الرد

**khaabas** · 19-03-2013 05:49 PM

المشاركة الأصلية كتبت بواسطة m_am

شخصيا و رغم ان سيارتي هيونداي اكسنت , لكن لما فكرت اغيرها تأكدت بما لا يدع اي مجال للشك ان الكوري في مصر - سواء بقى من خلال الوكيل فقط او الوكيل و الصانع - سرقه رسمي في اسعاره يكفي اقارن عربيه زي الأر بي بمكونتها مش هقول مع صني اللي بتتقفل في مصر لأ هقول مع السعر اللي نازله بيه الألزيه او اقارن السول بسعر السي ثري بيكاسو و اي واحد هيتأكد اد هو مضحوك عليه

بس بصرف النظر عن النقطه نقطه الدولار اللي هينزل دي هي اللي قمه الكوميديا, بالله عليك يا دكتور مصطفى لما تحب حضرتك تقول كلام للناس قول كلام منطقي و واقعي نظريه ارموا التلفزيون و اسمعوا الأخ خميس و نظريه ليه نشتري دولار ما نشتري ريال يقوم سعر الدولار ينزل , و التوهم ان غضب الناس و خنقتهم ده ممول من الخارج كلام ميصحش من راجل دكتور زيك, الناس مخنوقه و على اخرها نصيحه بلاش تردد الكلام ده بدل ما واحد من خنقته يتحسبن عليك , مجرد نصيحه مش اكثر

+1111111111111111111111111111111111111111111111111 1
بس الا الار بى حبيبت قلبى

ههههههههه دى تضرب الصنى والاليزية يا كبير

-

الموضوع: أسعار هيونداى بعد ما الدولار ما وصل ل 682 قرش

LinkBack

أدوات الموضوع

عرض

-

-

-

المواضيع المتشابهه

موسوعة أسعار قطع غيار هيونداى فيرنا (تكتمل الموسوعة بإضافاتكم)

أسعار الصيانات بعد إرتفاع سعر الدولار

سعر الدولار و سعر اللانسر

أسعار + مواصفات - كل سيارات هيونداى 2012 الموجودة فى مصر

أسعار قطع غيار هيونداى فى التوكيل و المراكز المعتمدة ..

الكلمات الدلالية لهذا الموضوع

المفضلات

المفضلات

ضوابط المشاركة