الموضوع: بلاش غرز من أقصى اليمين حرااااااااااااااام

المشاركة الأصلية كتبت بواسطة toty_305

-الصراحه طريق السويس و الاسماعيليه مليش فيه أخري الرحاب و توكيل هيونداي في الاسماعيليه يبقى الحمد الله أنا مش من الأغبيه

-بس أعتقد لو طريق سفر بيبقى فيه مناطق سكنيه ف لازم تنزل بسرعتك + ان السرعه الرسميه 120 كم-س في طريق السخنه فقط الباقي أعتقد كله 100 كم-س

-أنا أكيد مثلا مش بتقيد بالسرعه الرسميه لطرق السفر زي وادي النطرون بس بكون شايف الطريق فاضي لمرمى البصر و واثق من الاطارات و مفيش مناطق سكنيه الح....

-لو قيه كثافه على الطريق أخري 100-120 كم-س

-أنا عندي نظريه لو مفيش قاعده ثابته يبقى لا تلوم أحد لو مفيش سرعه قانونيه نلتزم بها يبقى لو أنا نتهور مثلا و ماشي 160 و عامل وحش على الناس اللي سايقه بالسرعه القانونيه هيجي عليك واحد راكب ب BMW ماشي على 200 كم-س يشيلني من على الارض

لا يا باشا انت كده كده مش من الاغبيه
انما الفكره كلها لما الطريق مهما كان سرعته وتلاقي واحد بيتدلع في الحاره الشمال. زي ماتكون أمله انه يمشي فيها. وتلاقيه ماشي على 60 مثلا والسرعه 100. والناس طبيعي بتمشي على 120 يعني فرق كبير حتى عن السرعه المحدده.

ومعاك حق في موضوع البي ام الي بيمشي على 200. اول لما طريق اسكندريه اتفتح اول مره بعد التصليحات في الصيف كان اقل واحد ماشي 200 والي وراه بيقلبله عشان يوسع
ساعتها طبعا كنت انا ماشي 210 وبقلب للناس الوحشه الي ماشيه 190 عشان مش عارف اعدي هههههههههههههه ايااااام

المشاركة الأصلية كتبت بواسطة Formulator

متحاولوش يارجالة :((

للأسف الجرى عـ الطرق السريعة بقى يميــــــــن؟؟!!! -- غير كده مش هتعرف تجرى!
وده للإثنين: للى بيجرى واللى بيتغرز عليه -- تخطى! lol


- واللى بيقول أنه مابياخدش غرزة يمين إلا لما يكون كاشف الطريق؟؟!!! أقوله: إنسى الكلام ده!
دا فيـــــــــن ده؟؟ وعلى سرعات كااااااااام؟؟!!

أى غرزة يمين على سرعة عالية بتبقى pure LUCK 100% مفيهاش أى حرفنة ولا سواقة ولا إمكانيات عربية!!

- أنا شايل واحدة قبل كده فـ قلب مدينة نصر.. فـ غرزة يمين (كنت حارق بعد مطب على الـ2nd لحد 6000 rpm) وهى بتعدى الشارع غلط X
والحمد-لله انها ما ماتتش!

- وبفضل الله -وحده- نافد من غرزة يمين عـ الصحراوى على 190-200...
بعدى النقل من اليمين لقيت واحد تانى (نقل برده) على يمينه: عديت بينه وبين السور الخرسانة بالعافية؟!!

بس فعلا: البنى-آدمين اللى بيمشوا فـ الشمال يشلوا؟؟!!! أصلا غلط جدا انك تمشى بطىء فـ طريق سريع عليه صورايخ من اليمين والشمال!
ياتمشى بسرعة الطريق، أو ماتطلعش عليه أصلا وتغور تمشى جوا البلد (وبردو هيقرف الناس ويعمل زحمة)!!

ربنا يسترها ان-شاء الله

فعلا الغرز دلوقتي بقت pure luck من اليمين والشمال ومن كل حته
بقالي كام يوم مابجريش غير في الطرق المستقيمه المفتوحه غير كده اخري اخد نص غرزه :d

المشاركة الأصلية كتبت بواسطة Formulator

من حق الطريق عليك -- فـ رأيى:

- لما تلاقى واحد جاى من وراك بسرعة عالية.. لاااااااااااااازم ولابد توسعله!

عن نفسى بعمل كده -ولو حسيت انه ممكن يتلخبط (يعدى من يمينى ولا شمالى).. بأديله إشارة/غمزة عـ الجنب اللى هأروح عليه، أو بكسر الدركسيون خفيف!!

مش عايز أقول: دانا ببقى شايل همه فـ الغرزة اللى بعدى -بعد ما يعدينى- هينفع يكمل بسرعته ولا لأ؟؟!!! دى مفيهاش هزار!

أصل انت مش ضامن رد فعله أيــــــه؟؟
زى مانت ماتعرفش ظروف الفرامل بتاعته -- لو قفلتها عليه؟؟؟!!!!!!

دا حق الطريق: ماتعطلش واحد أسرع منك أبدا، و واجب عليك تعديه -لو تقدر safely؟!!
الناس اللى بتخنق عـ اللى بيجرى دول: خبؤات! Lol

في السعوديه بيعملوا زيك بالظبط. تبقى ماشي 180 في الحاره الشمال ولما حد يقلبلك لازم توسعله.
وانا بعمل كده كمان
وبالمناسبه حلوه كلمة خبؤات

المشاركة الأصلية كتبت بواسطة lanos2004

عن نفسى يا بوسع باشارة
يا اما اثبت محلى وهوة يتصرف احسن ما يطيرنى من قدامه

+1

المشاركة الأصلية كتبت بواسطة tutankhamoun

الحمد لله .......... نادرا لما بمسك شمال أصلا ..... لأني في 99 % من الوقت مش بزود عن 80 كم - س و أحيانا 90 كم -س لو الطريق يسمح .

و اللي بيزمرلي أو يرعشلي و أنا يمين ........ ببقى عايز أنزل أضربه بالجزمة ....... و أقوله أروحلك فين يا غبي يا متغابي ؟

لما بسافر ....... مش بمسك شمال برضه ...... لأني بمشي بسرعة الطريق الرسمية ......... و غالبا قليلين قوي اللي بلاقيهم ماشيين معايا بنفس الأحترام ..... و الباقيين مش محترمين السرعة الرسمية ..
و بالتالي بأمسك يمين أو في النص ........ و لو بعدي نقل ........ على طول أرجع مكاني تاني .

و لكن الأحترام مفيش أحسن منه .......... و السرعات القانونية مش محطوطة هباءا ........ و التعود على الغلط مش معناه أنه يبقى صح .

مع أحترامي الكامل لكل الشخصيات المحترمة (ذاتيا ) في المنتدى .......... و لكن أنا لا أحترم التصرفات الخطأ فقط .

مع تحياتي و أرجوا أني مكنش بزعل حد برأيي

فعلا اغبيه قوي الناس الي بتقلب للواحد لما يبقى ماشي في النص او الحاره اليمين. مره واحد قلبلي وانا على اليمين قمت معلمه الادب.


بس صحيح يا رجاله انتم بتتكلموا عن الناس الي بتمشي بطئ على الشمال ومابتتكلموش عن البهايم الي شايفينك بتجري وفي غرزه قفلت عليك ولسه بتفتح وهتكمل جري يقوموا قفلينها عليك مع انك مدي اشاره كمان !!