المشاركة الأصلية كتبت بواسطة amr axel
بص يا باشا عشان بس اكون خلصت ضميري السيلاريو كقطع غيار برة التوكيل انسي لو هتستمر مع التوكيل ماشي طبعا سعرها في التوكيل 79 الف
ممكن تاخد التو k10 زي الالتو العادية لكن الموتور موتور سيلاريو و سعرها 62 - 65 الف و اغلب قطع غيارها متوافرة لأنها زي الالتو ماعدا الموتور بتاع سيلاريو و الفوانيس شكل جديد
لازم قبل ما تاخد بالشكل تاخد بتوافر قطع الغيار و اعادة البيع و خلافه و كمان لسه هتتعلم عليها يعني لازم عربية متزعلش لا قدر الله ع حاجة تحصلها
و بصراحة انا استحرم اقولك ادفع المبلغ ده في عربية صغيرة يجيبلك حاجات تاني و يفيض سواء مستعملة او جديد
عايز جديد و موفر شوف الالتو k10 لو عايز موتور 1000 سي سي او التو 800 سي سي لو عايز حاجة موفرة اكتر و منتشرة
عايز حاجة كبيرة و عائلية جديدة يبقي فيرنا او لانوس بس طبعا استهلاك اعلي و قطع موفرة و ارخص و بياعة او تقسط لحاجة اكبر
او مستعمل حاجة زي صني الشكل القديم او لانسر او جين توو
بخصوص هيونداي كي تن هي تعتبر زي الالتو لكن كوري بس الميزة انها اوسع
طبعا موضوع الورق و لا تستني يوم واحد حتي المفروض بتمضي العقد و معاك صورة و يطلع معاك واحد تجيب الافراج و ترخص كل ده في نفس اليوم من اوله انما قصة كمان يومين و ادفع و ابقي خد الورق و الكلام ده مليش فيه و الافضل في الكلام ده تشتري من التوكيل و كمان ينزلك الف جنيه اذا كان التوكيل 79 و المعارض بتغلي اكتر يعني مش اقل من 80 هو يخفض غريبة شوية