عاوز اشتري سيفيك 1986 هاتشباك اتوماتيك

**memo19801980** · 19-03-2013 10:42 AM

السادة أعضاء المنتدي

أولا: أود أن أسجل إعجابي الشديد بهذا المنتدي الرائع والتجاوب السريع بين الأعضاء وكأنهم أسرة واحدة وكمية المعلومات الغزيرة الموجودة بردود السادة الأعضاء

ثانيا : أعرفكم بنفسي,أنا م/محمد من الإسكندرية وأرجو ان تقبلوني كعضو جديد بينكم

ثالثا:أنا معروض عليا سيارة هوندا سيفيك هاتشباك 4 باب موديل 1986 أتوماتيك بسعر 17000 جنيه استعمال سيدة والرخصة باسمها.

ياتري ايه رأي وحوش الهوندا في العربية دي؟

وبالنسبة للاتوماتيك بتاعها اعرف منين ان فيه مشاكل ولا لأ ولو ظهر فيه بعد كده اصلحه فين وبكام؟

وبرضه يا ريت تفيدوني بأسعار قطع غيارها وأماكن بيعها في اسكندرية

معلش انا بطول عليكم لكن انا رايح ابص عليها النهاردة الساعة 8 مساء ومعرفش اي ميكانيكي يجيي معايا ,ممكن بص تنصحوني ابص علي ايه فيها بالضبط عشان اطمن انها كويسة

**kokowasfy** · 19-03-2013 12:06 PM

اهلا بيك كا عضو جديد فى المنتدى بص يا باشا العربية موديلها قديم شوية بس سعرها متوسط و لو حلتها حلوا اتقل على اللة بس اهم حاجة خد العربية على اى بنزينة وانت الى تسوقها لحد البنزينة و اكشف عليها و شوف لو صوت المحرك مش طبيعى و صوت العربية لما بتنقل من n الى d و شوف العفشة لو كانت مش تمام و ربنا يوفقق فى الشراء

**memo19801980** · 19-03-2013 12:51 PM

شكرا اخي الفاضل وانتظر من باقي السادة الاعضاء مزيد من التوضيح

**memo19801980** · 20-03-2013 11:01 AM

ايه يا جماعة معقول ما فيش أي رد؟؟؟؟؟؟؟؟؟

**SAMEH_FOUAD** · 20-03-2013 11:25 AM

شوف ياباشا اولا السيفيك موديل 1986 دية مش هاتشباك , دية اسمها civic wagon لان الهاتشباك بتاع الموديل دة بيبقى 2 باب فقط

العربية كويسة جدا , بس حاجاتها نادرة , هية عموما ليها حاجات كتير بيتم تبديلها بموديلات اعلى لعدم توافرها فى السوق

موضوع الفتيس , للاسف الفتيس بتاع السيارة دة بيكون 3 سرعات اتوماتيك , اسمة hondamatic

ودة طبعا الفتيس دة نادر جدا ولو لقيتة , هيكون بسعر خيالى من 2500-3000 جنية وحالاتة 70% الى 75% بالكتير اوى

ففى الحالة دية بيتم تسقيط محرك موديل 1988-1993 كربراتير افضل والتكلفة بالتعديلات بتكون 6000 جنية

قطع غيار فى اسكندرية قليل جدااااااااااا , ومش ليها بس للهوندا عموما

طبعا هتبص على اساسيات - حالة المحرك - حالة الفتيس - الدواخل ودية من الاهميات عشان اى حاجة ناقصة فى العربية مش هتلاقيها بسهولة وهتتدفع فيها

- بردة للعلم قطع غيارها الخارجية قليلة جدااا ( فوانيس - اكصدامات - رفارف )

نصيحتى ليك دورلك على سيفيك نفس الموديل بس السيدان حاجاتة متوافرة شوية عنة