مشكله الطنابير واختلاف فى السحب

**arabmarket** · 20-03-2013 03:54 PM

السلام عليكم يا وحوش

من شهرين او اقل غيرت التيل بتيل يابانى fbk من عند الدسوقى وشكلهم لا يابانى ولايحزنون المهم من ساعه ما ركبتهم والتيل بيصفففففففر لما خنقنى والفرامل زباله الزباله ولا بتمسك ولا بتقف والاهم ان الفرامل كانت بتهرب المهم وكان فيه رجه جامده لما تهدى على سرعات كشفت على التيل الميكانيكى قالى التيل ده تعبان وكله نحاس المهم غيرت التيل بتيل كورى اسمه هاى تك وركبته طلع 10/10 شغال ولا تصفير ولا اى حاجه بس قالى ان الطنابير عاوزه تتغير لان التيل اليابانى المزيف بوظها وعاوزين يتغيروا المهم بالصدفه كان معايا الطنابير الاصلى للعربيه لان الطنابير الى ركبه كانت يابانى من عند الدسوقى اعتقد ب 550 ج لو فاكر صح المهم ركبت الاصلى لانه قالى دول احسن من الى راكبين فيها وفعلا حسيت بفرق فى السحب ونعومه والفرامل بتمسك المشكله بقه ان الطنابير الاصلى برضه فيها رجه على كل السرعات يعنى عاوز يتغير السؤال بقه هل فيه نوع معين اجيبه انا سمعت انه هنا بيعمل 350ج فى اسكندريه بس مش عارف نوعه ايه
وهل لو مش عاوز اغير ممكن مثلا اصنفر الطنابير الاصلى وهل ده حل عملى ولا فلوس على الفاضى ووهل الطنابير بتاثر على السحب لانى اول ماركبت الطنابير الاصلى تانى القديمه العربيه كانت تقيله كده وبعدين لما التيل طبع عليها رجعت تظبط وبعدين مش عارف ازاى بس زى ما يكون العربيه بقت اثبت شويه هل دى حقيقه ولا اوهااام

الحاجه التانيه يا رجاله ان العربيه ليها مواعيد وحالات بمعنى ان معروف ان السحب بالليل بيكون اعلى عشان الهواء ابرد والصبح اقل عشان سخونه الهوا المهم ان العربيه بتشتغل بمزاجها مره بالليل تلاقى السحب ايه .. وحش ومره الصبح تلاقى السحب برضه خرافى زى النهارده وامبارح ومره العكس تماما تلاقيها مخنوقه ومبتسحبش فايه العيب بالتحديد وانا مركب فلتر هواء سبور ايه رايكم اطول الماسوره شويه ولو صحيح ايه الخطوات الصح ؟

**Hamdy Masria** · 20-03-2013 06:32 PM

للاسف جشع التجار وغشهم هو اللى عامل فينا كده
ربنا يخلف عليك...
وبالنسبة للطنابير الأصلى ممكن تمسهم عند الخراط
(بس اهم حاجة يكون فى تخانة فى الطنابير كفاية )

وتركب عليهم التيل الكورى هتلاقى نتيجة مرضية
انا عامل كده فى عربيتى والحمدلله الفرامل كويسة

**hany63** · 20-03-2013 06:39 PM

حكاية السحب اللي كل وقت بحال ده طبيعي
عشان كل الرطوبه تزيد الاكسجين يقل و معاه السحب
و درجة الحراره برضه بتفرق في كثافة الهواء
المشكله بقى داخلين على حر و رطوبه و كمان حمل مستمر على الموتور بسبب التكييف يعني سحب نيله

**AHMED_HAMDY** · 20-03-2013 07:28 PM

معلشي لو فيها تعب لحضرتك التيل الكوري جيبته منين يعني من اسكندريه ولا القاهره وسعره كام ؟

والميكانيكي قالك احسن من الياباني ؟؟ ؟ ؟

**ahmedeihab** · 20-03-2013 10:45 PM

لو فيهم تخانه ممكن تروح تاخدهم وش عند الخراط بس يكون نضيف علشان متريجش منه هو كمان

^_^

**arabmarket** · 20-03-2013 11:07 PM

المشاركة الأصلية كتبت بواسطة hamdy masria

للاسف جشع التجار وغشهم هو اللى عامل فينا كده
ربنا يخلف عليك...
وبالنسبة للطنابير الأصلى ممكن تمسهم عند الخراط
(بس اهم حاجة يكون فى تخانة فى الطنابير كفاية )

وتركب عليهم التيل الكورى هتلاقى نتيجة مرضية
انا عامل كده فى عربيتى والحمدلله الفرامل كويسة

والله يا حمدى الميكانيكى قال ان الطنابير تخينه وكويسه بس فيها ريجات وممكن اجرب لو لقيتها فعلا فيها تخانه كفايه

**arabmarket** · 20-03-2013 11:10 PM

المشاركة الأصلية كتبت بواسطة hany63

حكاية السحب اللي كل وقت بحال ده طبيعي
عشان كل الرطوبه تزيد الاكسجين يقل و معاه السحب
و درجة الحراره برضه بتفرق في كثافة الهواء
المشكله بقى داخلين على حر و رطوبه و كمان حمل مستمر على الموتور بسبب التكييف يعني سحب نيله

هانى باشا

بجد معلم والله انت حلتلى اللغز الى حيرنى من امبارح الجو فعلا فى اسكندريه اليومين دول روعه وهواء بارد ونسمه قويه
عشاااااااان كده بقه السحب حكايه وبالمناسبه دى يوم الخميس رايح مارينا اخبط يومين

يلاااااااااا بقه

**arabmarket** · 20-03-2013 11:27 PM

المشاركة الأصلية كتبت بواسطة ahmed_hamdy

معلشي لو فيها تعب لحضرتك التيل الكوري جيبته منين يعني من اسكندريه ولا القاهره وسعره كام ؟

والميكانيكي قالك احسن من الياباني ؟؟ ؟ ؟

ابو حميد

من اسكندريه من عند واحد اسمه ياسين فى فلمنج والتيل اسمه "هاى تك" بس والله بجد ممتاز جدا جدا انا فعلا بفكر اشترى كمان واحد هوب 140ج وهجبلك رقمه باذن الله لانه مش معايا دلوقتى

**arabmarket** · 20-03-2013 11:33 PM

المشاركة الأصلية كتبت بواسطة arabmarket

ابو حميد

من اسكندريه من عند واحد اسمه ياسين فى فلمنج والتيل اسمه "هاى تك" بس والله بجد ممتاز جدا جدا انا فعلا بفكر اشترى كمان واحد هوب 140ج وهجبلك رقمه باذن الله لانه مش معايا دلوقتى

الرقم با برنس

01223679533

-

الموضوع: مشكله الطنابير واختلاف فى السحب

LinkBack

أدوات الموضوع

عرض

مشكله الطنابير واختلاف فى السحب - انشر الموضوع فى :

-

-

-

-

-

-

-

المواضيع المتشابهه

مشكله الطنابير الاماميه

مشكله في الطنابير رجاءا ساعدوني

مشكله فى السحب

ساعدوني مشكله في السحب

عندى مشكله فى السحب

الكلمات الدلالية لهذا الموضوع

المفضلات

المفضلات

ضوابط المشاركة